Kaibigan ko, Mahal ko
Di ko pinilit kusang nadama
Pagtatangi para sa iyo
Sa simpleng akbay
Puso ay tumatalon sa kagalakan
Kuryenteng dumadaloy
Tungo sa aking kaibuturan
Hindi ko hiniling
Na mahalin mo
Kaibigan lang naman
Ako para sa iyo
Napakalapit mo ngunit ka'y hirap abutin
Para akong hangin
Lagi nasa iyong tabi
Ngunit di binibigyang pansin
Noong nalaman mo
Ang pagtatangi ko
Ako ay iniwan
At nilayuan
Gusto kong lumangoy
Sa dagat ng kalungkutan
Magpakalunod sa kabiguan
At lumubog sa pinakamalalim
na kadiliman
Di ko inaasahan ating pagwawakas
Mga masasayang alaala
Aking babaunin sa iyong paglisan
Paalam O aking kaibigan.
