كنت مستنياه يكلمني وفرحانه اننا هنخرج مع بعض أخيراً بعد فتره كبيره.... لقيته بيتصل،
_الو... عامل ايه؟؟ وحشتني
*احم... انا كويس تمام
_مالك في ايه؟!!
*مريم، انا كنت عايز اقولك حاجه
_....
*انا مبقتش حاسس بأي حب من ناحيتك.. انا مكنتش عايز اقولك عشان مكسركيش بس صدقيني انا خايف عليكي وانتي اكيد عارفه كده كويس؛، مريم انتي سمعاني؟!
_....
*الو... مريم
قفلت معاه معرفتش ارد اقول ايه؛ انا حبيته بجد وهو عارف كده... كسرني
بس قلت هحاول اتعامل معاه عادي وكأن مفيش حاجه حصلت... احنا صحاب بعد كل حاجه
قابلته تاني يوم كان باين انه عايز يتكلم معايا.. اول ما شافني جه عليا وقال؛
*مريم؛ ازيك؟ مردتيش عليا ليه امبارح؟؟!
_انا كويسه تمام.. انت عامل ايه؟؟
*بقولك مردتيش عليا ليه... انا عارف اني كسرتك بس انا مش عايز اخسرك...... انا عملت كده عشان خايف عليكي صدقيني؛، خايف عليكي من نفسي ومن اي حد؛،؛ مريم انتي عارفه اني من زمان بحميكي وبخاف عليكي زي اختي بالظ.....
_انت قولتها يا آدم... زي اختك ف خلاص محصلش حاجه....... بعد إذنك عشان عندي مشوار
مشيت وسبته وانا قلبي واجعني مش عارفه انا قولت ايه وازاي قدرت اقف قدامه واكلمه.... هو عارف اني مخنوقه وانه الحاجه الوحيده اللي كانت بتفرحني؛
انا مش بلومه كل واحد حر ف مشاعره بس هو كان عارف اني بحبه....
نزلت قابلت صحابي وكان باين عليا اني زعلانه... كانوا بيسألوني في ايه وايهه اللي مزعلني بس قولتلهم ان مفيش حاجه وممكن اكون دوخت من المشوار بس... فجأه ندا قالت
----اكيد آدم مضايقك
_لا هيضايقني ليه... تعب المشوار زي ما انتي عارفه
----يعني مش زعلانه انه ارتبط بسلمى؟؟
_....
----مكنتيش تعرفي ولا ايه؟؟
_ل..لا طبعا ك..كنت عارفه احنا مع بعض على طول ف اكيد هيقول يعني.... بس مقالش من امتى
----بقالهم شهر يعني تقريبا من بعد الامتحانات
_اهاا....طب انا همشي دلوقتي عشان عندي مشوار مهم؛، باي
سبتهم ومشيت وانا قلبي مكسور اكتر من الاول.... يعني هو مسبنيش عشان خايف عليا زي ما قال؛، كان بيكدب عليا...
روحت البيت وانهرت مبقتش عارفه انا عملت ايه ولا اعمل ايه انا بقيت ضايعه
قررت ابقى قويه واتصل بيه اواجهه.. ؛
_الو.. ازيك يا آدم
*تمامم.. انتي ايه اخبارك؟
_تمام.... سمعت عنك انت وسلمى.؛ مش كنت تقول كنت فرحتلك حتى
*اآاه... نسيت خالص والله؛،
_هو مش احنا اخوات ازاي تنسى حاجه زي كدا... ع العموم لو عايز اي حاجه كلمني متتكسفش
*مريم؛ انتي تمام.. متأكده ؟؟
_اكيد تمام... على العموم متنساش تاني
*...
_عايز حاجه
*خلي بالك من نفسك
_سلام
الكلام اللي ندا قالته كان بجد؛،
عدت الايام وكل يوم بيعدي بتعب نفسياً اكترر ومحدش حاسس بيا.... برد عليه عادي
حاولت اروح لدكتور نفسي ومتعالجتش انا حاسه نفسي زي ما انا.... بدأت افكار كتيره تيجي دماغي ف الوقت دا
أفكار مينفعش افكر فيها.... كل ما افكر ارجع عن اللي بفكر فيه واقول كل حاجه هتبقى احسن..... لحد ما ف مره سمعت صحابي بيتكلموا عليا
... سمعتهم بنفسي؛ كانوا بيقولوا اني معقده وعندي مشاكل كتيره وان محدش فيهم بيحبني خلاص وانهم كرهوني بسبب اللي انا فيه؛،
ليه محدش فيهم حاول يسألني او يواسيني طالما عارفين اللي انا فيه
مشيت ف الشارع مش عارفه هروح فين واعمل ايه.... اتصل بصحابي ؟؟ما باعوني ومش بيحبوني
اتصلت بآدم مكنش بيرد
الأفكار بدأت تاني ف دماغي ونسبتها كانت اعلى المره دي...
كنت ف الاسانسير طالعه البيت بس ايه اللي وصلني للسطح؟؟!
انا هنا ليه.... انا بعمل ايه هنا؟؟
بدأت افتكر كل حاجه حصلت معايا وكل حاجه بتحصل
الأفكار اللي بتجيلي جت تاني وبنسبه اعلى كمان من كل مره..
محستش بنفسي غير وانا بتصل بآدم تاني
مره واتنين وتلاته 📞
*الوو.... ازيك
_.....
*مريم؛، انتي معايا؟؟!
_.....
*سمعاني
_.....
*لو سمعاني قولي حاجه.... مريم
_انت عارف اني كنت بحبك <شهقه> انت عارف المشاكل اللي انا فيها.... عارف الدنيا كانت عندي ازاي وبرغم كدا بعتني
*مري...
_انت عارف كانوا بيقولوا ايه عليا؛، كانو بيقولوا اني عندي مشاكل كتير <شهقه> واني معقده وأنهم كرهوني.... مع ان محدش فيهم جرب يواسيني ولا يقرب مني.... حتى انت يا آدم نسيتني
*انتي فين؟؟ انا جايلك
_انا مش عايزاك تيجي ومش عايزه اشوفك تاني.... اقولك على حاجه؛ انا مش عايزه اشوف حد منكم؛
انا كرهتكم وكرهت حياتي وكرهتك انت كمان
*بس انا بحبك يا مريم
_تخيل انها اول مره تقول انك بتحبني... حتى لما اعترفلي كنت بتقول مشاعرك؛
*مريم انتي فين؟!
_....
*الووو... مريييم
_.......
