😍19ﺍﻟﺠﺰء😍
ﺭﺟﻌﺖ ﻟﺤﻴﺎﺗﻲ "" ﺍﻟﺰﻭﺟﻴﺔ ""
ﻛﻴﻤﺎ ﻣﻦ ﻗﺒﻞ ﻧﻔﺲ ﺍﻟﺮﻭﺗﻴﻦ
ﻭﻧﻔﺲ ﻃﺮﻳﻘﺔ ﺍﻟﺘﻌﺎﻣﻞ ﺍﻟﺒﺎﺭﺩﺓ ﺗﺎﻉ
ﺭﻳﺎﺽ ﺟﺎﺯﻭ ﺷﻬﺮﻳﻦ ﻭﻫﻲ ﻭﺍﺣﺪ
ﻧﻬﺎﺭ ﻗﺎﻋﺪﺓ ﺣﺘﻰ ﻳﻌﻴﻄﻠﻲ ﺭﻳﺎﺽ
ﺭﻓﺪﺕ ﻋﻠﻴﻪ ﺻﻮﺕ ﻏﺮﻳﺐ ﻗﺘﻠﻮ
ﺷﻜﻮﻥ ﻣﻌﺎﻳﺎ ﻗﺎﻟﻲ ﻣﺎﺩﺍﻡ ﻣﻮﻝ
ﺍﻟﺘﻠﻴﻔﻮﻥ ﻫﺪﺍ ﺩﺍﺭ ﺣﺎﺩﺙ ﻭﺭﺍﻩ ﻓﻲ
ﺳﺒﻴﻄﺎﺭ ﻭﻣﺎﺗﻘﻠﻘﻴﺶ ﺭﻭﺣﻚ ﻋﻨﺪﻭ
ﻛﺴﺮ ﻓﻘﻂ ﺣﻄﻴﺖ ﻳﺪﻱ ﻋﻠﻰ
ﻗﻠﺒﻲ ﻭﻗﻠﺖ ﺍﻟﺤﻤﺪ ﻟﻠﻪ ﻣﺎﻟﻘﻴﺘﺶ
ﻭﺍﺵ ﻧﺪﻳﺮ ﻣﻦ ﻏﻴﺮ ﻧﻄﺒﻄﺐ ﻋﻠﻰ
ﺟﺎﺭﺗﻲ ﻭﻗﺘﻠﻬﺎ ﺗﺸﺪﻟﻲ ﺩﺭﺍﺭﻱ
ﻭﻗﺎﺗﻠﻲ ﻣﺎﻛﺎﺵ ﻣﺸﻜﻞ ﺭﺣﺖ
ﻟﺴﺒﻴﻄﺎﺭ ﺩﺧﻠﺖ ﺳﻘﺴﻴﺖ ﻋﻠﻴﻪ
ﻟﻘﻴﺘﻮ ﺩﺍﻳﺮﻳﻨﻠﻮ ﺍﻟﺒﻼﻙ ﻋﻠﻰ ﺭﺟﻠﻮ
ﻭﻛﺘﻔﻮ ﻧﺨﻠﻌﺖ ﺭﺣﺖ ﺩﻳﺮﺍﻛﺖ
ﻟﻴﻪ ﻳﺎﻙ ﺭﺍﻙ ﺑﺨﻴﺮ ﻛﻴﻔﺎﺵ ﺭﺍﻙ
ﺗﺤﺲ ﻭﻫﺎﺩﻱ ﻛﻴﻔﺎﺵ ﺣﺘﻰ
ﺻﺮﺍﻟﻚ ﻫﻜﺎ ﻣﻦ ﻟﺨﻠﻌﺔ ﺭﺟﻌﺖ
ﻏﻴﺮ ﻧﻬﺪﺭ ﻗﺎﻟﻲ ﻣﻌﻠﻴﺶ ﺗﺴﻜﺘﻲ
ﻋﻠﻴﺎ ﻓﻲ ﻗﻠﺒﻲ ﻗﻠﺖ ﻟﺤﻘﺖ
ﻟﻠﻤﻮﺕ ﻭﻟﺴﺎﻧﻚ ﺳﻢ ..
ﺑﻌﺪ ﻳﺎﻣﺎﺕ ﺧﺮﺝ ﻭ ﻗﺎﻟﻮ ﻃﺒﻴﺐ
ﺍﻗﻌﺪ ﻏﻴﺮ ﻣﻜﺴﻞ ﻓﻮﻕ ﺍﻟﻔﺮﺍﺵ
ﻋﻠﻰ ﺍﻻﻗﻞ ﺳﻤﺎﻧﺔ ، ﻛﻴﻤﺎ ﻗﺎﻟﻮ
ﺩﺭﻧﺎ ﻛﻨﺖ ﻧﻠﺒﺴﻠﻮ ﺣﻮﺍﻳﺠﻮ ﻭ
ﻧﻮﻛﻠﻮ ﻟﺨﺎﻃﺮ ﻣﺎﻳﻘﺪﺭﺵ ﻳﺤﺮﻙ
ﻛﺘﻔﻮ ﻭﻳﺪﻭ ﻣﺎﻛﺎﻧﺶ ﻳﻘﻮﻟﻲ ﺩﻳﺮﻱ
ﻭﺟﻴﺒﻲ ﺗﺮﺑﻰ ﻫﻪ ﻫﺪﺍﻙ ﻧﻬﺎﺭ
ﺻﻮﻧﺎ ﺗﻠﻴﻔﻮﻧﻮ ﻛﻨﺖ ﻗﺎﻋﺪﺓ ﻧﺒﺪﻟﻮ
ﺣﻮﺍﻳﺠﻮ ﺟﺎء ﻳﻜﻮﺑﻲ ﺭﻓﺪ ﻭﺩﺍﺭ
ﺩﻭﺑﻞ ﺑﺎﻑ ﻏﻠﻄﺔ ﺣﺘﻰ ﻧﺴﻤﻊ
ﺻﻮﺕ ﻣﺮﺕ ﺍﻟﻮ ﻋﻤﺮﻱ ﺗﻮﺣﺸﺘﻚ
ﻛﻨﺖ ﺣﺎﺑﺔ ﻧﺠﻲ ﻧﺸﻮﻓﻚ ﻫﻮ ﺟﺎ
ﻳﻜﻮﺑﻲ ﺑﻠﻮﻛﺎ ﺗﻠﻴﻔﻮﻥ ﺑﻘﻴﺖ
ﻧﺴﻤﻊ ﻭﻫﻲ ﺗﺘﻤﻌﺸﻖ ﻓﻴﻪ ﺣﺒﻲ
ﺍﻫﺪﺭ ﻭﻻ ﺭﺍﻫﻲ ﻣﻌﺎﻙ ﻣﺮﺗﻚ
ﺍﻟﻤﺰﻋﻮﻗﺔ ﻫﻨﺎ ﻫﻮ ﺿﺮﺏ ﺗﻠﻴﻔﻮﻥ
ﻋﻠﻰ ﻟﺮﺽ ﻃﻔﻰ ﺍﻧﺎ ﺩﻳﺮﺍﻛﺖ
ﻧﻀﺖ ﺷﺪﻧﻲ ﻣﻦ ﻳﺪﻱ ﻧﺤﻴﺘﻬﺎﻟﻮ
ﻭﻗﺘﻠﻮ ﻣﺎﺗﻘﻠﻘﺶ ﺭﻭﺣﻚ ﻣﺎﻳﻬﻤﻨﻴﺶ
ﻭﺧﺮﺟﺖ ﻣﻊ ﺧﺮﺟﺖ ﺩﻣﻮﻋﻲ
ﺑﺪﺍﻭ ﻳﺴﻴﻠﻮ ﻭﺣﺪﻫﻢ ﺍﻧﺎ ﻧﻤﺴﺢ
ﻭﻫﻤﺎ ﻳﺤﺒﻄﻮ......
أنت تقرأ
كرونيك جديدة 😍 قصة #خديجة و #رياض 💖
General Fiction😇 جبتلكم كرونيك جديدة 😍 قصة #خديجة و #رياض 💖 ان شاء الله تعجبكم 😍 😍الجزءالأول1😍 ........يابنتي خمي مليح ماشي ساهل تربي زوج دراري, قتلها يما علبالي بصح مارانيش صغيرة لي مانقدرلهمش وزيد يتامى والله غادوني قاتلي خلاص مالا نقول لباباك راكي قابلة...
