ماذنبي انا

الاخيررر

#قصصي
#ماذنبي_انا

البارت 21

ولج هاي العابت عليمن هااا
اووي اووي ايدي
اذا عدتيها اكسرهن .
بقيت افرك بايدي اوووي عورتني زين ماكسرت اظافري
اوي عيني ام اظافر بين ما ناكل انتبهت عليها رفعت راسها ونزلته وتخربطت كل امورها بقت مرتبكة وعينها ع الصحن التفت وراي اكو ولد شاب يباع لها خزرتة دنك
فاديه شبيج
مابيه شي
فااااديه كلتها بغضب
ما بيه شي ليش تسأل
اللي كاعد وراي منو احجي ليش تخربطتي من شفتي
هذا جيرانه
وشنو يعني
احمد ترى مصختها تعاملني كأني زوجتك وتتحكم بي خلينا اصدقاء لخاطر فروحة
اممم ماشي سهلة راحت هي للحمام غسلت ومن رجعت اجه هذا الولد ووياه مرة يمكن امه سلمو على فاديه .المرة التفتت علي وكالت هذا زوجج رجع من السفر سلمت علي هي والولد
من راحو بقت فاديه ساكته
ممكن افهم الموضوع
ماكو موضوع من كعدنا هنا بقى فترة يلاحكني ويحاول يتقرب الى ان مرة شافني ويه فروحة طالعين وسأل منو هاي كلت له بنتي وكال وين ابوها كلت له مسافر
احمد... جريت نفس ارتاحيت معناها صدك مو ببالها تتزوج
ليش كلتي له هيج
لان اعرف غايته سواء رايد يلعب ولا رايد الحلال انا اثنينهن ماريدهن
فاديه اسف اذا ضغطت عليج بس والله ماتحمل غيرتي تاكلني عليج انت ماتعرفين شنو بالنسبه الي ولج اموت نار وتشب بي اذا واحد باوع لج
تمشين وياي بالبنطرون جنج غزال شلون اتحمل الناس تباوع لج ولاتكولين ممبين شي ولج هو لان ضعيفه لايك لج لاتلبسينه رحمة لجدج
ههه صدك ضحكتني هيج البنطرون زاعجك
فووك ماتتصورين
رجعنا للبيت ويه صلاة الظهر صلى ببيتنا وطلع طلعت وراه بيدي طاسه مي باوع لها وضحك كال ..تعرفين شنو معناها
لا بس اشوف امي اليطلع يسافر تذب وراه ماي انا احاجي ومنتجيه على الباب وهو كدامي ابتسم وكال
معناها تردين اللي مسافر يرجع بالسلامة
هههه اوكف هم زين كلت لي خل اشمر وراك ٧ حجارات ههههههههه
ضحكي ضحكييييي اموت على لسانج المبشط ولج شطوله لسانج
ههه مين مكرودة مديت لساني شوفه
ولج ضمي لا اخذ لي عضه
خزرتة وكلت له يله ولي حتى ماي ما اشمر وراك
هههه موكلت لج مخبله يله باي
راح وشمرت الماي التفت ويضحك ءاشر بيده الي طبي جوة
ضحكت والله مو صاحي طبيت للبيت مبتسمة بس احس بداخلي بضوجة تعودت عليه مادري شنو
سرمد عرف بوجودة وماكان يتصل من هو موجود بس كان متضايق منه
من سافر حجت وياي زينه وكالت سارة ماخذه منها العنوان لان تكول خفنا عليه لايضيع منا تخبل ورة ماطلكها ونوب يدور ومالكاها
كلام زينه اثر بيه بس بنفس الوقت اخاف ماريد اتحرك تجاهة اي خطوة
من بعد رجعته ظل يوميه يتراسل وياي يسال عن فروحة ويتصل كاميرا بس ما اخلي يشوفني وهو يتخبل واكول له مايصير انت مو زوجي وغلط نتصل
بيوم اتصل بيه وكال فتحي كام اريد اشوف فروحة اخذت الفون للهول بيه كاعدين امي وفروحة وعندنا كرار ابن عمي وابوه نطيت الفون لماما لان فروحة بحضنها علمود ابوها يشوفها
كرار من عرف ان احمد يتصل ببنته ضاج وتعمد يحجي بصوت مسموع
هذا السكط شعنده يتصل مو الله فكنا منه شرجعة انا اخذت الفون وفروحة صاح عليه هيي وين رايحة شنو تردين تخابرينه جوة شنو شايفتنا كدامج كرونة
فادية...كرار انت ابن عمي وضيف ببيتي ماريد اتجاوز عليك بس لاتتدخل
...اتدخل ونص ابن عمج انا وواجبي احافظ عليج
...اييي يا ابن عمي وين كان واجبك لما سرمد كال لك دبر لي مهرب لتركيا اريد اشرد ويه بنت قاصر عمرها ١٦
...وين كان خوفك عليه ليش مامنعته ليش ماكلت له ذول عشاير وهاي عندهم جبيرة العرض غالي تجري عليه دموم هسه صرت ابن عمي ذول اللي تكول عنهم سكط احسن منك ومن سرمد ما اخذ بنيه بدون علم اهلها ولا فضحولهم عايله ونزلو عكل اهلها مثل ماسويتو انتم
طلعت منهم شفت المكالمه بعدها مستمرة واحمد ع الخط كطعت الخط وغلقته اخذت بنتي وكعدت بغرفتي ماطلعت لثاني يوم كرار راح لاسطنبول لان جاي يتسوك بضاعه عنده محل ازياء اجتني ماما ..يوم امس ليش هيج حجيتي ويه ابن عمج عيب ترى
يوم الله يخليج لاتشوفيني طبيعيه وياكم وويه سرمد ترى اريد اعيش ولا انا ما سامحت احد ع السواه بيه واللي حط احمد بطريقي هو سوايه سرمد بمساعدة كرار وهذا ابو بنتي ماكدر امنعه منها باجر تكبر ونوب تريدة وتعوفني
....براحتج يوم
طلعت امي فتحت الفون وبدت تجيني اشعارات الرسائل من احمد حارك الفون حرك بين مكالمات ومسجات
ساعه يكول ردي ساعه يهدد ساعه يحجي بذوق عفته وطلعت مالي خلك اسمع اي احد
بقيت يومين توصل رسايل احمد وما اجاوب يوم الثالث رجع لنا كرار وطلب مني نطلع نتمشى طلعنا وبدة يحجي وياي بهدوء وحاول يقنعني ان ننتزوج لكن رفضت
كرار اتمنى تفهمني انا ماريد اتزوج ومستحيل اجيب لبنتي زوج ام وابني حياة واسرة وتظل بنتي غريبه عنهم لان من غير اب وغير اهل .ابوها كاتل روحة علي بس كون ارجع وانا مموافقه ماريد اتزوج بس تصير فروحة عمرها سنه اريد ارجع لدراستي وياريت الموضوع هذا ماينفتح بعد
رجعت للبيت وقفلت الفون مالي خلك رسائل احمد
ثاني يوم الصبح كعدت وبديت اهتم بفروحة ومن صار العصر اجتني رساله من احمد طلعي انا براس الشارع