😍9 ﺍﻟﺠﺰء😍
ﺟﺎﺯﻭ ﻳﺎﻣﺎﺕ ﻫﻜﺎ ﺑﻴﻦ ﺷﻐﻞ ﺩﺍﺭ
ﻭﺍﺩﻡ ﻭﺗﺴﻨﻴﻢ ﻭ ﻭﺭﺍﺟﻠﻲ ﺍﻩ ﺍﻟﺴﻴﺪ
ﻟﻲ ﺧﺪﺍﻣﺔ ﻋﻨﺪﻭ ﻳﺸﻮﻑ ﻓﻴﺎ ﺑﻨﺺ
ﺍﻟﻌﻴﻦ ﻭﻛﺄﻧﻲ ﻛﻠﺒﺔ ﺻﺒﺎﺡ ﺍﻟﺨﻴﺮ
ﻣﺎﻛﺎﺵ ﻭ ﺯﻳﺪ ﻣﺎﻳﺼﻠﻲ ﻣﺎﻭﺍﻟﻮ
ﺗﻘﻠﻘﺖ ﺑﺰﺍﻑ ﻣﻨﻮ ﻫﻜﺎﻙ ﻭﻧﺪﻋﻲ
ﺭﺑﻲ ﻳﻬﺪﻳﻪ ﻛﺎﻧﻮ ﺩﺍﺭﻧﺎ ﻳﻌﻴﻄﻮﻟﻲ
ﻳﺴﻘﺴﻮ ﻋﻠﻴﺎ ﻧﻘﻮﻟﻬﻢ ﻻﺑﺎﺱ ﺭﺍﻧﻲ
ﻣﻠﻴﺤﺔ ﻭﻏﻴﺮ ﻧﻜﻮﺑﻲ ﻧﺒﻜﻲ ﺣﺘﻰ
ﻳﻨﺸﻔﻮ ﺩﻣﻮﻋﻲ ﻓﻲ ﻟﻴﺎﻣﺎﺕ
ﻫﺎﺩﻭﻙ ﻧﻀﻞ ﻧﺸﻮﻑ ﻓﻲ ﺭﻳﺎﺽ
ﻳﺨﺮﺏ ﻓﻲ ﻟﻤﻴﻜﺮﻭ ﻭﻛﻲ ﻳﺸﻮﻓﻨﻲ
ﻳﻄﻔﻴﻪ ﻭ ﺗﻠﻴﻔﻮﻧﻮ ﻳﺼﻮﻧﻲ ﺩﻳﻤﺎ
،ﻟﺤﻘﻮ ﻟﻲ ﻓﺎﻛﻮﻧﺲ ﺗﺎﻉ ﺗﺴﻨﻴﻢ
ﻗﺘﻠﻮ ﻧﺮﻭﺡ ﻟﺪﺍﺭﻧﺎ ﺷﺎﻑ ﻓﻴﺎ
ﺑﺎﻟﻐﺶ ﻗﺎﻟﻲ ﻭﺩﺭﺍﺭﻱ ﻗﺘﻠﻮ ﻧﺪﻳﻬﻢ
ﻣﻌﺎﻳﺎ ﻧﺎﺽ ﻭﻗﺎﻟﻲ ﺍﻧﺴﺎﻱ ﺗﺪﻳﻬﻢ
ﻣﻌﺎﻙ ﺗﺤﺒﻲ ﺗﺮﻭﺣﻲ ﻓﻲ ﻧﻬﺎﺭ
ﻭﺗﺠﻲ ﻧﺪﻳﻚ ﻭﻧﺠﻴﺒﻚ ﻣﻌﻠﻴﺶ
ﺑﺎﺵ ﺗﺒﺎﺗﻲ ﻻﻻ ، ﻗﺘﻠﻮ ﻋﻼﺵ ﻳﺎﻙ
ﺭﺍﻧﻲ ﻳﻤﺎﻫﻢ ﻻﻻ ﻫﻨﺎ ﺿﺮﺑﻨﻲ
ﺑﻜﻒ ﺣﺘﻰ ﻃﺤﺖ ﺑﻘﻴﺖ ﻣﺨﻠﻮﻋﺔ
ﻣﺎﻃﺎﺣﺘﻠﻴﺶ ﺩﻣﻌﺔ ﻣﻲ ﺗﺸﻮﻛﻴﺖ
ﻗﺎﻟﻲ ﺩﻳﺮﻳﻬﺎ ﻣﻠﻴﺢ ﻓﻲ ﺭﺍﺳﻚ
ﻣﺎﺭﺍﻛﻴﺶ ﻳﻤﺎﻫﻢ ﻭ ﻣﺎﺗﺘﺼﺮﻓﻴﺶ
ﻣﻌﺎﻫﻢ ﻛﺄﻡ ﺣﻘﻴﻘﻴﺔ ﻣﺎﻋﺮﻓﺖ
ﻧﺒﻜﻲ ﻭﻻ ﻧﻀﺤﻚ ﺑﻘﻴﺖ ﻓﻲ
ﻟﺮﺽ ﻭﻧﺸﻮﻑ ﻣﻌﺎﻩ ﻫﻮ ﺧﺮﺝ
ﻭﺍﻧﺎ ﺑﺪﻳﺖ ﻧﺒﻜﻲ ﻋﻠﻰ ﺯﻫﺮﻱ
ﺣﺘﻰ ﺟﺎﺕ ﺗﺴﻨﻴﻢ ﺗﻌﻴﻂ ﻣﺎﻣﺎ
ﺧﺪﻳﺠﺔ ﻋﻼﺵ ﺭﺍﻛﻲ ﻓﻲ ﻟﺮﺽ
ﺗﻤﺘﻢ ﻣﺴﺤﺖ ﺩﻣﻮﻋﻲ ﺷﻔﺖ ﻓﻴﻬﺎ
ﻭﺗﺒﺴﻤﺖ ﻗﺘﻠﻬﺎ ﺭﺍﻧﻲ ﻧﻠﻌﺐ
ﺗﻠﻌﺒﻲ ﻣﻌﺎﻳﺎ ﻗﺎﺗﻠﻲ ﺍﻳﻪ ﻭ ﺟﺎﺕ
ﻟﻌﻨﺪﻱ ﻗﺘﻠﻬﺎ ﺍﻃﻠﻌﻲ ﻧﺪﻳﺮﻟﻚ ﻋﻮﺩ
ﻃﻠﻌﺖ ﻭﻫﻲ ﺗﻀﺤﻚ ﻭﺍﻧﺎ ﻧﺴﻲ
ﻓﻲ ﺭﻭﺣﻲ ﺑﺎﺵ ﻣﺎﻧﺒﻴﻨﻠﻬﺎﺵ
ﻟﺨﺎﻃﺮ ﺩﺭﺍﺭﻱ ﻓﻲ ﻫﺪﺍ ﺍﻟﻮﻗﺖ
ﺗﺘﻜﻮﻥ ﺷﺨﺼﻴﺘﻬﻢ ....
أنت تقرأ
كرونيك جديدة 😍 قصة #خديجة و #رياض 💖
General Fiction😇 جبتلكم كرونيك جديدة 😍 قصة #خديجة و #رياض 💖 ان شاء الله تعجبكم 😍 😍الجزءالأول1😍 ........يابنتي خمي مليح ماشي ساهل تربي زوج دراري, قتلها يما علبالي بصح مارانيش صغيرة لي مانقدرلهمش وزيد يتامى والله غادوني قاتلي خلاص مالا نقول لباباك راكي قابلة...
