هلوو 👋😊
الپارت الثالث من قصه
ماذا لو💔...
اتمنى يعجبكم😍
************************************
سدن:
مر الاسبوع على نفس الروتين من البيت للكليه و من الكليه للبيت و مرات كنت اطلع ويا شمس و قوت علاقتنا بآدم صرنا كروب و دائما سوا بالكليه حچالنا عن عائلته الي عرفته هو مو من بغداد بس اجه علمود الكليه و اهله ويا عندهم شغل شهرين و يرجعون و هو يبقه وحده
و اربعه و عشرين ساعه بس يتعارك ويا شمس و اني اضحك عليهم آدم صار اكثر من اخونا كم مره دافع علينا و حمانا من الشباب لان اكو بعضهم حاشاكم ابد مو ولد عائلة عبالهم البنت سلعه يشتروها بفلوسهم و ورا ما يملون منها يذبوها بالزباله
بعد ما خلص الاسبوع و خلصت الجمعه و السبت بلمح البصر بهل يومين ما حجيت ويا شمس كنت ادزلها رسايل بس ما جاوبتني بصراحه خفت عليها مو من عوايدها گلت الاحد اشوف شبيها
اجه الاحد و كلعاده گعدت على صوت الانذار سويت روتيني و نزلت كلعاده دخلت لغرفت اختي شميت ريحتها و دخلت لغرفه اخوي و سويت نفس الشي نزلت تريگت ويا امي و ابوي ودعتهم و طلعت
وصلت للكليه شفت آدم نزل من السياره كان اكو شخص ويا اول مره اشوفه شكله جذبني و خلاني اروح لعالم ثاني تهت بعيونه بيهن لمعه غريبه ما صحيت الا على صوت آدم
آدم: الووووو وين صافنه
سدن: هاا هيج ماكو شي شلونك
آدم: امممم تمام و انتي
سدن: تمام.. اكلك ما تعرف شي عن شمس
آدم: قصدج البقره لا اخابرها ما تجاوب اراسلها هم ما تجاوب
لا تخافين تلكيها تفتر بالمطاعم
سدن: ههههه اسكت لا تسمعك
آدم: و ما تسمع شسويلها
و فجأه حسيت ايد انمدت على كتف آدم
رفعت نظري شفت شمس واگفه و تبتسم ابتسامه مال مخابيل و تباوع على آدم🙂
شمس: البقره اجت 🙂
حسيت بوقتها لو اذبح آدم ما الگه بي قطره دم
شكله كان يضحك ما گدرت الزم نفسي بقيت اضحك لحد ما حسيت وگف قلبي
گعدت شمس و اني بعدني اضحك و آدم حسيته ختم القرآن من الخرعه😹😹
و اخيرا هديت و وگفت ضحك
سدن: قلقت عليج وين كنتي و ليش ما كنتي تجاوبين
شمس: اووف اووف😧
آدم و سدن: خير🙁
شمس: عمامي يريدون ياخذوني من امي
آدم و سدن:شنوووو😯
سدن: ذوله صدك يحجون بعد كل هل سنين
شمس: اي بكل عين صلفه مقدمين دعوة على امي بالمحكمه
آدم: حتى يسحبون الحضانه
شمس: اي بحجه ما دا تهتم ببنتنا و دا تشغلها و هي متونسه بحياتها و ماخذه املاك بنتنا
بأختصار يردون ياخذون فلوسي
آدم: ليش بكيفهم انتو لازم توكلون محامي
شمس: محامي الي يهتم بشؤن العائله يگول هم الي يفوزون بالقضيه لان امج ما عندها موعين
آدم: وين اكو هيج حجي شوفي اخويه محامي اذا تردين اخابرله و وكلي هذا محاميكم يبين فاشل
شمس: والله ما ادري😔
سدن: اني صافنه على حجيهم و حاصرتني العبره شلون معقول ياخذون صديقه عمري مني بس من آدم كال اخويه محامي حسيت اكو امل بدون وعي كلت
