طريق الضلام

بارت ١٠

رمضان كريم على الجميع حبايبي 🌙🌙🌙🌙

☆(طريق الضلام )☆ روايه حقيقيه

//...بقلم ((فاطمة كريم ))....//

#البارت العاشر ......

مر شهر على زواجي اهلي عزمونه على غده اني وعيالي كلهم

رحنه لبيت اهلي شفت ابوي سوده عليه شبكني وبوسني جنت لابسه كوستم حلو كلش وذهبي وعمتي لبستني من ذهبه ومكياج سوتلي حماتي لئن ماعرف اخلي مكياج اهلي مسوين عزيمه تخبل اشكال مسوين دولمه سمج بانيه كلشي تغدينه وصبو جاي شربنه بلبيت وصوني ما ابات ارجع وياهم اهلي كالو باتي

لا يمه اروح غير مره اجي وبات يمكم رجعنه

لبيت عمي يحمد باكل امي ولعزيمه مالتهم بيومه امي بس هيه وام علي وياه مسويات كلشي خطيه حته ما قبلن اساعدهن وماكدرت اكعد يمه واسولف لئن عزيمه وجيب ودي من رجعنه بدلت استلمت لبيت شغل جانت حماتي تغسل لطرمه ولمطبخ وأني لبيت كله وتنضيف مو عادي لا معارض وسيراميك وحياطين وكاونترات وكلشي بيه يوميه هاي حته مالحك عمتي جانت تطبخ بس واحنه نسلك لحم نحظر لجدر وبصل وهيه شسوي اي طبخه احظره الهه بس تطبخ

وتصب وهم اني احظر كلشي مال صب اني استحي اكل وياهم ماعرف نفسهم بسرعه بسرعه ياكلون وكلهم لمه وحده

زوجي ياكل يشبع حته ميصيحني اكل شويه واكول شبعت واكوم ومثل كول يوم شغل
وتعب يعني اسبح من ساعه ٦ لصبح لحد ساعه ١٢ بليل يلا اسبح مره ثانيه كلشي ما الحك وحماتي اجه عليه ابن عمهه يتيم أبو متوفي بحرب إيران عنده ٢ إخوان و٢ خوات مزوجات وعدهم جهال

وإخوانهه مزوجين ثنينهم وهم عدهم جهال

جان يداوم بصحوه وحداد كلشي يعرف كهربائي صباخ يشتغل تئسيس مي كلشي يعرف عكس زوجي بسمار ميدك بحايط شغله لوحيد بس يذبح ويصلخ غم او ابقار هوة الولد يحب حماتي

من جانت زغيره بس هيه متدري بيه يحبه جاي يجي لهله بيت عيالي عبالك جنتهم من يصير عد عمتي شغل بلبيت او نصير مناسبه تخابره يجيه يمسح لبنكات وينزل بردات وكلشي يشتغل لهه حته ينضد فراش لهه هو كلش شاطر بس شويه يرتل بكلامه شكله مرتب لونه ابيض حنطي وجه مدوري جسمه معضل عبالك لاعب حديد طوله لا طويل ولا قصير من تقدم الهه هيه ما قبلت بيه بس ابوه وافق كالهه متلكين احسن من ابن عمج وهم يحبج وماعدهم احد لمهم عمي نطاه لهم وصارت لخطوبه هم لتهينه بلخطبه

عمتي اشترتلي ملابس هيه تعرف قياسي جابتلي فستان وكالت روحي وياهه لصالون اسبوع دك تنضيف ما خلينه شي بلبيت كله تنضيف وشغل رحنه صالون حماتي جانت ظعيفه كلش وسمره وشعره قصير ابد شعرهن ميطول ع عمتي إذا كلش طول يصير لحد ضهره ميطول اكثر اني عكسه شعري كلش طويل اجه عمي اخذنه من صالون طلعنه نخبل