كسَرني طغيان أدم

أعلان

هل هناك من يسمع أهاتي؟؟

هل يوجد ضوئآ خلف ستار الضلمة هذا؟؟

منقذ يمد يده لينتشل ماتبقى من طغيان ادم؟؟

بسبب طغيانه ونزواته اصبحت لعبة فقدت مستقبلي..واضعت حياتي

وقعت في كابوسآ لا مخرج منه

خذ حبك لا أريده ودعني اعيش دعني الملم

ماتبقى من اشلاء ....روحي

                .....................................

مخلي أيدة عله حلگي وضاغط بكل قوته احس الهوى
ميوصل لجسمي حاولت ازحزح ايده ماگدرت جلمود

وحش مو بشر اشوف المرض والهوس بعيونه وهوه
ينضرلي نضره مريضة حسيت للحضه هاي هيه

خسرت حياتي اعرفة اذا ماصرت الة وسمعت كلامة
مستعد يموتني وميرفله جفن المهم ماصير لغيرة

خانتني دموعي ونزلت صك علة سنونة وگال حرف واحد
اذا طلع منچ هذه ال الله كتبة عليچ سسسمعتي؟؟

هزيت راسي بخووف ومسلمتلة أمري تقرب مني
وجر نفسسس من رگبتي جسمي كلة رجف

بصوت هامس يحچي احبچ وأريدچ والله احبچ
بس انتي ضالمة متحسين ليش متحبيني ليش

لأن أريدچ علة سنة الله ورسوله؟؟ لأن مالعبت عليچ
لو لأن اسكر ترة عاادي هواي يشربون وشنو يعني

يحچي واني صافنة بعيونة وعضام جسمي تطگ طگ
من الخووف

نزل أيدة من حلگي وكأنما سمحلي احچي عود صرت
سباعية وقررت مااسكت

رفعت نفسي وخليت عيني بعينة وگتلة لو تبقة اخررر
شخص بالكوون ما أخذك سمعت

مااحس الة الراچدي خرب ملامح وجهي وحسيت الدنيا
افترت بيا

................ ............... ................

دخلت للغرفة اسحل بالبدلة واحس هموم الدنيا كلها
عله گلبي المفروض اليوم يومي ويكون اسعد يوم ألية

بس أنــــِي احس بنفسي داروح للمشنقه برجلي مااحس
الة الباب انطبگ ودخل هوة وراية من شفتة تمنيت

اركض اطلع من الغرفة ادري بيه مناويلي خير
تقرب مني وسحبني من خصري غمض عيونه

يشتم بشعري ورگبتي وبخدي يسحب نفس وكأنما
أخر انفسة وكأنما يملك كل الدنيا بين ايدة

بس أنــــِي احس هاي ساعات موتي وابشع دقائق
تمر علية

ثواني وصرت أحس بلمساته صارت اقوى نزل
وجهة لرگبتي يبووس بقووة كرهتة وكرهت الساعة
الي انولدت بيهاا

انسان مريض وصرت لعبة بين أيدة

............... .................. ..............

بعد أيام من القلق والخووف والرعب النفسي الي
عشت بي اليوم گعدت العشيرة كلنة واگفين بالمطبخ

نتسمع لأصوات الزلم الي ترج رج بالديوانية
وية كل كلمة تطلع منهم احس روحي تطلع

واحس نهايتي قربت مابقت عندي دموع ابچيها
ولا حتة دعاء مادعيتة سلمت أمري لربي هوه اعلم بحالي

شوية ونسمع اصواتهم علت اكثر وصار صياح مثل
ذيج المرة بيني وبين الأغماء شعرة مادري شلون

گدرت اسيطر علة نفسي وماوگعت ثواني ونفتح الباب
وطلع ابوويه وگف بنص الهول وصاح

ماكو غير حل من اثنين ...لو يصير بحر دم لو ياخذونها فصلية

كسرني طغيان أدم ....اماني ياسر

مساء الخير حبايب قلبي شلونكم
رمضان كريم وينعاد عليكم بالصحة والعافية
ورجعت الكم بقصة جديدة
تختلف عن قصصي
هالمرة القصة بيها قضية هواي شابات
يعانون منهاا وخصوصآ
الصغار بالعمر

انتظروني قريباً

...القصة حقيقة...

❤️❤️❤️❤️