رمضان كريم على الجميع حبايبي 🌙🌙🌙🌙
☆(طريق الضلام )☆ روايه حقيقيه
//...بقلم ((فاطمة كريم ))....//
#البارت الثاني عشر ......
كملنه عشه واجتي صديقتي اسراء صديقه لطفوله هيه واخته الاء م ٩٠ واسراء م ٩٥ ربينه سوه وهم سئلني ع زواجي وع عيالي
كتلهن زينه ضلن يسولفن ويشاقن ما حسينه بلوقت ابد
ثاني يوم لعصر اجه اخذني لبيت اول ما دخلت سلمت ع عمتي بوسته هو راح متواعد ويه صديقه
مريم جرت جنطتي وتفتش بيه كتله شدورين كالت خاف جايبتنه سحر وياج من اهلج
اني عبالي تشاقه وياي كتله دوري براحتج مرت لايام وعلي ضل يخوني ويه بنات يبدي يخابر من ساعه ٩ لحد ساعه ١ بليل ادك لباب يبقه يغلط عليه يكولي نزلي يم اهلي بعد وكت وعمتي تكولي اصعدي فوك حرت وين اروح...
عمتي جانت كاعده يم عمي بلهول وأني اغسل ماعين صاحت عليه
نرجس اريد ذهبج اريد البسه كتله اي هسه اجيبه الج
نشفت اديه وصعدت اجيبه اباوع حمواتي يضحكن بينهن عفتهن وصعدت فتحت كنتوري طلعت علبه لذهب اني من وره عرسي حدي لسبعه نزعته بس من تصير مناسبه البسه جان افتح لعلبه واشوف لذهب مالتي مكسر قطعه قطعه لزنجيل صاير وصل وبيه من طرف صمغ مال اميري...
هنا نصدمت من صدك متت من لخوف لتراجي مكطعاتهن وصل وزنجيل هم ضليت ارجف من لخوف وعمتي بس تصيح يلا ويلا اخذته ونزلت بس رجليه ميكودني من لخوف صفنت عمتي اول تالي تريد ذهبي وليش تلح عليه كتله عمه ذهبي مكطع
وهيه صرخت بعلو صوته عمي كام من مكانه اجه عليه جلب بدشداشتي ويركع بيه راجديان نهاني من ضرب وعمتي تعد وتصف بنت لفكر المن مطيه لذهب المج مو اعرف هاي سوالفجن انتن انطتيتنه لوحده من جيرانكم شمرني عمي بلكاع وحمواتي ما دخلن لمشكله ولا وخرن ابوهن مني وضل يغلط غلط ابوي مغالطه عليه ولا فد يوم ابوي كتلني .......
اجه علي من شغله جان يشوف امه تعد وتصف وابو متوتني كتل ويغلط عبالي يدافعلي يحجي شي ضل يغلط عليه وما صدك بيه اني حسيت نفسي بغابه وضل يضرب بيه شلون تكسرين لذهب حيوانه حقيره بنت لفكر حقج وين شايفه هيج ذهب وفلوس وخير بنت لفكر وصوته هز لبيت هز واهله وياه عليه
اكو مره كرديه اسمه ام ذكرا كلش خوش مره اجتي جرتني من جواهم وأني بس اناشغ من ضرب
كالتهم
شكو صاير شبيكم كلكم ع لبنيه مو طفله وجنه ورده ليش هيج خطيه خافو ربكم اخذتني غسلت وجهي ولمت شعري كالت صاير فهميني وأني اناشغ من لبجي وايدهم تئذي طابعه بوجهي راجديات عمي ودفراته كتله ع ذهب
كالت لعد منو هيج سوه كتله ماعرف اني ضامته بس نزلته طلع مكطع مادري منو هيج سوه كالت هسه اجييج ضلي بلغرفه وطلعت هفت لباب وراه
ام علي خيه ميصير هيج لبنيه طفله وشبعتوه كتل ليش هيج لذهب يروح ويجي شباب دتموت شنو لذهب
اي ليش هاذه ذهبنه مو ذهب لخلفوه حقيره
ام علي لبنيه شلون تكطع لذهب هيه فقيره مو مال هاي سوالف وبعدين نفرض هيه شلون تكطعه
مرات لايام ومحد يحجي وياي وحماي يباوعلي من فوك ليجوه بس يباوع ع جسمي وشلون اشتغل
من اشوفه بمكان بلبيت اغير مكاني ما اطلع كدامه اشتغل اخاف يسوي شي واكيد محد يصدكني وعلي ميحجي وياي زعلان فوكاه ولو اكدر اروح لهلي خاف ولا عندي تليفون وهو يوم ع يوم يزيد اني اشبع قهر اكول ممقصره وياه ليش هيج يسوي وامه تحجي وياهن سلام وكلام وضحك اوني اسمع من وانقهر
من حجيت المي ضلت تنصح بيه تكولي تحملي ميخالف لناس مترحم وهسه يذبون لصوج بيج
راحت عمتي لسوك بلكوه باعت لذهب لئن بيه صمغ
عود شكولك من تطكع لذهب لزكته بصمغ حته ميبين
جابتي غير كلاده وتراجي أكبر منهن وصاحت عليه لئن هيه متحجي وياي
لمشكله شما يسوون وياي ما ازعل ومن كلهم زعلو ع لذهب احس لدنيه سوده شكد قاسين بس ما احقد عليهم
علي كال المه يمه لذهب ضميه يمج هاي هم خاف تكطعه هيه كيفت كالت بس من طلعين انطيجياه كتله ماشي خليه عندج كال بوسي رأس امي وابوي حته يسامحوني
بوستهم وصعدت وهوة لحكني
ما حجيت وياه ولا كتله ليش ضربتني إذا اكوله يزود بضرب ويغلط ما حجيت جنت متمدده ع لجربايه دفرني كطع نفسي كتله شبيك جرني حيل ويكولي الج عين تحجين حقيره اني لحد هسه ما ناسي عملتج هاي شمرني بلكاع ويكولي حته ما بيج خير جان جبتيلي طفل مو وياج لنسوان حبلت كتله شبيدي اني كال ماريدج يمي تنامين نامي بره لو بلكاع وبلا صوت ديربالج تونين يمي (يعني تبجين) ضليت ابجي وخانكه صوتي
عاط بيه هيو بنت لكح.............. طلعي بره لتونين يمي بنت لفكر وضل يغلط بعلو صوته
طلعني دفعات وعمتي من سمعت غلطه ضلت تصيح تكولي ها رتاحيتي ام لمشاكل الله ما يريحنه منج متت من لبرد وين اروح وهو سد لباب ضل يخابر يكوله طردته وأني اصنط عليه وابجي نمت بغرفه فوك يم غرفتي نخلي بيه ملابس شغل مال شغلهم كلهن زفر بس من لبرد تغطيت بيهن نمت ما حسيت اله ع ضربه قويه فزيت بسرعه عبالي حماي لكيته واكف ع راسي ويغلط عليه كتله ما كفاك لضرب شتريد ليش تغلط شمسويتلك اني كال شكو نايمه هنا صا...
حق.... وضل يعد ويصف وامه تكله طلعت عينه
طلع لشغل بدون ريوك وأني نزلت اشتغل وعمتي تعد وتصف وتغلط ع اهلي من احجي كلمه تزود وبناته نايمات وأني اشتغل وهيه تغلط وتسب بيه وتكولي مابيخ خير حته جهال مصار عندج مسمومه انتي
ضليت ابجي ع حجيه واذكر من كالو لأهلي نخليه تكمل دراسه وندلله ومحد يمر بيه ابد وعمي يكول لبوي مثل بناتي وهي ثالثتهن كملت شغل كالت عمتي كومي غسلي المصلخ خاتون وكنسي لمراح مال حلال طلعت اغسل وابجي
وين جنت وين صرت حيل نقهرت ع حجيه ليش هيج تسوي بيه دخلت واسمع عمتي تخابر بولد شافتني سوت روحه تحجي ويه اخوه عباس وتكله اي خويه بعدين اخابرك
نهايه البارت الثاني عشر
مع تحياتي للكاتبه فاطمة كريم
واسفه عل تاخير بس صارت ضروف
أنت تقرأ
طريق الضلام
ChickLit... القصه حقيقيه ... تحكي عن فتاة عانت من ضروف الحياة ومن الزواج المبكر لاكن مع كل هذا لم تستسلم وواجهت كل الصعوبات لنرا ماحدث قراءة ممتعه حبايبي
