مساء الخير على احلى متابعين
تكمله لحداث مابعد القصه
الساعه السادسه صباحا
يدك المنبه يم راسي بسرعه كعدت اطفي حتى غزل متفز من صوته كمت لميت شعري غيرت ملابس النوم طلعت غسلت ورجعت كعدت فهد عنده دوام توجهت للكنتور حضرت ملابسه الداخليه اخذته للحمام وبعده رجعت خليت بدلته عل سرير طلعت جواريبه من المجر ومسحت البوت هذا الحجي كله وكل شويه اوكف على رأسه فهد كوم
اي هسه
آخر شي بقيت على رأسه ال كعد يتمعصر مفتح تك عين بتسلمي
صباح الخير
صباح النور .. بسته بخده نهض باس راسي وشال الخاولي من عل سرير خلاه عل جتفه وراح للحمام نزلت جوه عمتي بلمطبخ دتخلي الجاي عل نار صبحت عليه وعمي كبالي بلحديقه مثني يم زراعته
بديت اسوي بلريوك وعمتي تسولفلي بطولات نمر وشمسوي بيهم بليل
ولج خبلني ساعه يوم انام يمج ساعه راح اصعد يم بابا وماما ولك ابني سد الباب جدك نايم تعال يمي يفوت جوه البطانيه شويه ويرد يكول هسه اجي اصعد يمهم اشوفهم بس انزل انام يمكم تالي نعست حيل صحت فهد تعال عليه اخذه يمك خاف وغطه رأسه بعد مرفعه
ههههه عمه حيال من يصعد يمنه هم هيج يسوي يريد ينزل يمكم يصيح بي فهد ينزل بعد ميصعد
نسولف كملت الريوك عل آخر ستبطيت فهد مانزل صعدت داشوفه فتحت الباب عل كيف عضيت اصبعي اتوعدله شايل غزوله من سريره منيمه على سريرنه ويبوس بيها على كيف شافني اشرلي روحي هزيت جتفي ما .. كوم واشرله هز رأسه يضحك طلعت وهوه ورايه طبكنه الباب صديت خازرته
شلون شلته من مكانه بله كعدت
لج دابدل كامت تنوص شلته بحضني سكتت ورجعت نامت نومته ومددت بصفه ريحته تشهيني اعضها كزكزت عليها وضليت ابوس بيها
لا والله لو كاعده
متكعد اصلا غفت على ريحه ابوه
حجاه وكرص خشمي بيده لزم ايدي ونزلنه صبح على عمتي باس رأسه كعد يتريك ويصيح يابه تعال تريك غسل عمي ايده واجه كعد تريكو سوه وهوه كام قبلهم راح يم السياره فتح البنيد صاح قمر
هااا حبيبي
يابه نزلي جنطتي وجيبي غراضي
ماشي
اكلج
كول
الجكاير يم راسي هيه والجداحه منزلتهم نسيت
هسه اجيبهم.. رحت نزلت الجنطه وعلاكه الكليجه فهد من ترقه وترفع خلوه مدير مركز بمنطقه بطراف بغداد كام يبات بدوام والنزول يطول اسبوع ١٠ أيام مرات أكثر ومن ينزل هم بلمثل شكد داوم ينزل بكدهن كمت اسويله الكيك والكليجه وهاي الشغلات المتخرب يكول بليل اجوع اتله بيهم
