نزلت الصبح الفطار ولقيت حسن وحسين قولتلهم انا اسفه مقصدتش اطلع كده بس انا افتكرت ماما لما كانت تتريق على وحاشة صوتي ضحكو بس لقيت عمي ياسر وبناته سلمت عليهم وعمي كالعاده مش طايقني خالص بس عديت وانا منسجمة مع حسن وحسين دخل بابا وسلم على اخته واخوه ووالده وسلم على ولاد اخواته وبعدها انا قمت اسلم عليه في الاخر ورجعت مكاني قالي ايميلي بصتله باستغراب اللي هو نعم ياعني قالي ليه مش بتكلميني ولا تكلمي اخواتك قولتله انت ماشي ومتأكد ان انا هكون كويسه مع جدو وعمري ما هحتاج حاجه اما عن السؤال فأنت اللي مفروض تسأل مش انا هو مش حقد مني صدقني بس انت اللي المفروض تعمل كده واسفه لو كان عدم سؤالي بيضايقك انا كنت فاكره ما صدقت خلصت مني اما بالنسبه لاخواتي انا اصغرهم هما اللي المفروض يودوني انا امي لسه ميته مشوفتش اللي هو اخويا ده كلمني وعزاني انا مش مستنيه منهم حاجه اصلا ومش مستنيه تجبهم ليا مجبورين مكسورين ادامي يكلموني انا احلفلك على مصحف اني مش بتمنى لواحد فيهم لا خير ولا شر هما احرار وانا كمان حره بس هما لو جم انا هسلم عليهم ولو احتاجوني هيلاقوني لكن انا مروحش احكي لمنه حاجه ولا اقولها حاجه عشان الاقي بنات عمي كلهم عارفين طبعا هما محدش هيفضحني ولا حد ليه عندي حاجه بس لازم انا يكون عندي خصوصيه وانا مسمحش لحد يتكلم فيها حتى انت كمان انا مش مستنيه منك حاجه بعد موت ماما وعلى فكره انا عمري مهلزمك بحاجه انت مش عايزها يا بابا دخل عمرو( اخو ايميلي ) بعد ما سلم على الناس كلها انا رحتله وسلمت عليه قالي ازيك يا... قولتله ايميلي قالي اه ازيك قولتله الحمدلله على نعمته وانت عامل ايه قالي الحمدلله قولتله يارب دايما وسلمت عليه ورحبت بيه زياده عن اللزوم وبعدها رحت المطبخ عملتلي شاي وكنت اتمنى اني محضرش العزومه ديه عشان انا ولا مره حسيتهم بيحبوني المهم اجتمعو كلهم والكل فرحان بوجود عمرو وحسين وحسن فكانت العائله مجتمعه سألني عمرو قالي انتي ليه مش قاعده مع بنات عمك قولتله عشان انا وحشه وهما بيقرفو مني قالي ليه قولتله عشان انا اخلاقي مش كويسه ماما معرفتش تربيني قالي على ذكر سيرة امك البقاء لله تعالى قولتله ونعم بالله قالي ليه انتي وحشه امك واحده محترمه جدا قولتله شكرا قالي عملتي ايه بقى عشان يقرفو منك قولتله بلاش تعرف لا تقرف انت كمان قالي لا مش هقرق مسكتني عمتي وقالتلي لا قولتلها لا خليه يعرف مني احسن ما يعرف من حد تاني قولتلها ايه هيفيد تاجيله مدام كده ولا كده هيعمل اللي عايزاه وهينكد عليا جامد اوي قالتلي انا حذرتك قولتلها تمام قولتله على كل حاجه لاقيته قام و ضربني كان بابا هيدخل قولتله لو سمحت يا بابا قمت قايله لاخويا كده انت اثبت انك راجل بضربك ليا تمام انا معترضتش على كده ولو ايدك تعبت اديك ايدي تضرب بيها بس انت فين في كل ده انت فين انا نفسي اعرف كده احنا هنفضل متخانقين وهتقرف تبص في وشي طب انت مشيت الاسبوع الجاي فين بقى انت باقي السنه انا مش محتاجاك اصلا انت فين دلوقتي هما قاعدين بيتفرجو بيقولو اخس علينا ولاد حرام انت مش سامعهم لان انت معشتش معاهم زيي اه معترفه اني باجي بالعافيه بس محدش سأل ليه هقولك ليه كنت بسمعهم بيشتمو امي كل يوم والمفروض اني مكلمش وافضل سمعاهم وكنت بعمل كده مكنتش بكلم لكن انت لو موجود اتفرج على فرق المعامله بس انت مش هنا منه كانت هنا اراهنك ولو مبتتكلمش معاهم عليا انت كل اللي عليك تضرب ومتعرفش ايه السبب تمام يا عمرو استمر في ضربك وحقدك عليا بس انا مقولتش لبابا يجوز امي مقولتلهوش يجوز واحده اجنبيه انا مقولتش كده وانهارت بالعياط انا مقولتش انه يجبني على الدنيا ديه انا في عز ما امي كانت ميته وكنت بدفنها مكنتش لاقيه حد بيحزن عليها غيري انا وبابا وبابا جاي يقولي انا هسيبك عند جدك هو مقالش بس انا سمعته بيقول عشان يربيكي انا مقدرتش اربيكي وكمان زي ما قال كده في سره وعقله قولتله انا كمان في سري وعقلي قولتله هتروح مش هنرجع يا بابا يا هتاخدني حثه يا هتاخدني عروسه مكسره يا واحده مطلقه قولتله كده بس اراهنك ان كان سمع حاجه من ديه واقتربت منه وقولتله اضرب انت معشتش النار اللي انا عشتها انت امك متوفيه بس ولا مره حسيت انك يتيم دايما بتلاقي الناس كلها بتحبك وتهتم بيك لكن انا بابا و ماما كانو عايشين وكل يوم بحس اني يتيمه عارف بقى امتي مبحسش اني يتيمه لما بكون جنه وجنات وحبيبه كمات دول بس هما اللي عمرهم ما قالولي احنا بنقرف منك عشان امك انت عارف اهلك خلوني اكره امي ماما ميته مكسوره وحزينه مني هما بيموتوني كل يوم وانا بشوف نظرة عينها ليا الله يرحمها خلاص هعمل ايه هي ماتت لكن انا دلوقتي عايزاك من هنا لغاية ما تروح كالعاده زي ضيوف الشرف افضل زعلان وقول زيهم ان انا بنت مش متربيه واخلاقي زباله ولما ابعد شويه ابقي تف عليا انا عايزاك تعمل كده يمكن افوق من اللب انا بعمله ماشي يا راجل ماشي يا سيد الرجاله محستش بنفسي غير وانا مغشي عليا ومش حاسه بالدنيا مش حاسه بأي حاجه في الحياه طلبو الدكتور قال سوء تغذيه هي بتاكل حاجات من الشارع قالو لا قال الدكتور لا طبعا ديه بتاكل اكل زباله من تعابير وشها هي هتفوق ونسالها وفعلا فوقت بعد نصف ساعه قمت الدكتور قالي انتي بتاكلي اكل من الشارع قولت لا قالي طب من الزباله وبعدها قال ديه بنت عز ديه هتاكل من الزباله شافني بعيط ومنهاره قالي حاجه بتوجعك قولتله اصل بنت العز بتاكل من الزباله شوفت تأثره ودمعة عينيه وكتبلي ادويه وقالي اهتمي بأكلك قولتله ماشي وشكرته وبعدها نمت صحيت تاني يوم الصبح ونزلت للفطار لقيت حسن وحسين سلمت عليهم وقعدت دخل عمرو وبابا سلمت على بابا وعلى عمرو وحسيته هادي بس انا استغربت ان جدو مش موجود قولت الخدمه عايزه صينيه وورقه وقلم قالتلي طيب وبعدها كتبت لجدو انا لو كنت اعرف ان وجودي هيضايقك بحلف على مصحف انك مش هتشوف وشي ليوم الدين طبعا هتقول اني ما هصدق بس ورب الكعبه انت وجودك بيفرق معايا وحطتله اكل في الصينيه وبعته مع الخدامه وكملت اكل وانا مضايقه
.............................
كنت قاعد مع ياسر وبنتكلم عن الاحتفال وكده لقيت الخدامه داخله ومعاها اكل انا استغربت لكن حطيته ياسر شاف الورقه فقرأها انا استغربت بس عديت وكلت وقولت كويس انها افتكرتني اصلا
أنت تقرأ
Alone
Romanceانا واحده فاضيه جدا حبيت وكرهت يمكن من كتر ما عيلتي خنقتني مين انا انا بخاف اكون تهت من اللي بعمله انا 60 شكل في دقيقه انا لازم اكون حلوه عشان ده يكلمني ولازم اكون فرفوشه عشان ده يكلمني ولازم اكون مطيعة عشان اعرف اتعامل مع عيلتي انا نور ولا مريم ولا...
