#حب_اجباري
#بقلم رفل الكناني
#البارت ٣٨
من شفت الدم تخبلت لزمت الفون دكيت عل فهد جان بدوام بسرعه جاوب
الوووو
كولي حبيبي
فهد دانزف وحيل خايفه
صدك تحجين
اي والله فهد شلون
سدي جايج مسافت الطريق
سديته والعبرة خانكتني نزلت جوه كاعدين بلهول باوعت ورجعت ماكدرت احجي احمد كاعد سمر حست عليه تمشيت للستقبال كعدت لحكتني
شبيج قمر شكووو
سمر دانزف شلون بيه
يبوووو عيلج يقمرر موجنتي مثل الورد شجاج
مادري هسه كعدت عل وجع بطني
دنحجي واجتي عمتي كالت شكو سولفتلها سمر تخبلت كعدت بلكاع ودك عل رجليه ونزلت علينه دوسه ونص
ليشش هيج يولي ليش مو وليد وجاي خيره طبعن يصير بي شي اذا انتي وياه لازكين بلغرفه لاساعه ولاساعتين ولعينتين ينزل يسبح بله هوه رجال وميهتم زين انتي ام متفكرين بضناج مدكولين هاي روح بطني لافته بحضنج من الفطور وبعد منشوفكم شنو ذنبهه هاي الروح والله اذا صار عليه شي اكلب الدنيه عليكم ثنينكم هسه وين اوديج شوفي الساعه وحده الضهر لا دكتوره كاعده ولاش اوديج للمستشفى ولج ديجيبوهم موته ميحيرون بيهم ولايهتمولهم
تحجي وتباوع هل ساعه وكلامه كله صحيح اني بس الدموع تجري وافرك بيدي وعمتي ماسكتت اول مره هيج تخرط عليه وكله منج وانتي منطينه مجال وووووو لحد مااجه فهد دخل وجهه كله قلق كعد بصفي
هاأااا شبيج شنو السالفه
بجيت اكثر
هسه غير تحجي نشفت ريكي اجيت طاير ألف واحد سبني من السرعه لمشيته
جاوبت عمتي
شبيه قابل كولشي مبيه دتنزف والله اليعلم الطفل شبي هاي كله من سوالف اليل والله عيب عليكم لانتو جهال ولاانتو عرسان خلي شويه عدكم قناعه يوميه أشوفكم بساعات فوك اكول عيب احاجيهم همه يعرفون اكيد يخافون عل ابنهم وهاي النتيجه كدامك
رسل وسمر واكفات باوع عليهن وعليه وكله
يممه شبيج لخاطر ربج شهل حجي هسه احنا بياه حال ليش تخليني اجفص كومي دنوديه
وين اكوم دنيه الضهر منو مفتح
اووووو اكعدي اكعدي امشي سمر وياي امشي انتي بدلي
كومني من ايدي راد يصعدندي الدرج صاحت عمتي
وووين يمعزه هيه تنزف وين مصعده الدرج هسه توكعه هنا يجيبن ملابسه
