اماني-ياسر..🥀
كسرني طغيان أدم
مسائكم حب اسفة تأخرت...😘🌹
بعد ما أنتهى مني ..تمدد يمي واخذني لحضنةخليت ادية علة
وجهي ما أريد اشووفة..گرصني من زندي وگال فتحي عينچ
داحچي وياچ..
بكل حقارة وصلافة يريد اباوع بعيونة واسمع كلامة نزلت
ايدي وهوة يسولف ماادري شنو الموضوع كل الشاغل عقلي
الي اني بي والوجع الي ذابحني الى متى ابقة اتحمل دگ
تلفونة وگام نزلت بسرعة لبست ملابسي وطلعت للحمام
غسلت وجهي صفنت بوجهي بالمراية هااي مو اني هاي
مو مريم..شيسوي بية بعد
ماعرف شصار وشلون مشيت ويا ورجعت للبيت وشوكت
راح حسيت علة نفسي اني بغرفتي لامة رجليه لصدري
وصافنة بعد ماعندي طاقة حتة للتفكير
انفتح الباب دخلوا اخواني وابوية وريم گعدوا يمي يسألوني
شبيچ شمرت نفسي بحضنة ابچي... كافي بعد مااتحمل
والله جاي اموت ..ومحد حااس بية
رفع راسي ولزم وجهي بأدية وعلة وجهة علامات الخوف
من شنوو تأذيتي احچيلي منوو مأذيچ؟؟
بابا حسن..دمرني كلما يشوفني يضربني وبدون سبب
ويعاملني معاملة موو حلووة دنگت راسي ماگدرت اخلي
عيني بعينة واني اتذكر الي ايسوي بية
رفع راسي بأيدة...يمد ايدة عليج وسااكتة؟؟ والله اكسرها اله
..اذا الي معزه عندك عوفك منة وخليك وياي ..
محمد اخوية.. ليش ماحچيتي من البداية
..خفت منة
..تخافين واحنة موجودين..ليش ماعندج اهل ما عندج اخوة
دنگت وبقيت ساكتة شريد احچي وشگول ..بقوا يمي گاعدين
يسولفون ويضحكون ويشاقوني اشوفهم داير مدايري واني
محتمية بيهم عرفت عندي سند وضهر احتمي بي عندي قووة
ماچنت شايفتها
يمكن لو مفكرة شوية بذاك اليوم ومصارحة اهلي بكلشي
صار مچاان وصلت لهناا .. بس الخوف بداخلي مسيطر علية
گومني ابوية من أيدي واخذني للحمام دخلت سبحت وطلعت
واگفلي بالباب مثل كل مرة حضنتة ودموعي بللت دشداشتة
لزمني من ايدي واخذني للغرفة نشف شعري ومشطليا وضفرة
تمدد ونمت علة ايدة .. اريد دموعي توگف شوية ماكووو
جسمي كلة يوجعني واحس بتعب فضيع ماادري من الي
صار اوو هذه وجع گلبي....لو اشتياق 💔
لو نضرة ابوية الية المكسورة وخوفة علية ..اذا عرف بكل
اصار شراح ايسوي وشلون راح اتحمل ..فراغ بداخلي بنفس
الوقت ثگل علة گلبي وصدري ميسمحلي حتة اجر نفس
كلة كوم ولغز الصورة كوم حسن منين يعرف ماهر؟؟
اليوم كله ابوية يمي مرة يمسد علة راسي مرة يشاقيني مرة
يسألني شنو الجرالچ واني مكتفية بالسكوت
ماأعرف شوكت غفيت فتحت عيني الصبح شوية احسن
نفسيتي مرتاحة نزلت يمهم گعدت اتريك
ابوية-اليوم نطلع نتونس شوية
ريم-اي والله الضوووجة فول
ابوية-مادگولين لا
ريم-هااي لو مريم چاان گتلها تدلل اميرتي
أنت تقرأ
كسَرني طغيان أدم
Чиклитلعل طغيانك كان سببآ كي اولد من جديد . . تتعرض للأغتصاب بأبشع الطرق وتترك وحيدة لتواجه مصيرها المجهول
