Alone

8:الغداء

بابا  . يعني يا بابا انا هقعد بنتي لغاية ما اجي اشوفها بالكفن بدل فستان الفرح اللي عايز تلبسهولها
الجد  . ليه كده بس ما هي محصلهاش حاجه وكويسه اهو الحمدلله
بابا  . ماشي يا بابا ممكن اعرف بقى سبب تشويه وش بنتي
الجد  . بنتك كانت بتكلم حمزه على انها واحده تانيه وبعتتله صورتها وياسر ضربها طبعا بس بنتك قالت لحمزه كل حاجه والولد معترضش عدى يعني
بابا . ماشي يا بابا انا سلمتك بنتي امانه وهي دلوقتي برقبتك مع السلامه
الجد  . مع السلامه
...........................................
بابا مشي وانا نزلت لجدو قولتلو متزعلش وعدي عشاني وبعدها قالي انتي جميله اوي يا ايمي مكنتش قادره اوصف انا اد ايه حبيت الاسم ده انا اصلا بحب ايمي بس وبكره ايميلي قالي متزعليش مني يا بنتي قولتله مش زعلانه وحضنته وبعدها سلمت عليه وطلعت نمت نوم عميق تقريبا نمت لتاني يوم المغرب وصاحيه جسمي مكسر خالص وحاسه كأني يوم مش في الدنيا دخلت الخادمه قولتلها مكنتيش قادره تصحيني بدري شويه قالتلي مخدتش بالي واجهزي عشان العشاء جاهز قولتلها تمام قومت دخلت الحمام وطلعت لبست بنطلون جينز ازرق وبلوزه حمراء نص كوم ولبست فوقهم العبايه على وشاح احمر في اسود كده ونزلت اتعشيت كان موجود عمرو لانه هيسافر بكره وبابا ومنه وعمو ياسر وبناته روان وريم وعمتو ساره واولادها حسين وحسن وبقيت العائله يعني جلسنا اتعشينا بس انا تقريبا مكلتش عماله افكر في محمود وعايزه اعرف انا وقعت من فوق يعني المفروض ان انا اكون في المستشفى ازاي لقيت نفسي في اوضتي يعني ممكن اكون دخلت بغيبوبه وانا مش حاسه لا انا عايزه اعرف قررت بعد العشاء اني هجيب كاميرات المراقبه واشوف اصل مينفعش اسألهم خالص بس انا فضوليه اوي زياده عن اللزوم خلصنا عشاء وروحت جبت كاميرات المراقبه واقفه مصدومه قدام اللي حصل هو انا كنت كده طب ازاي طب ايه الاحراج ده وبفرك في الاوضه ومضايقه من اللي حصل وعلى احراجي ومش واخده بالي من اللي واقف على الباب قالي خلاص بقى انا اتوترت لتوترك وانا شهقت ولقيته عمرو كان جاي يودعني وقالي خلي بالك من نفسك وبعدها مشي وانا رجعت تسجيلات المراقبه بس ياي كان شكلي حلو اوي وانا بقع يااه نجوم بوليود وبعدها نمت صحيت على صوت الخادمه يتقولي البيه عايزاك قومت متضرره لان كان نفسي انام حتى مغسلتش وشي لبست العبايه والاشرب ونزلت قولتله والنبي يا جدو عايزه انام قالي لا لما نرجع اطلعي البسي عشان احنا خارجين قولتله نفسي انام قالي يلا مفيش وقت الساعه 1 الظهر قولتله طيب وروحت البس لبست بنطلون اسود وبلوزه نص كم لونها ابيض على جاكيت اسود ولبست فوقيهم العبايه على وشاح موف في ابيض كان تقريبا هو نفس الوشاح لما وقع ساعة لما وقعت وبعدها نزلت ليهم  عقبال ما جه عمو ياسر وانا روحت معاه مع بناته وجدي راح مع بابا وانا نمت محستش بالدنيا لاني فعلا نعسانه اوي وبعدها وصلنا لقيت عمي ياسر بيقولي قومي قولتله طيب وقومت قالي يصح اللي انتي عملاه في وشك ده قولتله ايه قالي حاطه مكياج عشان تخفي الكدمات قولتله مش حاطه حاجه مسك المنديل وفعص وشي في ايده حتى حمزه شافنا وقاله في ايه براحه شال ايده ووشي اتحول لكره حمره دم وشاف المنديل لاقاه ابيض اتفاجأ وبعدها دخلنا مع حمزه روحنا انا وريم وروان على مجلس الحريم وطبعا انا قلعت عبايتي ونفس الوضع ريم وروان ودخلنا قعدنا طبعا انا مفيش اي كلام بيني وبين بنات عمي فعشان كده مكلمناش طلبت منهم يعملولي نسكافيه وعملوه واخدت المج ووقفت قدام الشباك لفت نظري محمود كان شكله حلو اوي بجد كان لابس قميص لبني فاتح على بنطلون جينز وعطره كان مميز انا استطاعت اني اشتم رائحته وتذكرت فيديو الكاميرا وشعرت ببعض الخجل وبعدها فضلت واقفه وكأني في عالم تاني
..................................
نورهان (امه لحمزه) . سمعت ان انتي اللي غنيتي في الاقتتاح
ايميلي  . اه كان صوتي حلو عجبك
نورهان  . اه طبعا عجبني جدا انا كمان نفسي تغنيلي تاني بس اغنيه قديمه
ايميلي . اه طبعا من عنيا
نورهان  . تسلملي عيونك
ايميلي  . شكرا
...............
على طاولة الغداء .....
جلست جنب جدو وتناولت غدائي وكان امامي حمزه استغربته جدا بصراحه بيبصلي نظرات غريبه انا مستغربها جدا بس عديت جت الخادمه وطلبت منها ميه معصور عليها ليمون وشوية كمون قالتلي طيب وجبتهالي وشربت منها قالتلي نورهان ازاي بتشربيها كده قولتلها ده تقريبا شيئ وراثي اصل ماما كانت بتشربها كده قالتلي اه يمكن وبعدها انا دوخت شويه مش عارفه ليه لكن انا الايام ديه بحس بكسل وخمول مش طبيعين ودوخه مش عارفه ليه يعني روحنا المطبخ وقلعنا عبايتنا البنات كلهم يعني وهما خرجو ولبسو اما انا كنت فيه عشان كنت بشرف على حاجه وبعدها النور قطع صرخت صرخه وكنت بدور على شمعه عشان انا بخاف من الظلام بطريقه غريبه المهم وانا ماشيه بدور على كشاف ليا او شمعه ومش لاقيه حاجه خالص وعماله اعيط وخايفه اتكعبلت في حد وكنت هقع لولا ان هو لحقني اتخضيت جدا وصرخت حتى بابا قالي مالك قولتله انت فين قالي مالك واهدي كل ده وانا ماسكه في ايد الواحد اللي اتكعبلت فيه كان هو واقف ومميل رأسه عليا وماسكني من وسطي وانا واقعه وبعدها النور جه وهما شايفيني كده قام مقومني وقالي انتي كويسه قولتله اه انا كويسه شكرا ليك قالي العفو  لكن استغربت من نظرات عمي ياسر ليا وافتكرت اني مش لابسه العبايه بس هو عدالي نظرا لخوفي وبعدها استأذنا هما استأذنو وانا دوخت اغم عليا جه الدكتور يفحصني قال مفيش حاجه ارهاق جسدي وهبوط في الدوره الدمويه تاكل حلو وترتاح  بس وبعدها مشي واحنا روحنا طلعت نمت انا اصلا مش فايقه بس مش قادره انسى نظرات محمود اللي هي كانت اعجاب او حب مش عارفه بس كانت نظراته حلوه جدا .....
توقعاتكم ..
يا ترى ايه هيحصل بين ايمي ومحمود وازاي هياتقابلو تاني