#رواية_عبيدتي
الحلقة الاولي للكاتبة حناين 💛
بنرجع بيكم ل عام 2011 🤷♀️
في داخل فصل وسط مدرسة ألاعدادية
زهور ومروة ونسرين وحناين مواليد الفين كانو مقعمزين ف زوز مقاعد مقابلين بعض ويهدرزو وضحك وبصارة
- زهور : ت باهي ل حصلنآ حصة فاضيه ولآ
-مروه : ايي عييت أني راسي صداع مزال حصه سابعه ونروحو خلاص
زهور : يابنات اني حلمي هندسه راهووو وانتم شنو
نسرين : ان شاءالله غير نقدرو عليها
مروة : اكيد يا زيزو وانا معاك هنندسه
حناين : حتى انا خاطري فيها هندسه كلهم يقولو تخصص حلو
وبعدين سكتو وفجاءه نطت نسرين
-نسرين : تتدكرو يا بنات كيف كانت حناين صاحبت أروى ههههههههه "ضحكه بإستهزاء" وشبحة كره !
-حناين : وخيرها أروى كانت صاحبتي وتهبل معاي البنت غير انتم تحبو ديرو الجو وبعدين انتي خيرك تتهزي عليها ؟
نسرين : نتهزا ع خاطر مره ف بزار لابسه جامبسوت زعماته ورايحه زي البطه ومالا شعرها رايح ملوي وزي القفه
حناين : ناضتلها بسبع لسانات ووجهة صبعها بين عيونها 👉
" أسمعي انتي توا لي بنقوله فاهمه .. معش تتهزي عليها هدا خلق ربي واني منبيش نعجبك لاكن غير شوفي لنفسك ومعش تجيبي سيرتها ع لسانك خير مايصير فيها كلام تاني ...
زهور : خلاص انتي وياها خلونا نتفكرو حاجات حلوة
مروة : اي حقا حنو باهي لي بديتي صاحبتنا
حناين : تتفكري كيف كنا نكرهو بعض هههههه
زهور : اي كنت اول حاجه اني ونسرين بعدين تعرفنا ع مروة وبعدين انتي وبعدين نور
نسرين : تشوف ل حناين بشبحه كره " أي انتي خشيتي فينا هاهاها "
حناين : لا ياحبيبيه احني بصدفه بدينا أصحاب ع خاطر قعمزنا جنب بعضنا صف خامس وربي جمعنا بس
فجاءة سمعو ترن ترن ترن ترن
حناينن : باهي مالا ياجماعه بنمشي جنب عهود اني حصه هادي
وناضت وخلتهمم لحقتها مروه
مروة : حنو تعالي شويه نبيك
مشو بعيد شويا
مروة : فوتيها ومتزعليش منها انتي صاحبتنا واحني نحبو بعض ❤
حناين : لالا ديما هكي هي ع خاطر تحس فيا خديتكم منها
مروة : تو تتعود عادي فوتيها
.....
وتمت حصة السابعه .... والبنات روحو ع رجليهم لحوشهم مروة وبعدها زهور وبعدها حناين
كانا يسكنو نفس المنطقه وجيران .....
....
وتوا بنعرفكم ب حناين 💁♀️ لي حنحكي بي لسانها لي هيا " أني " وأسمي حناين وحنتكلم بصيغة " أنا "
أنا أسمي حناين سمتني خالتي وعاجبني أسمي هلبآ ويدلعو فيا حنو وحنونه ونونه هههه كل مره حاجه المهم مواصفاتي توا
عيوني لونهم بني وطولي متوسطه ع داب عمري 10نعتبر لاني نولدت ف اخر يوم ف السنه وكانو صاحباتي اكبر مني كلهم بسنه مع انه نفس المواليد ... وبيضه وقنينه وعندي غمازة وشعري طويل " شكارة العروس ولا ههههههههه " يلا مهم هادي الحقيقه وكننت نيه شويه وعبيطه
ووزني اموره تمام نشوف فيه لا سمينه ولا ضعيفه لاكن بجنب صاحباتي نبان اسمن وحده بحكم هما رقاق رايحين زي سبيقيتي .. وطبعا كنت نحب القرايا وديما درجاتي كويسه ومن اوائل
#وصاحبتي زهور
اقصر مني بشوي ولاكن ملامحها قنش قنش زي ميقولو ورقيقه هلبااااا وسهواكه هلبا وتلقح وهادي أشطر وحده فينا ديما تجيب فيها الاوله
"""" وطبعا لاني نحبهم وهكي واعتبرتهم خواتي ف نشوف فيهم طيباات وبريئات ومفيش زيهم """"""
يلا مهم خلينا في الماضي وحنخليكم تكتشو حقيقتهم معاي
#وصاحبتي مروة
نفس طولي وعندها غمازة وقنينه ورقيقه هلبااا وطيوبه مهم هادي كانت نصي التاني وهادي نوعا ما كويسه في قرايتها
#وصاحبتي نسرين
وبيضه وقنينه وبارده شويا وتخفف ف دممها هلبا " ومش هاضمتني لي لحظه هادي طبعا تحس فيا كاني خديت منها زهور ومروة " وهادي اقل من نوعا ما شاطره
...
وهكي كانت بدايتنآ في الاعدادي مع بعضنا ومشت سنه وجت سنه لين وصلنا لي الشهاده الاعدادية وصحبتنا تزيد وكنا براءه مفيش بينا شك وغيره وتلقيح ع بعض كله لا
مهم ع خاطر الشهاده شديت ف قرايتي لانه نبي نسبه مليحه
واحد من مواقف لي صارو خلال الشهاده مستحيل ينتسى ليه سنين
يوم من ايام الامتحانات النهائية ....
كنت مقعمزة نقرا في تاريخ مع ساعه 11 في ليل ...
مليت قلت خلي نتصل بي زيزو نشوفها وين وصلت ...
اني: الوووو حبي شنجو
زيزو : مليح ياحبي وانتي
اني : زيك
زيزو : تعرفي بكلللل لكلك هلبا ماده هادي
اني : ههههه تاريخ ديما دوته هلبا من يامات العتمانين مش عارفه شندخلنا فيهم
زيزو : " خطرت ف بالها حاجه "
حنااااااين ححححححيي تاريخ شنو يا حماره ت معندناش تاريخ راهو غدوة جغرافيااا
أني : جتني لحظه صمت ورهبه وبطني تحركت وقلبي بيوقف
قتلها " بلاش جو رامض خيرنا عاد تخوفي فيا
زيزو : " ولأنها عارفتني معنديش جدول لان نشوف في لوحه الجداول ف ادارة كل يوم ويومه قتلي " ت بري شوفي جدولك
اني : معنديش جدول .جديات تدوي ؟؟؟؟
زيزو : اي تبري صكري واقري جغرافيا
صكرت خط عليها .ومشبت طحت في هديكا جغرافيا وعيوني دموع واني كنت ديما نقرا لي ساعه 12 بس!!!
ونخمم ولوو مجاوبتش وح نعقب فيها وووو لي ساعه 2 ونص
قعدت نقول بالك زهور تجري بيا خلي نعاودلها
تصلت بيها صوتها ناعس!
#يتبع
إن شاءالله نكون قدرت نسرد لكم الرواية بشكل جميل 💜
___
واكيد ح تسإلو خيرك تنقزي كل مره عام ح نوضحلكم 👈
المقدمه باش تفهمو شنو الاحدات كلها لي حنحكيها ف روايه 💬
وهادي حلقه اولى لي حنبدا منها لين نوصلكم ل 2019 و شن الغرض من المقدمه وتفهموها 👏
تفاعلوا نزلكم اكتر من حلقه لانه جاهزه 💛✍️
