#حب_اجباري
#بقلم رفل الكناني
#البارت ٢٣
قمر هذا مو فهد لو اني غلطانه
باوعت فهد اي هذا فهد اجه يمشي بتجاهنه جان لابس عسكري لن جان بدوام وصل يمنه سلم وسرى ترخصت كال
امشي وياي
وين
هسه امشي ومعليج
عندي محاضرات
امشي اني استذنلج
مشينه سوه ياالله الكليه كله تبوع هسه ليشوفنه يكول ماشاالله بس همه وبس ميدرون بضيم راح للعماده ستذن وطلعنا صعدنه السياره ساكتين هوه عينه عل طريق واني راسي عل جامه السياره عطره يكفخ والمكيف مشتغل إل شويه جيت انام بس من القهر منين يجي النوم طبينه فرعنه عبالي جايني للبيت بس اشو تعدينه هاي وين رايحين تالي وصل البيت اهلي كال لاتنزلين نزل هوه فتح الباب ودخل السياره للكراج نزلت
هاي وين جبتنه حتى ماعندي المفاتيح عايفتهن بلبيت
اني عندي
طلع مفاتيح من جيبه فتح باب المطبخ دخلت وهوه ورايه رجع قفله توجهت لاستقبال ذبيت جنطتي وكعدت بتعب اجه كعد بصفي
انتي ليش متصدكيني ليش تنوليه لباله يعني اول البارحه عشنه احله لحضات عمرنه ليش تخليه بحيلته ومكرهه سيطرت عل افكارج وخربت كولشي
والله هاي الحياله والمكاره انته جبته وخليته كبالنه
من وراج من وراج قمر كافي عاد حسي بيه موروحي طكت لج احبج تعرفين شنو احبج لااليوم ولاالبارحه لج سنين دافن هذا الحب بكلبي ودايس عليه لن شايف بعيونج شكد تكرهني
اني اكرهك
اي ت كرهيني وهاي الشي واضح ميحتاج تحجي
من وراه تصرفاتك غير
تصرفاتي تصرفاتي شسويله مدكليلي اموت نفسي واخلص واخلصكم من تصرفاتي هذا طبعي شريد اسويله لااني لاكدر ابينلج حبي ولاانتي نطيتيني وجه حلوو ضليت اكتم اكتم لحد ماطفح الكيل تزوجت كلت هاهيه فهد تحقق حلم حياتك قمر صارت الك اجه الوكت لتعترفله بحبك ردت منج نضره بيه حب حتى ارتمي بحضنج وانهي عذاب هاي السنين لحبيتج بهن بس مالكيت مالكيت اني عصبي لاموعصبي اني مخبل اي مخبل واعترف وبرودج دمرني اجيتج بكل حب اول ليليه وياج كرهتيني حتى نفسي حسستني اني وحش ونايم وياج وهيج تخافين كلت هذا موخوف سترعنت ورحت الغيرج اني حيوان والله حيوان وماصبرت عليج غلطت غلطت من السماء للكاع انطيني فرصه ازعلي يوم يومين موتمنعيني عرفتج كيفتي من بتعدي عني واشوفج ممهتمه اني اكولج اني افصل الأمور بكيفي واحلل بكيفي مثل واحد يسل ويجاوب نفسه ومن وره كرامتج وعزت نفسج بتعدتي بس عقلي فسرهه كره كمت اخونج واخونج وانتي شسويتي هااا شسويتي تغسلين ملابسي من الخيانه بيدج لواكو ذرت حب بكلبج تجاهي جان عاركتي عيطتي حجيتي كل هذا مطلع منج هنا اجزمت متحبيني آخر اختبار سويته الج كلتلج راح تزوج بدال متمنعيني اجيتي دكليلي اريد اطلك اي فهد اي تريد تطلك حتى تخلص منك اصلن فكرت زواجك اجته عدله خوش حجه انت قدمتلهيا بطبق من ذهب رحتي وعفتيني امي اجتتج ابويه اجاج دزيت خواتي كولهم يجون يكولولي متقبل ترجع وتريد تطلك ردت اجيج بس كلت لاهيه اهلي تموت عليهم ويموت عليه رفضت كولشي منهم لعد اني اذا رحت شتسوي وهيه تكرهني راح تذلني واني ماتحمل واسوي كارثه تزوجت عبير حتى اخليج بنار الي صار سنين عايش بيه بس اني لحتركت لمن اشوفج بكل برود تعيشين حياتج جامعه و للسوك لاوالاكثر كمتي تهتمين بنفس قاطات عن قبل دليل راحتج من مبتعد منج ومبتعده مني شكد ردت اتجاهلج بس ماكدر ماكد من اشوفج روحي تلوب لحد اول بارحه عرفت نفسي شكد ضعيف امامج بحيث بس نطيتي مجال نسيت كل هذا وشمرته وراه ضهري يمكن ليلته نمت براحه ممرتاحه من سنين مجرد وجودج بحضني خله بيه الف امل وخلاني اخطط شلون اعيش وياج بحياتنه الجايه بس عبير الحقيره خربت كل هذا اكدر الزمهه اموته وطلع كول جذبه بس القرآن ماجذب من كال كيدهن عضيم بحيث حتى بروحي شككتني واني ارعرف نفسي مواصل مرحله وياه بن اخلف منه موهاي ام اولادي موهاي الاحلم بيه تربي أولادي بس لانتي راضيه تصدكيني ولا اني الكادر اثبتلج
يحجي بحركه وعيونه دم واني مصدومه فهد يحبني وكل هذا بكلبه معقوله
