عشق الياقوت

الفصل الثاني

في بلدة صغيرة بجانب مدينة القاهرة عدد سكانها قليل يحيط بها نهر النيل من جميع الجوانب اقل مايقال عليها انها ساحرة الجمال يأتي اليها السائحون ليستمتعوا بجمال الطبيعة والهدوء فهي ملكية خاصة لعائلة الراوي كبير عائلة الراوي يدعي ( احمد الراوي) وعندما توفي ورثهاولده سيف الدين احمد الراوي في هذا الوقت كان سيف في الخامسة عشر من عمره ومن بعده اصبح سيف هو كبير عائلة الراوي
سميت من وقتها بجزيرة الراوي

في جزيرة الراوي

فريدة : ياصابر اصحي قوم علشان نفطر وتلحق صلاة الجمعة ان عارفه انك بتحب تكون اول شخص يدخل المسجد
صابر : بإبتسامة صباح الخير يافريدة يادوب الحق اقوم اخد حمامي والبس

في منزل حسن نور الدين
تنتظره في الشرفة كل ليلة علي هذا الوضع ظروف عمله تجبره علي السهر فهو يعمل طوال الليل وينتهي عمله في الثامنة صباحا والساعة الحادية عشر الان اين هو كانت تسأل نفسها
رن هاتفها بأسمه : ليلي: السلام عليكم
حازم : وعليكم السلام يا قمر يا جميل يا قلبي من جوة
ليلي بغضب : حازم قولتلك اكثر من مرة بلاش تكلمني بالاسلوب ده وبعدين انت اتاخرت ليه واتصلت عليك انت قافل تلفونك كنت فين تقدر تقولي
حازم بتأفف : هو كل يوم ياليلي نفس الاسطوانة
انا خلصت شغلي وروحت وقفت مع اصحابي فيها مشكلة
ليلي بضيق: مش دول يا حازم نفس اصحابك اللي دمروا مستقبلك واترفدت بسببهم من المدرسه ولا كلية والنتيجه مفيش شهادة وكمان اتعلمت تدخن زيهم وانت وعدتني هتبعد عنهم والحمد لله بقالك ٣ شهور مش بتدخن انا خايفة عليك
حازم بتنهيدة : يالولو انا مش صغير وكمان يا حبيبتي انا وعدتك ومش هرجع لها تاني لكن صحابي دول عشرة عمر ميرضكيش اقطع علاقتي بيهم
ليلي بعدم اقتناع اعمل اللي يريحك ياحازم المهم مترجعش للقرف اللي كنت بتشربه ده التدخين بيدمر الصحة وانا بخاف عليك
حازم بحب : وانا بموت فيكي وفي خوفك عليا ... بحبك
ليلي بخجل: اقفل بقى لان بابا قرب يجي من برة

طرقات علي الباب

حسن : السلام عليكم (حسن نور الدين والد ليلي وعم ياقوت يعيش في جزيرة الراوي مع زوجته وابنته ولكن عائلته تقيم في القاهرة)
ليلي ووالدتها : وعليكم السلام
حسن : تعالي ياليلي انتي واميرة عاوز اتكلم معاكم في موضوع
اميرة : خير يا حسن
حسن :والدي كلمني وقالي ارجع القصر ضروري في القاهرة في موضوع مهم حابب يكلمني فيه سالته ايه هو الموضوع رفض يقولي في التلفون وقالي لما اجي واكد عليا تكونوا معايا
ليلي بإستغراب : خير ان شاء الله يا بابا

بعد عدة ايام وصلت سيارة حسن الي القصر في القاهرة
استقبلهم الجد احمد نور الدين (هو الوالد وكبير عائلة نور الدين والد حسن وسالم والد ياقوت وله ابنة تعيش في الخارج شخصيته حادة كل اوامرة قيد التنفيذ دون نقاش لديه مجموعة نور الدين المشهورة في المدينة يديرها ابنه حسن ولكنه يرفض الاقامة في القصر ويفضل العيش في جزيرة الراوي مع زوجته وابنته براحة بال بعيدا عن المشاكل
له اختان كاميليا ونهاد يقيمان بالخارج مع ابنائهم
سنتعرف عليهم مع سرد الاحداث )