مساء الخير والمودة حبايبي 🌺🌺
اجيتكم بقصه جديدة بعنوان طريق الضلام ..
☆(طريق الضلام )☆ روايه حقيقيه
//....بقلم ((فاطمة كريم )).....//
#البارت الأول...
في الحياة هناك صعوبة وسهوله ،،،يبدو الامر سهل في البدايه نولد لانعلم ماذا هناك حتى نعي على الدنيا يصبح هناك صعوبات إلى أن نكبر تصعب اكثر واكثر ...
ولكن الأمر الذي يجعلها سهله بسيطه هي تلك الابتسامه و الفرحه التي تدخل على قلوبنا بعد يوم شاق من العمل من الهم ...من الصراع الداخلي والخارجي .......
هلو حبايب بل بدايه احب اعرفكم عن نفسي ...
.اسمي نرجس من بغداد عمري حاليا ٢٣ وزني ٦٥ طولي ١٦٥ بيضه صاحبه شعر طويل اشقر ....
.عائلتي متكونه من ٣ اخوان واني وامي وابوي
امي ربت بيت وابي يشتغل شغل يومي
حالتنه الماديه يعني شويه تعبانه .
قصتي بدت من جان عمري ١٠ سنوات.....
ام نرجس : يله نرجوسه ماما اكعدي حتتاخرين على المدرسه بعدج اول يوم دوام وهيج شلون بقيه الايام
نرجس :اوف ماما خليني نايمه شويه حبابه
ام نرجس:لا ماكو نوم يله كعدي حتتاخرين
نرجس:يله يله كعدت
ام نرجس:يله اني حروح اسوي ريوك الكاج مكمله كولشي بس تتريكين وتروحين
نرجس:اوك
نرجس :كعدت غسلت وبدلت ورحت لماما تمشطلي شعري متحمسه ليوم الجديد صرت صف رابع
بدلت وتريكت وكملت
يله باي ماما
ام نرجس :بيباي حبيبتي
داومت واخيرن التقيت بصديقاتي جنت مشتاقتلهن
كمل دوامي وجنت واكفه اني وصديقاتي نسولف.
اشوف عمي اجه بتجاهي. وضربني كدام صديقاتي .
وكلي . اذا متبطلين اندمج متفيدج المدرسه بطلي احسلج .
عفته ورحت للبيت بعدما فشلني كدام صديقاتي .
وصلت للبيت مبين عليه التعب وضجت من ورة عمي .
هلو ماما .
اهلا بنتي .
ماما اني حروح انام لان تعبانه .
بنتي شبيج مبين عليج ضايجه.
لا ماما مبيه شي.
نمت شويه واجه بابا من الشغل خطيه وجهه مبين عليه التعب .
هلو بابا شلونك .
هلا بنيتي الحمد الله انتي شلونج وبل مدرسه شلونج .
زينه الحمد الله .
كعدنه تعشينه وكملنه اني كعدت أقرأ ماحس الأعلى روحي الصبح متأخرة ياربي شلون .
رحت ركض بدلت واكلت ورحت للمدرسه.
اهووو هم عمي .
هاعمي ماغيرتي رايج شوكت تبطلين.
أنت تقرأ
طريق الضلام
ChickLit... القصه حقيقيه ... تحكي عن فتاة عانت من ضروف الحياة ومن الزواج المبكر لاكن مع كل هذا لم تستسلم وواجهت كل الصعوبات لنرا ماحدث قراءة ممتعه حبايبي
