طريق الضلام

بارت ١٩

ورجعنه لقصه نرجس 😘😘
اتمنى لكم قرائه ممتعه واسفه حبايبي خليتك تنتضرون

☆(طريق الضلام )☆ روايه حقيقيه

//...بقلم ((فاطمة كريم ))....//

#البارت التاسع عشر .....

دخلت لبيت اهلي ضليت ابجي من كل كلبي ع قهري وضيم لشفته منهم ....

ابوي بويه شبيج ليش تبجين شصاير

اني بعد ما ارجع مليت كتلني لقهر ليش زوجتوني لناس متخاف الله

بويه احجي منو وياج منو محاجيج

وحجيت كلشي لبوي من اول يوم زواجي لحد من طردتني عمتي

ابوي تخبل من سمع لحجي وكال بعد مترجعين لهم شنو من ناس هايه شلون امن بنتي عدهم
بس اني ما كتله يجيب بنات لبيت

نمت وافكر بوضعي وكاتلني لقهر ولهم

ذكرت مدرستي طفولتي لراحت كلشي ما حصلت بس قهر ومهانه

ثاني يوم كعدت متخره

امي منضفه ومسويه عده كعدتني ساعه ١٢ ضهر من كد لقهر وتعب ما حسيت ع نفسي

امي سوده عليه يمه حته نوم مشبعانه

اي والله يمه اكعد ب ٥ صبح انام ب ١٢ بليل ومنا قهر علي ما خله بيه حيل

اوف يمه شسوي حظج هاذه لو باقيه بمدرستج احسن بس شكول الله لا يوفق لجان لسبب

كمت غسلت وامي صبت غده بس لغده شكد طيب شكد اكو فرق من بيت اهلك وتأخذ راحتك ومن بيت العيال يطلع سم عليك

عدهم بلغده تبدي لمحاضرات ولحجي ماله معنه تحسه شي يصعد ع كلبك شي يخنكك

بس من تغديت يم اهلي شكد حسيت بطعم لاكل اكلت كومه

اني مو كره بعيالي لا بس سممو عيشتي

صار لعصر واجه عمي لبيتنه حته يرجعني وياه

اول ما دخل سلم وكعد
ابوي ابو علي ترضاه ام علي تطرد نرجس ها تقبله ع بنتك هيج يسوون بيه هم غلط وهم مهانه وفوكه كاتله وطاردته مو طفله امانه يمكم وكتلي اخليه بعيوني هاي لامانه وبده ابوي يتعارك ويه عمي

وعمي يعتذر منه وكاله بس هل مره بعد محد يعيده

عمي كال اني طيحت حظهم وبعد محد يحجي وياه واخذه كلمه وعد مني محد يمسه بس خليه ترجع وياي ومحد يحجي وياه

ضل يلح ارجع ويعتذر من اهلي وابوي قافل آخر شي ابوي شرط عليه محد يحجي وياي لا عمتي ولا لبنات ولا هو

عمي يلا بويه كومي لبسي حته نروح لبيت

بس اني شنو طكت روحي احس ماخذيني لسجن

ابوي كال بابه روحي بنيتي وهاي آخر واول مره يسوون هيج

رحت ابدل دخلت لغرفه امي ابجي من قهري وهم راح ارجع

بدلت وطلعت لعمي عيوني تجري ابد ما سكتت ضليت ابجي وعمي يشاقيني سلمت ع أهلي وطلعنه وصلنه لشارع ضل عمي يتفئف ويدردم عليه ويمشي سريع ما الحكت عليه

آخر شي صعد ب تكسي وعاط بيه يلا اصفيره

لخبله ......وصلنه لبيت لكيت عمتي تسوي عشه سلمت عليه ماردت سلام

وهدت ع تريد تضربني جان عمي يخليني وره ضهره وكف لوجهه. وحذره متحجي وياي بس شنو
هيه بس تغلط وتفشر وكل شويه تشمر عليه شي كلت هسه يجي علي ويخلصني منهم

كعدوني بنصهم وضلو يحققون وياي شحجيتي

من سوالف

((ليس بوسع أحد أن يبلغ النور دون أن يسلك طريق الضلام 🙈))

نهايه البارت التاسع عشر

بقلم فاطمة كريم