كسَرني طغيان أدم

الأخير

اماني-ياسر
كسرني طغيان أدم
مسائكم خــتام ..🍂
غلسوا ع السحگ بداعة العشره ..

أريدكـِ أن تهمس بأذني..
أريدكـِ أن تلمس يدي..
أريد أن ارتجف من لذة الحُبّ معكـِ ..
أُريد أن نقضي وقتًا طويلاً سويًا..

بوجهه جاد گال ..گومي بدلي وحضريلي الجناسي
من گال هيچ ..نشف الدم بگلبي

غورگت عيوني من ارمش تنزل دموعي
انتبهلي تقرب مبتسم خلة ايده على خدي.. نروح لأربيل عندي
شغل هناك واريدچ وياية

وراح يكمل لبس سحبت نفس ورجعتلي روحي رغم كل
الي شفته منه بس من فكرت راح نفترق ضلمت الدنيا بعيني
حرام كل هذه الحب وبعد كل الشفنا ينتهي هناا..

لميت البيت وتريگنة طلع شوية ورجع اخذني لأهلي سلمت
عليهم والعصر اجو عيالي تعشوا يمنة

ثاني يوم توجهنه للمطار شفت الطيارة وانقبض گلبي كلش
چبيرة وشكلها مرعب صعدت واني رجلية ترجف من الخوف
بس هوه عاادي عندة الموضوع..

ختمت القرأن علما طارت بينه
وصلنة لأربيل وبوجهنه للشقة كلشش حلوة المنطقة نضيفة
ومرتبة وهادءة حتى الهوة يحتلف واحسه نقي

فتح الباب وگال بسرعة حضريلي الحمام
الشقة نضيفة ومرتبة وعطرها شاع ..حضرتله الحمام دخل
سبح ونام بسرعة اني هم سبحت تمدتت وغفيت مادريت

لثاني يوم گعدنة راح للشغل 3 ايام هوة يطلع الصبح يرجع
لليل مليت جايبني يحبسني لو حتى ايصالحني مافهمت؟؟

دخلت للحمام مليت البانيو مي وغسول شكلة مغري والحمام
واسع وتصميمة راقي ..قفلت الباب وتمددت بي يمكن ساعة
واني مغمضه وبعالم ثاني

سمعت صوت الباب انفتح مااهتميت دگ باب الحمام صاحلي
مجاوبتة راح ورجع دگه هم مجاوبت خبص الدنيا بالصياح
واني مغلسه اخر شي دفع الباب كسره..صدمني

من شافني گاعده تحولت نضراته لغضب صاح شبيچ مو
احچي وياج ليش متردين؟؟

سحبت البرنص ولبسته طلعت وكأنما مو موجود
جر أيدي وگال من احچي وياااچ لا تلبسيني وجاوبي

سحبت أيدي ورحت جبتله حزام خليته بأيده ..اضرب يلة
اضرب اغلط وسب..هيني وامسح بكرامتي الأرض بعد
وحتى لو حامل هم اضحي بي فدوووة الك المهم انت
يبرد گلبك ..

انتَ تدري شسويت بيه .. بدال متشيل همي وتساعدني اطلع
من الي اني بي زدت فوگ همي همووم .. شنو من بشر امرك
عجييب..متجاهلني صارلك 4 اشهر هذه بأي حق بأي دين
وشرع وقانون ؟؟ وهسه جاي تريد اجاوبك