كرونيك جديدة 😍 قصة #خديجة و #رياض 💖

الجزء 15

😍15 ﺍﻟﺠﺰء😍
ﺑﻌﺪ ﺭﺑﻊ ﺍﻳﺎﻡ ﺑﻌﺜﺖ ﻭﺭﻗﺔ ﻃﻼﻕ
ﻟﺮﻳﺎﺽ ﻓﻲ ﻫﺎﺩﻭ ﺍﻟﻴﺎﻣﺎﺕ
ﺗﻮﺣﺸﺖ ﻭﻻﺩﻱ ﻭﺻﺪﺭﻱ ﺗﺰﻳﺮ
ﺑﺎﻟﺤﻠﻴﺐ ﻭﻻ ﻳﺴﻴﺢ ﻭﺣﺪﻭ ﺣﺘﻰ
ﺭﺟﻌﺖ ﻧﺒﻜﻲ ﺍﻟﻠﻪ ﻏﺎﻟﺐ ﻛﻨﺖ
ﻣﺘﻘﺒﻠﺔ ﻛﻠﺶ ﺑﺼﺢ ﻳﺘﻌﺎﻣﻞ ﻣﻌﺎﻳﺎ
ﻛﺄﻧﻲ ﺳﺮﺍﻗﺔ ﻭﻣﺎﺷﻲ ﺩﺍﻳﺮ ﻓﻴﺎ ﺛﻘﺔ
ﻭﺍﻧﺎ ﻟﻲ ﻧﺮﺑﻲ ﻓﻲ ﻭﻻﺩﻭ ﻭﻛﺄﻧﻲ
ﺍﻧﺎ ﺟﺒﺘﻬﻢ ﻣﻦ ﻛﺮﺷﻲ ﺣﻖ ﺧﻴﺮﻱ
ﺟﺎﺕ ﻋﻨﺪﻱ ﺣﺒﻴﺒﺘﻲ ﻭ ﺣﻜﻴﻨﺎ ﻓﻲ
ﻛﻠﺶ ﻭﺑﻘﺎﺕ ﻣﻮﺭﺍﻳﺎ ﺣﺘﻰ ﺣﻜﻴﺘﻠﻬﺎ
ﻣﺴﻜﻴﻨﺔ ﺑﺪﺍﺕ ﺗﺒﻜﻲ ﻣﻌﺎﻳﺎ ﻗﺎﺗﻠﻲ
ﺣﺮﺍﻡ ﻋﻠﻴﻪ ﻣﺎﻋﺮﻓﺶ ﻗﻴﻤﺘﻚ ... ،
ﻛﺎﻥ ﺭﻳﺎﺽ ﻓﻲ ﺍﻟﻤﻜﺘﺐ ﺗﺎﻋﻮ ﻫﻮ
ﻣﺪﻳﺮ ﻣﺆﺳﺴﺔ ﺗﺎﻉ ﺍﻻﺳﺘﻴﺮﺍﺩ ﺣﻘﺎ
ﺩﺧﻠﺖ ﺳﻜﺮﺗﻴﺮﺗﻮ ﻭﻫﻲ ﺗﺘﻌﻮﺝ ﻭ
ﺗﺘﻐﻨﺞ ﻭﻗﺎﺗﻠﻮ ﻋﻤﺮﻱ ﻫﺎﺩﻱ ﻟﻴﻚ
ﻭﺧﺮﺟﺖ ﻛﺎﻥ ﻇﺮﻑ ﺑﺮﻳﺪﻱ ﻛﻲ
ﻓﺘﺤﻮ ﻟﻘﻰ ﻃﻠﺐ ﻃﻼﻕ ﻋﺎﻭﺩ ﻗﺮﺍﻩ
ﺯﻭﺝ ﻭﺗﻼﺗﺔ ﻭﺭﺑﻌﺔ ﻭﺑﺪﺍ ﻳﻘﻮﻝ
ﻻﻻ ﻋﻠﺒﺎﻟﻲ ﻣﺎﺩﻳﺮﻫﺎﺵ ﻭ ﻭﻗﻒ
ﺩﻳﺮﺍﻛﺖ ﻭﺧﺮﺝ ﺭﺍﺡ ﻟﺪﺍﺭ ﺧﺘﻮ
ﺷﺎﻑ ﻭﻻﺩﻭ ﺧﺘﻮ ﺑﻘﺎﺕ ﻣﺸﻨﻔﺔ
ﻋﻠﻴﻪ ﻟﺨﺎﻃﺮ ﻛﺎﻣﻞ ﻳﺤﺒﻮﻧﻲ
ﻣﺎﻋﻠﺒﺎﻟﻬﻤﺶ ﻭﺍﺵ ﺣﻜﺎﻳﺘﻲ ﻣﻌﺎﻩ
ﻣﺎ ﻛﻨﺖ ﻧﺤﻜﻲ ﻟﺤﺘﻰ ﻭﺍﺣﺪ ﺑﺼﺢ
ﻫﻤﺎ ﻓﻬﻤﻮ ﻭﻳﻌﺮﻓﻮ ﺧﻮﻫﻢ ﻭﻋﻘﻠﻴﺘﻮ
، ﺟﺎﺕ ﻟﻴﻪ ﺗﺴﻨﻴﻢ ﺗﺒﻜﻲ ﺗﻮﺣﺸﺖ
ﻣﺎﻣﺎ ﺧﺪﻳﺠﺔ ﻋﻼﺵ ﺧﻼﺗﻨﻲ
ﻭﺑﺪﺍﺕ ﺗﺒﻜﻲ ﺷﺎﻓﺖ ﻓﻴﻪ ﺧﺘﻮ
ﻭﻗﺎﺗﻠﻮ ﺣﺘﻰ ﺍﺩﻡ ﺭﺍﻩ ﻣﺎﻳﺴﻜﺘﻠﻴﺶ
ﻛﺎﻣﻞ ... ﺟﺎﺕ ﻟﻌﻨﺪﻧﺎ ﻋﺠﻮﺯﺗﻲ
ﺳﻠﻤﺖ ﻋﻠﻴﻬﺎ ﻭ ﻫﻲ ﺗﺘﺤﻀﻦ ﻓﻴﺎ
ﻭﺗﺒﻜﻲ ﻗﺎﺗﻠﻲ ﻳﺎﺧﺪﻳﺠﺔ ﺍﺭﺟﻌﻲ
ﻟﺪﺍﺭﻙ ﻫﻨﺎ ﻳﻤﺎ ﺧﺮﺟﺖ ﻭﺧﻼﺗﻨﺎ
ﻭﺣﺪﻧﺎ ﺷﻔﺖ ﻓﻴﻬﺎ ﺑﺪﻳﺖ ﻧﺒﻜﻲ
ﻗﺘﻠﻬﺎ ﺍﺳﻤﺤﻴﻠﻲ ﺃﻣﻲ ﻭ ﺍﻟﻠﻪ ﻧﻌﺰﻙ
ﻛﻴﻤﺎ ﻳﻤﺎ ﺑﺼﺢ ﺍﻧﺎ ﻭﺭﻳﺎﺽ ﻣﺎﺷﻲ
ﻟﺒﻌﺾ ﺍﺩﺍ ﻋﻠﻰ ﺩﺭﺍﺭﻱ ﺟﻴﺒﻮﻫﻢ
ﻟﻌﻨﺪﻱ ﻧﺮﺑﻴﻬﻢ ﻭﺍﻟﻠﻪ ﺣﺎﺟﺔ
ﻣﺎﺗﺨﺼﻬﻢ ﺑﺼﺢ ﺭﻳﺎﺽ ﻣﺎﺭﺍﺣﺶ
ﻳﺨﻠﻴﻬﻢ ﻋﻨﺪﻱ ﻫﻮ ﺍﺻﻼ ﻭ ﺳﻜﺖ
ﺷﺎﻓﺖ ﻓﻴﺎ ﻭﻗﺎﺗﻠﻲ ﻧﺤﻠﻔﻚ ﺑﺮﺑﻲ
ﺗﻜﻤﻠﻲ ﻭﺍﺵ ﻛﻨﺘﻲ ﺗﻬﺪﺭﻱ ﺍﻧﺎ
ﺗﻠﻌﺜﻤﺖ ﻭﻗﺘﻠﻬﺎ...