صحيت الصبح عادي ولبست بنطلون جيتز وبلوزه نص كوم لونها موف وبعدها لبست العبايه ووشاح لونه ابيض ونزلت فطرت وكنت سرحانه ومش مركزه مع حد خالص قالي جدي صباح الخير مردتش عليه لاني كنت سرحانه قالي مره تانيه صباح الخير لا رد مني خالص هزني وقالي صباح الخير قولتله هااه صباح النور قالي سرحانه في ايه قولتلو مش سرحانه انا هنا عامل ايه قالي كويس قولتله تمام وبعدها خلصنا فطار وجه بابا يطمن عليا وجاب منه معاه سلمت عليا وبعدها قعدت بعدها بابا قام وجريت وراه وبقينا لوحدنا
ايمي . بابا
بابا . نعم
ايمي . بابا انا عايزه اروح لماما
بابا . تمام بكره نروحلها انا وانتي
ايمي . تمام شكرا يا بابا
بابا . العفو ايمي
ايمي . نعم
بابا . عايزه تروحي ليه
ايمي . بابا انا حاسه هنا اني وحيده حتى كمان معنديش اي وسائل للترفيه ممنوع تليفون ممنوع تليفزيون ممنوع اقعد معاهم لما تكون عمتو ساره هنا عشان بتضايق فانا حاسه بوحده حتى كمان ممنوع الخروج فانا زهقت جدا فعشان كده عايزه اروح لماما
بابا . ماشي يا ايمي
ايمي . ماشي
بعدها دخلت اوضتي ونمت جينا تاني يوم الصبح روحنا لماما نزلت من العربيه وروحت قرائتلها الفاتحه وبابا كمان وانا بدأت بالعياط وبحكيلها كل حاجه كإنها عايشه وبقولها على اللي بيحصل وبعدها بابا قالي هروح احاسب التوريي قولتله ماشي وبعدها قولت لماما ابحق احكيليك حاجه قبل ما بابا يجي انا يماما اتعرفت على واحد اسمه محمود هو حلو ولطيف ومحترم جدا بس انا خايفه جدا ياريتك كنتي موجوده عشان اسألك اتعرفتي على بابا ازاي على العموم انا وعدتك اني مش هغلط تاني وانتي وحشتيني جدا يماما ومتقلقيش عمي ياسر بيعاملني حلو قالتلي طيب ماشي وبعدها مشينا انا وبابا
كنت قاعد بفكر في الكلام اللي قالته ايميلي بس استريحت لما سمعتها قالت انها مش هتغلط تاني بس برضو مازلت قلقان عليها ديه بنتي يا ناس وصلنا وهي بتعيط طول النهار وعينها محمره ومتورمه ومناخيرها حمرا يشكل غريب ووشها اصلا في الجو الحر ده بيحمر جدا كانت حلوه جدا لولا عينها المتورمه ديه دخلنا ومكانش نعرف ان بابا عازم عيلة حمزه دخلنا سلمنا عليهم وهما استغربو شكلي ولبسي الاسود بعد ما سلمت استأذنت وطلعت غيرت لبسي ولبست بنطلون نبتي قماش ومربوط بإستيك من تحت ولبست تيشرت رمادي بكم وفي رسومات نبيتي يعني كان الطقم حلو ولايق وسرحت شعري وسبته وحطيت زبدة كاكاو بيضاء وقعدت في الاوضه مرضتش انزل وفضلت قاعده زهقانه ومش حاسه بالوقت بس مكنتش عايزه انزل من عندي فجأه لقيت جهاز الانذار بيرن وده معناه ان البيت بيولع صرخت وبعدها نزلت بجري ولقيت واحده بتصرخ من المطبخ والنار كلها من المطبخ لقيتها بتصوت وبتقول الحقوني الحقوني كنت هجري واسيبها بس خوفت عليها وجريت ناحية المطبخ والنار وجريت عليها وخرجنا برا النار وطلعنا من البيت وانا مش قادره اخد نفسي وتعبانه انا شوفت النار كنت هموت هموت كنت خايفه جدا لقيت بابا بيحضني وبيقولي انتي كويسه قولتله اه اه انا كويسه قالي طيب نروح المستشفى قولتله اه ديه وشاورت على اللي طلعتها قعدت مده طويله هي هتتخنق ارجوك يا بابا روح معاها قالي طيب وجت المطافي وطفو النار وانا كنت خايفه جه عمي ياسر قعد جمبي انا حضنته وعيطت على كتفه هو استغرب جدا بس بادلني وبعدها قومت ورحت لجدو قالي انتي كويسه قولتله كان نفسي اروح عند ماما بس مكتوبلي ابقى معاك بقى ادي الله وادي حكمته ضحك وانا بوست راسه وبعدها قعدنا وقولتله انت عارف انا فرحانه قالي وبيتي محروق قولتله لا عشان هرجع بيت بابا واروح اوضتي وافتكر ماما واشوف صوري واتفرج على التلفيزيون واجيب موبايلي واروح النادي وبليل اخرج مع نفسي ويوم الخميس اروح على البحر واحكيله همي مع ان حاليا معنديش حاجه ارميها في البحر بس برضو وحشني شكله واروح يوم الاحد دار الايتام والعب مع ايمي واروح اديهم لعب وحاجات كتير ونقعد لغاية المغرب ونرسم ونلون نفسنا وارجع مهدوده عايزه انام ياااه انا فرحانه اوي قالي اه بس الموضوع ده مش هيتحقق قولتله ليه مخلاص مش هينفع نقعد في البيت عشان اتحرق وانت مش هتبهدلني معاك عشان كده انا هروح اقعد مع بابا قي بيته صح قالي لا انا عندي بيت تاني وعقبال ما يرممو ده قولتله اه ربنا يزيدك ان شاء الله قالي اه بس معنديش مشكله تعملي كل ده في بيتي فرحت وابتسمت وصرخت من فرحتي وحضنته حتى عمي ياسر استغرب وقولتله هبقى اخدك معايا قالي يشرفني قولتله تمام وبعدها جت عيلة حمزه واستأذنو انهم هيمشو ومحمود اداني وشاح وقالي اتفضلي وساعتها افتكرت اني من غير اشرب خدته وقولتله شكرا وبعدها هما مشيو واحنا روحنا على بيت جدو التاني كان اكبر من اللي اتحرق وكنت بتوه فيه في الاول بس خدت كام يوم عقبال ما اتعودت عليه في كام يوم ده اتصاحبت على جدو اكتر بس فكان في يوم عازم عيلة حمزه وناس تانيه انا معرفهاش المهم جدو كان جايبلي فستان موف على وشاح موف كان شكل حلو شويه ونزلت سلمت على عيلة حمزه وابوه وامه وصديقه محمود وعيلة واحد تاني جدي عرفني عليهم قالي ده عمار قولتله ازيك وديه المدام اسمها جميله وده ابنه انس طبعا انتي عارفه ان ابو حمزه من اعز اصدقائي لذلك انا اليوم اخترته عشان يكون معانا قولتله طيب قالي نتكلم في المهم قولتله طيب قالي ابو انس عايز بناسبني واختارك لابنه انس.......
توقعاتكم بليز وياريت تصويت
أنت تقرأ
Alone
Romanceانا واحده فاضيه جدا حبيت وكرهت يمكن من كتر ما عيلتي خنقتني مين انا انا بخاف اكون تهت من اللي بعمله انا 60 شكل في دقيقه انا لازم اكون حلوه عشان ده يكلمني ولازم اكون فرفوشه عشان ده يكلمني ولازم اكون مطيعة عشان اعرف اتعامل مع عيلتي انا نور ولا مريم ولا...
