أنانية في حبي لمجد

part7

 جاء اليوم الموعود النهار للي اتمشي فيه عبير من مارتيل باش تلتاحق بالكلية ، ديك الليلة مانعساتش خصوصا انها ماموالفاش تبعد على عائلتها ولكن خاصها تقصح قلبها في سبيل تحقيق أحلامها
 
✴✴✴✴✴✴✴أصبحنا وأصبح الملك لله✴✴✴✴✴
فاقت عبير على صوت رضوى للي كانت كاتفيق فيها
رضوى : عبير العايلة نوض راه ايمشي عليك الحال يالاه اتلحقو تمشيو او مازال عمران تابعاه طريق حتى لأكادير
عبير : ( و لون وجها مخطوف ) اوكي هاني جايا اندوش او نلبس

دخلات عبير للدوش دوشات او خرجات نشفات شعرها لبسات سروال ددجين مخدوش شويا او شوميز فالبيض او دارت من فوقها واحد البوليرو فالكحل او سبادري فالگرونة مشطات شعرها او دهناتو بزيت المعطرة بالخزامة جمعاتو الفوق على شكل ذيل حصان ، دارت إيكخون كيف العادة مشطات حجبانها و ماسكارا خفييييفة عطات الحجم لشفيراتها حنيكاتها وشنايفها حومر كيف العادة دارت ساعا ديال باباها فيديها للي كان عطاها هزات ليڤاليز او غادا او هيا كاتشوف فبيتها قنت بقنت  كاتفكر كاع اللحظات للي دوزات فيه كاتشوف الرسومات ديالها هزات الكيتار ديتالها قسحات قلبها او نزلات عند عائلتها
عمران: عبير واجدة نمشيو !!
عبير : اوكي 😑
أسعد : اوو مالنا على ديك التغوبيشة 😔
عبير : (تلاحت على باباها ) هييء هيييء هييء اتوحشكوم انا دابا شكون ايقولي طوبة شكوون اهييء 😭😭😭😭
بابا: كبيدة ديالي صاااافي صاااافي اعمري انبقاو نجيو عندك كل آخر شهر ماتبكيش حنا ديما معاك 😘😘😘
يما: اي يابنتي وشكون ايعوض بلاصتك 😪😭😭😳
أسعد : واااصاااف كاتزيدو عليها حتى نتوما سيدة غادا  تقرا باش تولي طبيبة باش تختابر فينا التجربة ديالها ههه تصدق مولداني و لا شي لعبة 😂😂😂
الكل : ههههههههههه‍هه😂😂

عبير كاتعنق اوتبوس فواليديها او خوتها فهد مسكين او عمران كايطوط بالكلاكسون نزلات او ركبات فللوطو او غادا او كاتشير لواليديها بيديها عمران كسيرا او عبير أطلقت العنان لدموعها او هيا حاطا راسها على الزاج
عمران : عبير دابا غانهضر معاك سيغيوه اختي خاصك تقصحي داك القلب اولا اتقصحو الظروف اوكي لي نوصيك عليه ماتيقي فحتى شي ولد الطيط اوووكي رانني ولد او عرف مزيان او من هنا 7 سنين هانتي تخرجتي طبيبة او عيشي الحياة ديك الساع ماتخليش شي واحد ابدلك خليك بريئة هاكا ماتلوتيشي
عبير : فهمتك مزيااان كون هاني او تيق فيا حيت نتوما هوما حياتي 😘
بعد ساعات ديال الطريق وصلو لمراكش دخلو لبرطمة ولقاو لالة مينة جمعاتها و نظفاتها او مرتبة الاتات او موجدة الماكلة
للا مينة : مرحبا مرحبا ايوليداتي ياكما عييتو فالطريق
عبير : (سلمات عليها بوجه مبتسم ) ترحب بيك الجنة ايما مينة
للا مينة : الله ياعمران ولدي ختك كاتحمق بالزين تبارك الله سبحان من صورها ، بنتي ديريني فحال ماماك للي بيتيها مرحبا (اللهجة المراكشية)
عمران : لهلا يخطيك اميمتي تهلاي ليا فيها راه هيا عويناتي 
للا مينة : بلاما توصيني اولدي راني موك اوديي 😍
تسيفط عمران مع عبير او كاتحاول ماتبكيش او تقصح قلبها كيف قال ليها خوها
دخلات عبير لبيتها او ستفات حوايجها او كتوباتها فالماريو و طلبات لالا مينة تبات معاها ديك الليلة بينما تولف و اكيد لالة مينة مارفضاتش الطلب و باتت كاتعاود ليها على حياتها و على راجلها للي مات
✴✴✴✴✴✴✴أصبحنا وأصبح الملك لله ✴✴✴✴✴
فاقت البطلة ديالنا على صوت المنبه صبحات على لالة مينة للي كانت كاتوجد ليها الفطور
عبير : امممممم ريحة كاتشهي ايما مينة علاش  معدبة راسك 😋
لالة مينة : اشاوا بيتي نخلي بنتي بلا فتور هاء حشوما
عبير : لهلا يخطيك 😚😚😚😚
عبير دوشات او لبسات سروال فالبلوماغين او شوميز فشيبي البارد او سپادري فالبيض جات كاتحمق خصوصا طايتها الواااااعرة دارت لشعرها ضفيرة ديال سبولة دارت إيكخون كيف العادة ماسكارا و كلوس جات كاتحمقققق او زادت عليها بلوزة من دوك للي شرات هزات صاكها او  كتوباتها او توجهات تفطر سالات ودعات لالة مينة او توجات صوب الكلية خدات تاكسي او وصلات للكلية
عبير : ( اللللله الله كولشي بطوموبيلتو فهاد الكلية حتى من الطلبة اححح عليك اعبير وجه الزلط هههه الله امسخني حمدالله على كل حال ) 😍
دخلت بزربة باليا تعطلت ياااااربي اف اف 🏃🏃🏃🏃
بكترة زربة يالاه بغيت نهز رجلي تعكلت كاتسنا غير امتا نطيح حتى شي إيد ضخمة كاتشدني او كاتضمني لصدرها كانهز عيني كانلقا وجه شاب ملائكي بيض فحال الگمرة او لحيتو كححححلة  او مطراسية عينين كوحل او مشفرين او شعر رطب او عضلات بااااااارزين حسيت بيهم بإيدي و شنايف غووووزين (سطغفرتلاه اش هادشي يا عبير ههه)
عبير : (احححححح قلبي على ناري واش مهند هادا لالا كمال سويديري اناااري هادا حسن وااااع واش هادا مغريبي لا الا موحال ) ش..شكوون نتا !!!؟
مجد : ( بابتسامة ) أنا سميتني مجد الوردي بنتي لي اطيحي امادموزيل و شبارتك آشنو سميتك !
عبير : ميغسي بيان انا عبير العلوي هادا اول عام ليا فالكلية

مجد : ( وااااااوااااااو على بنوتة كاتحمق ناري على عوينات و على شنايف فحال الا دايرا البوطوكس كلها كاتحمق ) اااه enchanté مادموزيل اذن غاتقراي معايا حتى انا عندي العام اللول la medecine générale
عبير : ( اهاااااا واقرينا بكري معا هاد الزين ..عبير مال موك ولاو عينيك زايغين ههه) او صدفة زوينا ميغسي مرة خرى 😉
مجد : c'est rien 😍😍😍
دخلت للقاعة خديت بلاصتي او كاندور  فعينيا تانقلب واش انعرف شي واحد تما واااالو ...شوية هيا تبان ليا واحد البنت كانقول فين شفتها ياربي فيييين ...اااه تفكرت هادي إسراء بنت صاحب بابا بااافف ديك الملعقة كولشي كاتشريه بالفلوس باها عندو شركات ديال الاتات
فرحت على الاقل انلقا شي صاحبتي مانبقاشي وحيدة . مشيت عندها
عبير :  (عنقتها)اسراااااااء
اسراء : (😒😒😒) عبيييير  😨شني جابك هنا واش حتا نتي دخلتي للكلية (باحتقار )
عبير : وي احبيبة حتى انا فرصة زوينة هادي
اسراء : ( فرصة مقاااودة هادي ) وي مزيان 😐
اسراء : ( جايا تاني هاد البقرة تاخد لي بلاصتي حتة هنا تفووو باراكاغير داكشي للي خدات لي فلليسي تفوووو على زهر مي بيا  ولا بيها والله لا كلسات هنا شهر 😈😈😈😈)

___________________________________________"
البنات انا امكن غانحذف القصة كاعما كاين تفاعل للاسف 😳😳😳😳