عديل الروح

لقاء ثاني

بعد شهر زرتها لبسمه كانت يمها صديقتها بعمرنا
فكاهيه مرحه واجتماعيه ونستنا بتعليقاتها وتقليدها حبيته عرفت هي تاركه المدرسه وتسكن بمنطقه ثانيه تعرف بسمه من المدرسه وبقت علاقتهم لان بسمه م تتنترك بيها سحر تجذب الي يعرفها
حجت الي زينه عن مهارة بسمه بالطبخ ونفسيتها الحلوه

بسمه تضحك لان م تحب الاطراء
طلبت مني اتذوق الكبه مالتها اجرأت وطلبت منها اشوفها
ملحة زينه حرجتها

أنطتني علاكه بيها اشكم وحده
رجعت للبيت انطيتهم لماري تسوييهم للعشا

حاولت بيومها احجي لساره عن صديقاتي عن المواقف الضحك ردت اطلع السوالف الي بكلبي
بس ساره م تسمعني قبل كانت مشغوله بدراستها وزواجها و بعدين مشاكل زوجها وانفصالها حاليا تدرس ماجستير بالحقوق
اعتبرتني دائما الصغيره الي تفكيرها اقل منها
اما ماما فمستحيل
احجي وياها بهيج مواضيع لان هي عايشه عيشة الطبقه الارستقراطيه والنرجسيه متقبل ع انجرافي العاطفي للناس

بابا يسمعني ويحبني ومتأكدة اني اشبهه بهاي الصفه محبتي للناس وعاطفتي بس انشغاله بعمله خلاه ماكو وقت الي ولسوالفي 😊

بالعشا انتبهت ع الكبه بأنواع واشكال عددهم ١٠ بس طعم يخبل
سألت امي عن رأيها
استطعمتهم سألتني من اين جايبتهم
سؤالها صار اتهامي
احسها عصبت
خفت منها
اضطريت اكذب
كلت الها طالبه بالدوره مالت الرياضيات عدهم مشروع لاكلات السريعه بأنواعها
وجبت الكم
سألت كومه اسأله
كل سؤال كنت اكذب بالجواب 😓

لو حاجيت الها الحقيقه رح تحرمني من بسمه وزينه
رح تعاقب مثنى لان هو الي وصلني دون علمها
ورح ورح ورح هوايه اشياء رح اسويها

انقهرت بداخلي ع الي وصلت اله ضجت اكثر حتى طعم الاكل راح

ساره سألتني اذا تكدر تجيب فطائر لان امير يحبهم وبيتزا
كلت الها اسألها

بالليل فكرت تسوي بسمه واشتري منها لاهلي واسوي لها دعايه للأشخاص الي نعرفهم وشغلها طيب ونظيف ويفيدها

رجعت الها بعد يومين اتفاجأت من شافتني
كلت الها سريعه جيتي عرضت عليها المشروع
ترددت وحارت حاولت اقنعها
كالت الي تنقصني السيوله اللحم الي أكلته من الكبه كان ثواب
انطيتها الي عندي حتى تشتغلي
اتفقت وياها بعد اشكم يوم امر عليها

فرحت واتمنيت و دعيت م تفشلني
بعد كم يوم
كانت جاهزه وكالعادة متردده 😑

زينه عدها أفكار حلوه عرضت عليها تسوي نشر بالفيس وتعرض بضاعتها او تعرضهم ع المحلات
بس هي شنو رافضه تعبتنا إلى أن اقتنعت
طبعا النشر كان عليه بحساب وهمي
والعنوان محل قريب عليهم التسليم منه

واني كنت اسوي الها دعايه يم صديقاتي بالبداية اشتريت وجبه ع حسابي انطيته مجاني بس يجربوها وبعدين انهالت العروض
بسمه لا تلفون ولا خط انترنيت ب بيتهم
كنت مقرره انطيها فون بس الخط ماكو إخوتها رح يسألون ويعارضون ع حساب فيس وكذا
ف طلبت مني اني انشر الها بالفيس
كنت انشر الصور بالأسواق المحليه وكروبات الاكل
عشت حالة بسمه اذكرت قصة الامير والفقير الي تبادلوا الأدوار لان كان الشبه بيناتهم قوي
والأمير عاش مكان الفقير حس بمعاناته وفقره
والفقير عاش عيشة الأمير