عديل الروح

البدايه

وگفنا السياره ب راس الشارع. م گدرنا اندخلها لان الفرع م امبلط وبيه برك مي وسخ
سجاد يسوق واني بالصدر. وسيد عقيل جان ورا هو وحسن. كنا ننتظر سمير الولد الي يسكن بهاي المنطقه
حسب ما متفقين او ما تعودنا كل مره. نجيب المساعدات لهاي المنطقه ناسها اوضاعهم تعبانه وبيوتهم حواسم (تجاوز)
انتظارنا طال وسمير م مبين وتلفونه مغلق
دخلنا للفرع بالسياره
اولاد صغار يلعبون. سألهم حسن بعد ما نزل عن بيت سمير م عرفوه
نزل وياه عقيل
سيارتنا جانت ضخمه وموديل حديث والناس استغربتنا
اني وسجاد بقينا بالسياره
من بعيد جتي مريه وياها بنيه سافره
صارت قريبه ع الولد ااسيد عيونه زايغه ويحب البنات
حاچاهم وحسن يراقب ويدعم من بعيد ل عقيل الي كان عين ع المره وعين ع البنيه
سجاد ضحك، ،،زاحف ميجوز من سوالفه
ابتسمت وياه انتبهت ع البنيه ولا باوعت ع عقيل لو حسن
بالعكس اصلا ابتعدت مسافه منهم ومن المريه
جانت مرتبه ومبين عليها الخير مو بنت هاي المنطقه وكفت تنتظر امها ما ادري منو
جتي عليها المريه وراحن ولا التفتت ع السياره الي ساده ااشارع 😕
باوعت عليها وانتبهت ع وجهها.
بنيه عاديه بالشكل بس الكارزمه 😶 واضحه من اللبس والمشي الي كله ثقه عمرها يمكن ب ب20 طولها متوسط شفتها لابسه حذاء فلات
عقيل حلوو ومرتب وانيق يجذب اي نظر بجماله وحسن شاب نازك بشكله وعطره وهندامه
معقوله م جذبوا انتباهها وهم صاروا گبالهن من فاتن عليهم
المهم اجه السيد وحسن مأيسين وعقيل عصب ع سمير

رجعنا للشارع العام
جانن واگفات ينتظرن
فتنا من يمهن عقيل رجع يباوع
حسن فضحه، ،،، اشبيك سيد ما تشبع ضحكوا
صرنا ع ااسايد الثاني
حسن گله شوفها گعدت بالصدر والمريه ورا
التفتنا كل احنا عليهن اخذتهن سياره صالون خصوصي بيضا كيا
صفنت شنو هاي وشنو اسوي هنا وليش هي بالصدر مو المريه
م امبين عليها شكل سوالف تعبانه وتطلع لغير دروب
بس ليش هي بالصدر
وشنو تسوي هنا
ضليت اسأل نفسي
ليش م اهتمن النا ولا انتبهت ع وجودنا
اتمنيت امشي وراها واعرف وين تروح
تعليقات عقيل وحسن خلتني اشكك
جنت ساكت اسمع الهم
سجاد گله ولا باوعت عليكم اصلا عافتكم ويه امها وراحت

عقيل: خوش ام تطلع بتها دروب
استغفر الله
اتمنيتهم يسكتون وردت اسمع تحليلاتهم
خليت ايدي ع راسي من ورا
حاچيت سجاد. بصوت ناصي ; اريد انصحها وذبيت حسره

ضحك اشتنصح 😄 لك صعدت بالسياره

حسن گال يمعودين يمكن خطيبها زوجها
سكتوا
هاي اعراض،الناس والله حرام الظن

حجى آية الله حسن :عقيل يستهزء
عليك الله شفت المنطقه اشون تعبانه وشفتها هي جنه بنت الاكابر والسياره لك دا سكت
سكتنا كلنا
بالنسبه الي ظليت اتخيل شكلها واتمنيت احصل عليها اذا هي فعلا بهيج طريق فأني ماشي بيه ومخلص حاجتي يم هاي النماذج 😕