عشق الياقوت

الفصل الثالث

ليلة من الليالي التي اود ان يخبرني احدهم بلطف شديد انه يحبني ويراني جميلة ❤
فتنتهي بكل مافيها في لحظتها ويذهب عقلي في نوم عميق... ليلة اتمني فيها ان ينتبه احدهم لألمي .. كأن الكون وقف قليلا لاجلي . فأصبح علي خير ... بكل تلك البساطة
😍😍😍😍😍😍😍😍😍😍😍😍😍😍😍😍

في غرفة ليلي في القصر

تبكي وتحتضن والدتها : يعني ايه يا ما ما اتجوز واحد معرفوش ولا عمري شوفته غير من ساعات هعيش معاه ازاي وانا معرفش اي حاجه عن طباعه وكمان غريب عني وحياته غريبة ده طول حياته عايش في فرنسا يعني عاداته غير عاداتي
اميرة : يا حبيبتي حمزة مش وحش ده عريس محترم اوي وكمان انا واثقة في اختيار ابوكي وهو عمره ماهيرضالك اي عريس لو مكانش واثق ان حمزة هيسعدك مكانش وافق عليه وشيلي من دماغك حازم ده لان ابوكي مستحيل يوافق عليه ولو عرف هتبقى مشكلة كبيرة حازم مش شبهك ولا انتي شبهه
انني حكمتي قلبك وعواطفك مع الانسان الغلط ومش شايفة عيوبه دلوقتي لكن هي هتظهر كله مع الوقت صدقيني يا حبيبتي انتي عايشه في وهم وانا سايباكي براحتك مش هضغط عليكي وهيجي اليوم اللي هتعرفي بنفسك
تركتها اميره لتفكر دون ضغط عليها

''مرت الايام وليلي تلتزم غرفتها تفكر فيما حدث في القصر وحديث والدتها بالفعل حازم لايشبهها ولا يكافئها عقليا ولا فكريا وفي التعليم لا ينجح فيه  ويعتبره امر غير مهم فهي معها شهادة اما هو فلا
قطع عليها التفكير رنين الهاتف
ليلي : السلام عليكم
المتصل : وحشتيني يا لولو عاملة ايه ياوحشة مش بتكلميني بقالك فترة طويلة
ليلي ببكاء : ياقوت انا محتجالك جدا انزلي بقا نفسي تكوني معايا دلوقتي
ياقوت بقلق: مالك يا لولو قلقتيني

سردت عليها ليلي كل ماحدث وماقالته والدتها
ياقوت : هتقبلي نصيحيتي يا لولو ولا هتزعلي
ليلي نافيه : ابدا يا ياقوت انا حاليا زي الغرقانة اللي مستنية حاجه تنقظها
ياقوت مكملة : عمو حسن معاه حق حمزة متعلم وبتقولي انه كان مسافر فرنسا يعني بيشتغل وعارف قيمة الشغل  لكن مفيش حاجه اتغيرت فيه وبدليل انه لسه بيزور جدو ومتمسك ببلده منسهاش زي ما غيره عملوا كمان هو طلب ايدك وحب يسلك الطريق الشرعي يعني طلع راجل مش زي حازم اللي بقاله ٦ سنين متقدمش خطوة واحده في حياته ده غير حياته الفاسدة واصحاب السوء وتصرفاته اللي كنتي بتيجي تشتكي منها
لكن حمزة بالرغم انه لايعرفك ولا انتي تعرفيه لكن انا واثقة ان عمو حسن كان مستحيل انه يوافق عليه لو كان شايفه انه انسان مش كويس لكن انا واثقة في قرار عمو حسن جداااا
طبعا من غير تفكير مستحيل يوافق علي انسان مش متعلم وحتي الشغل كل ماتسأليه يلف ويدور عليكي ويرفض يقولك ثم شغل ايه ده اللي بيكون بليل وبيخلص الصبح
راجعي نفسك يا لولو قبل ماتندمي

اغلقت ليلي مع ياقوت والحيرة تملئ قلبها
فياقوت معها حق جميعهم معهم حق ولكنها تحبه واه من هذا القلب حين يحب ....