هلو 🖐😊
الپارت الثاني من قصه
#ماذا لو💔....
اتمنى يعجبكم😘
************************************
كنت غرگانه بأحلامي الورديه الي هدمها صوت الانذار معلن عن بدأ يوم جديد بحياتي راح تتغير حياتي كليا بعد هذا اليوم لان دخلت لحياه جديده و بدايه جديده لازم بكل ثانيه اخلي التاريخ يشهد على انجازاتي صحصحت من النوم رحت للحمام اخذت شاور و بعدها بدلت حتى اروح للكليه بعد ما خلصت اتصلت بصديقتي الي هي شمس حتى نروح سوه للكليه ما انكر خايفه كلش ما اعرف الزمن شضاملي من اليوم و رايح
خابرتها مره مرتين ما جاوبت ثالث مره جاوبت كان صوتها نعسان يبين اني الي گعدتها هاي البنت ناويه تجلطني
سدن: ولج هاي بعدج ما گاعده
شمس: شنو هل الازعاج من الصبح گعدتيني من احلى حلم
سدن: وكت احلامج كومي بدلي راح نتاخر و بعدين بيش كنتي تحلمين
شمس: كنت احلم بحبيبي يجيني على حصان اسود مثل خلقتج المصخمه يعني بيش كنت احلم و بعدين وين موليه من الصبح
سدن: لا شمس لاا من كل عقلج تحجين غير نولي للكليه ما تكليلي شبي هذا مخج مو البارحله لل١٢ كنه نلغي و نخطط شنسوي
شمس: هااا😯 كليه شنو و ربي نسيت و بعدين شبسرعه خلصت العطله😣 بربج خلي نغلس اليوم ما اريد اداوم 😭😭
سدن: ولج شنغلس صارلنه سبوع ما مداومين ما اريد من البدايه انفصل
شمس: اهووو بدينا بالمنااحه يلا ولي اكوم احضر نفسي و اني اجيج لان بيتج اقرب يلا باااي
سدن: اوك باي
و كل عاده ست شمس دائما متاخره بالنوم ما تشبع هل بنت مره نامت مده يومين يعني ٤٨ ساعه و من گعدت گالت بعدني نعسانه
ورا ما سديته من شمس طلعت من غرفتي و اني دا انزل شفت غرفه اختي و مقابيلها غرفه اخوي دخلت غرفه اختي تخيلتها هي نايمه و فجأه شفت خيالي و اني داخله لغرفتها اصيح حتى تگعد و هي تشمر المخاد عليه بالاخير كبيت المي عليها و صارت تركض وراي و اني رحت ختلت ورا ضهر اخوي كان هسه دا يطلع و دا نتعارك مثل كل يوم و كلعادة امي تصعد و بيديها الچفچير و تركض ورانا و احنا نختل ورا ضهر بابا و بابا يضحك و يكول لامي عوفيهم دا يلعبون و امي تكول كله من وراك انت الي دللتهم صحيت من خيالي و دا اشوف ماكو اختي سريرها مرتب نزلت دمعه من عيني وين كنا و وين صرنا
"""""""""""""""""""""""""""""""""""""""""""
ماذا لو يعود الزمن يا اختي عندها سأصدقك ماذا لو كنتي بجانبي الى الان 💔
"""""""""""""""""""""""""""""""""""""""""""
طلعت من غرفتها و صرت مقابيل باب غرفه اخوي و تخيلته يطلع من غرفته و هو مبتسم و يكلي يلا اني رايح للكليه صحيت على صوت بابا
ابو سدن: يلا بنتي تعالي تريكي
سدن: هسه بابا بصوت مبحوح
رحت تريكت ويا بابا و ماما المقعده بسبب ذاك اليوم المشأوم الي خسرت بي كلشي خسرت سعادتي
