المقدمة💜
#رواية_عبيدتي
للكاتبة حناين💛
في شهر 2 عام 2019 🙋
..
مقعمزه بروحي في دار مظلمه وضامه رجليآ لصدري ومغمضه عيوني ويخطر في بالي ههلبا حاجات من سنين طويله كيف كنت وكيف أصبحت ودموعي متجمعات في عيوني 💔
فتحت عيوني بشويه ونزلت دمعه قهر وندم والم مسحت دموعي ووقفت علي حيلي مشيت خطوتين ووقفت .
نتكلم مع نفسي على المرايآ
معقوله هدا كله صآر فيا وانا قعده حيه مجانيش لا سكر ولا ضغط !
معقوله كانو عيوني معميات عليهم لدرجه هادي !
معقوله اني مشيت مع أختي برجليا وراضيه وكنت حنفقد ...!!
سكتت معش كملت كلامي نحس ف الكلام بدي يطلع بصعوبه مني
خدت شهيق وزفير ..
نبي نحي هالافكار السوده من رآسسي غمضت عيوني وشديت راسي ونتكلم .
خلاص انتي لازم تنسي اسوء شس صارلك انتي ح دمري نفسك بتفكير انتي حتخشي ف عقلك لو مانسيتي !!!
معش نبي نتعرف ع حد منبيش نتعلق لا في صديق ولا في حبيب 💔
حيلي نهد قداش بنتحمل المشاكل والقهر يشبحو فيا نضحك ونبصر مايعلم حد بالحرب لي ف صدري 💔
كلهم يحسابوني نسيت!
صعب ننسى وانا في عمري هدا شفت لي مفروض ماينشاف!!
ياربي سامحني في كل غلطه درتهآ :"( انا صغيره هلبا على حاجات هذه ! ياربي علاش عاقبتني هكي في اغلى شخص في قلبي !
ياربي انا صح مراهقه لاكن انت عالم ب نيتي ياربي سامحني واغفرلي واغفرله اااااه لو يرجع زمن 💔
وبعدين خطر ف بالي شخص ..
شبحت للمرايا 😿
علاش مشي وخلاني !
علاش موفاش بوعده !
مش قالي اني معاك ديما !
مش قالي انتي روحي !
هوا مشي وخدي روحي معاه
خلاني بلا روح !!
علاش ياربي اني حبيته أكتر من نفسي وفجاءه سكتت وبين عيوني خطم طيفه 💔
اخخخخ ياربي والله مقادره ننساه ولو مرو شوق سنين ..
عشقته بكل ما فيا حبه سآكن في قلبي اسمه مغروس في دماغي !
ياربي انت اذا احببت عبدا ابتليته
علاش ياربي علاااااش وصوتي يطلع مبحووح ونبكي بعبرتي
قعمزت علي لوطآ فتحت دولابي طلعت حاجات لي يصبرو فيآ لي نشم في ريحته عليهم !
طلعت حوايجه غمرتهم بقوتي .ونشم في ريحته اخخ ياربي وكانه أمس مش قريب يصكر سنتين فراقه واعر والاوعر ذكرياته
💔
لو كان دمع العين يرد الغالي
نبكي عليك سنين ياغاليا
لكن مقدر ومكتوب من الله العالي انت ماعندك نصيب ليآ 💔💔
علاش يادنيا حرمتيني
وعلاش يادنيا كسرتيني
علاش حرمتيني من أعز الناس 💔
شن درت أني في حياتي باش تجازيني بأصعب الاحساس 😿
....
"أن شاءالله تنال أعجابككم ونتمنى دعمكم ليآ بتعليقاتكم وأرائكم في حلقات القادمه 😊💜 "
_______________________________
#حناين✏
منقولة💛
