سلاام👋
اخر پارت قصه
ماذا لو❤....
اتمنى تعجبكم
**************************************
آزاد: شكووو
ام آزاد: والله ابني ما ادري
شهد: تعال عيني تعال شوف مرتك
آزاد: شبيها مرتي
آدم: ما بيها شي عوفك من هاي بكيفها تمسلت
سدن: ليش تمسلت خليها تشوفهم ليش يبقون مخدوعين بيها
شمس: سدن شدا تحجين شنو مخدوعين اشو شوفوني
شهد: اي عيني هاج شوفي نفسج بحضن منو
و شوفت الصوره لآزاد و شمس
شمس: آزاد بس خلي افهمك هذا الشخ...
آزاد: لا تحچين و لا كلمه انتي اسوء من سهى لج على الاقل ذيج كالتلي ما اريدك مو مثلج بخضن الف رجال بس شتوقع من وحده اهلها متبرين منها...
شمس: بسسسسسس ما اسمحلك تجيب سيرت شرفي هذا الشخص خطيبته طلبت مساعدتيو اني ساعدتهم فأجه يتشكرني
شهد: يشكرج بحضنه مو اس*** من هيج ما شفت
شمس: كلمن يشوف الناس بعين طبعه
شهد: اا..
سدن: عوفيها شهد شتترجين من وحده اشتغلت بطرق وصخه حتى توكل امها السحاره
شمس: سدن هايانتي هيج تحجين مو وانتي الي كنتي دائما وياي بس مراح اجاوبج لانج ماتستحقين اتعب نفسي علمود وحده ناكره الجميل
آدم: شمس آزاد لا تتهورون و تنهون كلشي خلي شمس تشرحنه
شمس: ما يهمني اذا صدگتوني او لا و مراح اشرح شي عود سألو كيان من يرجع
ام آزاد:بنتي احنا مصدكيج بس اهدي شوي مو آزاد
آزاد: يوم لا تحجين هيج اصلا كلهن هيج اني الاثول الي حبيتج هاي للمره الثانيه اتندم من ورا قلبي
شمس: و اني مو متندمه بس راح يجيك يوم و تتندم على هذا حجيك و مو بس انت و حتى انتي يا سدن بس بوكتها مراح تلكوني
و طلعت شمس من البيت و من حياه آزاد و من حياه الكل و آدم و ام آزاد يركضون وراها بس هي ما كانت تسمع احد غير كلمات سدن و آزاد بس الي كانت مصدومه منه اكثر هي سدن كسرتها بتصرفها...
_________________________________________
آدم:ارتاحيتن مو هسه برد قلبجن الاسود انتي سدن معقوله تنطين بصديقتج و الي المفروض توكفين ضد العالم كله علمودها بس لان يدللوها اكثر منج لانها احسن منج وانتي ست شهد عبالج ما اعرف ليش هيج تصرفتي عبالج تكدرين تستغليني مو
تطلعين برا من بيتي و ما تخليني اشوف خلقتج حتى لو صدفه ما يشرفني استقبل رخاص بحياتي
جرها من ايدها و طلعها برا و هي بس تتوعد اله و لشمس
آدم: مع الاسف عليج و عليك انتو الي خسرتو مو هي بعدين راح تتندمون
و عافهم و طلع ام آزاد بس كانت تبجي و خابرت ابو آزاد و كالتله بس هو كان مسافر و كيان هم و سدن حست بخطئها بس كان الحقد مسيطر عليها
اما شمس راحت لبيتها و رأسا لحضن امها
شمس: يمه صدكهم و ما صدكني
يمه باعوني كلهم
يمه ما غزر شي بيهم ليش الزين هيج منبوذ و بسرعه ينباع
