------////البارت الرابع///----
---///بقلمي حكمت H.M///----
اجووو خطاابه علئ نضال
وابووي واافق شلون ليش منو هذا مندري
ابوي راد بس يخلص منه
من اجن النسوان عرفنه انو ابراهيم هوة الخطب نضال
نضال بس تبجي تخاف من. الزلم واذا تكول ماكو احد يسمعهة
صارت بس قروا الفاتحه وعقوا سيد هذا كله بيوم واحد وهدوئ
وراه طلعوا عقدوا محمكة ..كله صار بلمح البصر
حددو العرس بعد يومين لا بدله ولاحفله ولا اي شي مجرد ياخذهة. بعباتهة للبيت .
انقهرت بوكتهة كام الدم. يجري من اذني ومن. خشمي
ليش بس ويانه يصير هيج يعني نضال لاحضت بدوام ولابعرس مثل البنات ..كل هل عوائق الي جاي تصير النه والي راح. تصير بالمستقبل كله. بسبب امي.
اتزوجت. نضال وبقينه بس اني وابوي ابوي ميحجي وياي
ابقه. اني بس بالغرفه احس صار بيه. توحد…
نضال.. اجو عليه خطابه والخطبني ابراهيم معقوله احد. يتزوجنه بعد الصار…
مجنت. متقبله الفكره ..صار اليوم. الاروح. بي عشتو عروسه رحت للبيت همه الناس كلش حبابين… دخلنه للغرفه واني الخوف موتني مر عليه اليوم. الفكر…
حجه. وياي شوي. وبعدين. بده. يتقرب ..من. شفت هيج كمت ابجي بصووت. ما اريد قربه احس اختنكت. ..كل. الزلم وكعت. من عيني ..دفعته. ورحت للزاويه مال غرفه لميت رجلي وكمت ابجي.
كلت بس كون. الله يطلعني لو يخلصني. من. هل حياه
"يِّأّعٌلَيِّ يِّأّ أّبًأّ أّلَحًسِـنِ دٍخِـيِّلَکْ"
كال .مراح اتقربلج هسه بس علئ كيفج ..واذا احد يسألج اي شي لاتجاوبين… طلع وبقيت ابجي
عدت ايام. يمكن. سبع ايام علئ ما اتووقع
وسمعنه صررريخ… فززززز كلبي اي هذا الصوت اعرفه لا ياارب
لزمت بالحايط مكرت امشي بعد
بنين. .اتغدينه ابوي ياكل وحده واني. وحد ..خلص شلت الصينيه وغسلت الاماعين وسويت جاي شرب ابوي ونام…
بقيت وحدي كاعده… للمغرب وابوي مگعد يا الله شلون. خاف اكعده ويعصب ..شلون بله… .طلعت بالطرمه المغررب وكمت ابجي…. شهل عيشه العايشيهة احنه… صارت ب8:30وماكو كلت خل اروح اكعد والي يصير يصير ..دخلت للصاله ..رحت. يمه ندسته بجتفه كتله بابه بابه كوم اكعد ب8:30صارت
ماجاوب رجعت اندس بي ماكو ..شو. ميتنفس بقيت اااهز بي مااكو… بس فاتح. عيونه وعيونه. صارن بيض خفت ولزمته من ايده… شخرر مثل الشخره وكطع بعد… ..اتخبلت انوب دنيه مغرب علئ ليل .كمت ااااصرررخ. من المووقف والمشهد شلون. فتح. عيونه وشخررررر… .اضرخ بعلو. صوتي واني لازمه ايده…
شفت ابراهيم. دخل. للبيت من. شااف هيج اتفاجأ و وكف. مصدوم. انوب اجه عليه يركض 🏃 و وياه ولد دخل. من شاافوا هيج. حاولوا يبعدوني. بس اني لازمه ايده وكاعده وابد مبجيت با الاخير ابراهيم لزمني من. جتافي و وخرني هذا الولد شاله كبل ..شوي ودخلت نضال وعمتهة واخت ابراهيم ..شوي. واجه ابرهيم. كال اريد جنسيه ابوجن. وشهاده. مالته شو. نضال كامت. تصررخ ..ليش ما ادري… الفهمته كالت راح. خيمتنه…
بعدين استوعبت انو ابوي مات ما بجيت ابد
الصبح. نصبوا جادر بدت الناس تجي ..ياهوا اليجي ويكول. هاي خطيه مات كدامهة. باوعوا شلون. مصدومه .. الفاتحه لزمهة ابراهيم و واصدقائه… خطيه. مقصروا خلصت الفاتحه واحنه بالضيم… .بيوم السابع اني كعدت بالحديقه لحد الان. مباجيه ابد نضال كطعت روحهة ..بيتنه. بس اني. ونضال وعمتهة وحماتهة ..دخل ابراهيم و وياه صديقه هذا الشال ابوي ..اجه ابراهيم. يمي… والولد. بقه. واكف ..لزمني. من. اجتافي
كال… ولج ابجي. صرخي موزين هيج. تضلين ..سوي اي شي
بقيت ساكته… لزمني حيل .وكال ..ابوووج. ماااات. وووولج. مااات يعني ررراح. اندفن. تعرفين شلللون اندفن يعني. خلوا عليه ترراب بعد ميجي ..
من. سمعت. هيج وكعت. دمعتي. وكمت اصرررخ. بشكل .
اجت ام. ابراهيم حضنتني وتسكت. بيه طلع ابراهيم وصديقه…
ابراهيم.. جنت لازم. احجي هيج. علمود. تحس… وتبجي لان. موزين عليهة هيج ..
بنين من. كومتني ام ابراهيم .كبل وكعت… ."يتبع"
