أنانية في حبي لمجد

part12

شامة : الو الدون فخباري راك فالمغرب جي للدار داروري محتاجاك تهنيني من داك العتر ديال مجد النهار او ماطال او هوا يدور ليا بجنابي
الدون : مامساليش ليه دابا عندي افييير من داكشي
شامة : شي ڤيكتيم جديدة هادي اوا تبرع ليا اسيدي ياك غا تيتيز بعدا
الدون : حلوووووة تشوفيها تحمااااقي 😈😈ليوم نفرعها
شامة : موهيم مللي تسالي دوز قبل لايعيق داك الشيباني للي عندي راه ملهي فشي صفقة
الدون : اوك تهلاي كبيدتي 😚

إسراء قدرات تقنع عبير باش تحضر للأنيڤ بصعوبة لانها  كانت مامرتاحاش لهاد الاهتمام والحب المفاجئ من  اسراء
لبسات عبير كسيوة فالغوز فيها وريدات ومشبكة من جيهت الصدر لبسات طالون فالبيض او دارت ميكاپ خفييف آيلاينر و كلوس و ماسكارا خلات شعرها مطلوق مكريپي هزات صاكها او مشات عند لالة مينة
لالة مينة : فين غادا يابنيتي
عبير : واحد الأنيڤ دواحد البنت اصرت اني نحضر واخا كاعما مرتاحا لهادشي
لالة مينة : اوا يابنيتي ومجد فخبارو هادشي
عبير : مال مجد حاكم فيا ولا نمشي فين بغيت توما مالكوم معا هاد مجد 😧😧
لالة مينة : لا يا عبير راه ولد الناس على الاقل اوصلك او يرد ليك البال
عبير : ميمتي راني قادة براسي ماشي غير حيت ديك النهار عتقني راه صافي يبقا حاضيني فالدخلة و الخرجة ياللاه هاني مشيت 😘😘😘
لالة مينة : اوا يابنيتي  الله ايسرلك او يحميك ياربي 😚😚😚😚

 خدات عبير طاكسي وصلاتها البلاصة فين كاينا الڤيلا نزلات او خلصات الطاكسي
عبير كادور عينيها فديك المنطقة ، منطقة يكسوها طابع الاشجار العالية كاتخلي المنطقة مرعبة نوعا ما خصوصا انها معزولة و ڤيلا وحدة للي كاينا تما ، استجمعات القوى ديالها و توجهات صوب الڤيلا حتى كاتبان ليها اسراء كاتشير ليها بيديها
عبير: عيد ميلاد سعيد اسراء ، اوهادي هدية بسيطة مني ليك 😊
اسراء : (شحاال هبيلة ونية 😈)ميغسي حبيبة ديالي لهلا يخطيك ويلي دخلي دخلي راه كولشي كاين بقيتي غانتي

دخلات عبير كادور فعينيها وكاتشوف قدامها ڤيلا فخمة عصرية أثات عصري بزاف و لاپيسين كبير و فجنابو اضواء وورد ڤيلا ماعمرها شافتها عبير ولا فالاحلام
عبير : فين الحفلة ا اسراء مابانلي والو
اسراء : هبطي هبطي للاكاب من هنا راه تما فين كاينين أنا جايا سيري تانلحق عليك
عبير مشات او تصدمات اللاكاب فحال شي ديسكو او ديسكو فديسكو ، الشراب او الغنا و العرا و شي كايشطح معا شي شي كايتباوس مع شي  فحال النصارا ، عبير تزير عليها خاطرها مابقاتش حاملة تزيد دقيقة تما هزات صاكها وغادا راجعا حتى كاتصطادم بإسراء
إسراء : فين غادا اعبير بحرا جيتي حشومة تخليني ففحال هاد اللليلة
عبير : و..ولكن انا ماموالفاشي بفحال هاد الاعياد الميلاد شوفي ماكانعرف تاواحد سمحيلي غانمشي
إسراء : اوالله ماتمشي مالك قانطة على راسك راك صغيرة و زوينة عيشي الحياه نتي راك مسؤولة على راسك و غاتولفي هادشي غايعجبك الحال

جرات إسراء عبير  او ماخلاتهاش تعتارض نهائيا خلاتها طلب المشروب للي بغات مشات او عطات الاشارة للسرباي باش اعملها مخدر فالعصير حينت ماطلباتشي الشراب
كلسات عبير فوق واحد الفوتوي بوحدها و كاتحاول تغاضا المناظر الحميمية لي كاتشوف قدامها كاتشرب العصير ديالها جغمة بجغمة و قلبها مزير عليها بلا قياس
بعد مرور 20 دقيقة  عبير مابقاتش كاتحس براسها مزيان واحد الضبابة خفيفة كاتجي قدام عينيها الدوخة كاتشوف الدنيا كادور قدامها حتى كاطيح مغمى عليها من الفوتوي

⬅⬅⬅⬅عند إسراء
إسراء : الو دووون دوز راه الوليمة موجووودة و ماغاتعدبك ماااااواااالو يالاه وريني علاش قاد ولاضعفتي راه الفياگرا فالمجر دالبيت 
الدون : لا لا ازييين ديالي راك عارفاني ديما ناضي مامانحتاجش ديكشي يلاه قطعي الضو باش نهز حلوتي للبيت

من بعد ماتقطع الضو تحت صراخ البنات فالديسكو مشا الدون او هز عبير للي طايحة جثة هامدة ودخلها للبيت او سد عليها ، عينيه فحال ديال شي ذئب ريوكو طايحين كايشوف فالجسد المثير ديال عبير صدرها الكبير و الغوزي او شنايفها المنفوخين كايقرب منها و هوا كاينهج من كثرة الاثارة حيد ليها كسوتها و خلاها غير بليدو پياس  👙
حيد تيشورت ديالو و او شورط او بدا كايقرب ليها ولفمها ...فجأة كايحس بشي حاجة ضخمة ضرباتو فراسو وطاح مغمى عليه لي ضربو كان ......بغيتو تعرفو شكون البنات ڤوتيو او عطيوني اراؤكم بليز غير واش عجبكم البارت ولا لا وش نكمل ولا لا