طلعت من عند الدكتور
واتجهت عند آليا ومنار جلست جنب آليا مسحت على ظهرها
: خلينا نروح الدكتور يقول م فايده نبقى هنا ، نجي بكرا
طالعت فيني منار وقالت
: انتوا روحوا اريد ابقى هنا
ردت عليها آليا
: منار تعالي معي على بيتي نرتاح والصبح نرجع هنا
: روحوا .
.
وبعد اصرار كبير من آليا على منار انها تروح معها على بيتها
رفضت وكانت النتيجه ان آليا بتاخذني على بيتها انام عندها ، رغم كل المشاكل والاحداث اللي صارت اليوم كان فرح يغمرني فرح كبير اني بكون مع آليا ولو ليله وحده بين احضاني كنت مستمتعه كثير مع اني حزنت على منار انها بتكون لوحدها بالمستشفى
#آليا..
اصريت على منار انها ترجع معي على البيت
لكنها م وافقت كل شي سيء صار ليوم انصدمت ان فاليوم نقطه وحده ايجابيه ان ريان بتكون معي الليله اتخيل اني بكون بحضنها تلعب بخصل شعري وتهمس لي كان مجرد التخيل شي حلو'كانت الفكره ماخذه عقلي طول الطريق م قدرت افكر بشي ثاني غيره'
وصلنا على البيت وكانت صدمتي هنا .. شخص ابد مو مرحب فيه رجع بعد غياب طويل ذكر اسمه بس يسبب لي غثيان كنت اطالع فيه وارجع ظراتي لأخواتي اللي على الارض يبكون واضح انه ضربهم اخوي فهد اكثر شخص كان مسبب لنا كابوس من احنا صغار اكره كل تفاصيله كل شي فيه
رجع لي كل ذكريات الماضي لو كان عندي خيار الموت او اني اشوف وجهه بختار الموت بدون شك بلحظه فكرت بكل هذا استوعبت اني جالسه اطالع وجهه سحبت ايد ريان وكنت بطلع الدرج لين وقفني
: هي هي وين؟
لفيت عليه
: نعم؟ خير؟ طالعه لغرفتي !
رد وهو يبتسم
: م ترحبين فينا يا حلوه؟
: اقول فهد تكفى مالي نفس اسوي مشكله اقصر الشر واتركني بحالي
: والله؟ نزلي عيونك بالارض ولسانك قصريه احسن م اقصه
طالعت اخواتي وقلت لهم
: تعالوا معي يلا..
: لوين؟ ﻼ تفكرين نفسك قويه عاد ! ترا اكسر راسك فاهمه؟
: هيه هيه فاهمه
رجعت نظري لأخواتي
: يلا قوموا !
: بسكت لك بس لأن صديقتك معك ولا كان صار شي ثاني صدقيني
طلعت الدرج واخواتي وراي وريان قدامي كان كل شي
مو مثل ما كنت متوقعه ابد نهاية اليوم ما كانت نفسها اللي رسمتها ف مخيلتي
ما كانت الليله نهايتها سعيده ابد
دخلنا غرفتي وكانت ريان لسى بحالة صدمه قفلت الباب
وفوراً سمعت اسئلة ريان بعدها
: من هذا؟
رديت ببرود
: اخوي..
: ليش ضرب اخواتك ؟ ليش امك ساكته؟
: م اعرف ليش ضربهم وامي ما تقول له لا تضرب لأن زوجها هنا اكيد هو قال له اضربهم لسبب وهو نفذ
طالعت بأخواتي كانوا واقفين وجهت سؤالي لرشا
: ليش ضربكم هذاك النذل؟
: صدقيني ما سوينا شي كنت نايمه وريم جنبي الا وانكسر الباب من حيث لا نعلم ! الحين وين بنام؟
: تناموا هنا !
طالعت فيني ريان وبعدها سحبت نظرها عني كان مثل العتاب
مثل ان هذي اول مره هي تجي وما بنكون لوحدنا بس مو بأيدي شي اسويه
قاطعت سلسة افكاري واردفت
: طيب بجيب لكم شي تناموا عليه
#ريان
كان كل شي ف اليوم صدمات حتى فبيت آليا
دخلنا وكان اخوها ف البيت ضارب اخواتها وينتظر يضربها لكن طلع عنده احساس وم ضربها لأن انا عندها مو مهم كل هذا الاهم كيف اتقرب لها واخواتها معي بنفس الغرفه؟ انا انتهيت !..
قاطعتني آليا بدخولها ساعدتها اخلي الفراش لأخواتها
.
.
يتبع..
