مأساه عمري

١

مأساه عمري

انه الباگو بياضه
وضيعو لونه
انه الفوگ الصور
وشل ضوه عيونه
انه الما مل واجيهم
وارد بلا اديهم
انه اليضحك دمع وي چلمه شلونه
☹💔

نضال يله بنياتي كعدو وراكم دوام يله ياامي لتشلعون كلبي خلي اريكم مطول ريوك زاد من عمامكم وابوكم يله اكعدو رشااا سكينه يله زنوبه موده علاوي رضاوي لاتشلعون كلبي عمتي تصيح عليه وراكم مدارس

كعدت رشا صباح الخير امي ليش تصيحين

نضال ياامي متدرين عمتي شلون تصيح تريد تنظيف وطبخ وابوج طلع للشغل ويا عمامج يله يمه كعدي اخوانج هم ياللة وراكم طريق

اوووف هم بيبي شكد تدخل بيج هسه مو نسوان عمامي هناك لو ذني لين ينطن افلوس مصرف الها وابويه اخوانه يتصدقون عليه وماعدنه حالتنه علة كدنه ميردونه

نضال اششش يمه سكتي لادكولين هيج كولي خير من الله ماطول ابوج فوك راسنه والله حافظه واكو سكف فوك راسنه هاي هيه الحمد الله كلشي نتحمل

رشا يمممه متشوفين شلون اني واخواني كلنه بغرفه وانتي وابويه بغرفه وكلساع يجون يحجون علينه علساس ماخذين القصر هيه غرفتين

نضال اش كافي كولي يالله احنا كل يوم نفس سالفه ها ارتاحيتي هاي عمتي ضلت تصيح انزل اشوفها شبيها بس نضال عدها هذنيج محنايات كعدي اخوتج ولحكيني خلي اوكلكم الريوك زاد من عمامج وابوج حتى ترحن

اعرفكم عليه هلو

اني رشا عمري بذاك الوكت ١٥ اني جبيره
ورايه سكينه عمرها ١٤
بعدين علاوي ١٣
بعدين زنوبه ٩
بعدين موده ٨
بعدين رضاوي ٤
بابا عمره ٤٥ اسمه محمد
ماما ٤٠ نضال

ازوجو زواج تقليدي اتصير بت خالته بابا الوسطاني اكو اكبر منه واكو اصغر منه اني الجبيره عايشين بيت جدو جدو وبيبي عايشين عمامي يشتغلون عدهم محلات بسوك وبابا على كد حاله يشتغل وياهم عامل
مدري ليش علاقه جدو وعمامي ويه بابا موهلكد
عمامي يتحكمون بينه بيبي تصيح على ماما بيتنه بل بصره اني صف ثالث متوسط واختي ثاني اعمارنه متقاربه

اكو من عمامي مامزوجين بس ٣ مزوجين وبابا وباقين ٣ مامزوجين عمر وراضي رسول باقين
عمو عمر حيل صديقي عمره ٢٦ سنه بس رسول وراضي اضوج منهم بكلشي مدخلين لاتسوين هيج لاتلبسين هيج واني لبسي عادي كلهذا يسوه حتة يطلعونه من البيت

اني مواصفات حلوة يكولون عليه
طولي ١٥٠ قزومه🤭
شعري طويل للخصر لونه خشبي
عيوني صفر موكلش كبار
خشمي ملائم وجهي
شفايف كبار
انوثتي وجسمي حلو مرتب

كعدت صبح وكعدت خواتي ورحت غسلت وجهي وفرشت اسناني وبدلت اخواني هم نفس شي نزلنه نتريك شفت بيبي

صباح الخير بيبي بست راسها مرات زينه ومرات لااا
بيبي هلا بيكم بيبي هلا
كعدنه بل مطبخ يم امي نتريك وكالت يله روحو مضل وكت

رحنه مشي المدرسه موكلش قريبه مسافه نعبر شارعين العام يله لين المتوسطه شوي تبعد عن الابتدائي اودي اخواني بطريقي
وحاله مزعجه محد يوكفلنه سيارات سريعه دوم اعاني من هاي الحاله من اضل واكفين تفوت يمنه سيارات لو
ايدكون هورنات لو يتحارشون تلعب نفسنه اني واختي

ليش مافديوم عمامي طالعين شافو واحد يدك هورن وياشر عبالهم نعرفه وهمه يردون زله علينه

من رجعنه اخذنه المقسوم اني واختي كالو بعد انخليلكم خط اني امي اسولفلها اكله هيج يصير بشارع
تكول يمه يادوب المصرف الينطوه لبوج مكفينه كلكم مدارس واذا احد تمرض واذا صار شي يمه انتن دنكن
ولاتعبرهم الله كريم

مرت ٣ ايام غايبات من المدرسه واني بكالوريا وشاطره احب دروسي عكس اختي سكينه

جاي نمتحن شهري شلون حاجيت امي كالت ل ابويه جهالج شلون بالمدرسه حتى ذولاك غابو لين محد ياخذهم كال ابوي باجر ايداومون

واني اخذهم ومناك اطلع لشغل نزلنه ابويه صبح كلها كلبت خلقهم والله شنو البنات كبرن ومراهقات ليش متبطلهن هنه مويعرفن يقرن ويكتبن بعد شكو لو اله اينزلن روسنه

ابويه كال اني اخذهن ومناك اطلع للشغل ليش بعد اينزلن روسكم رايحات يقرن طلعنه

كتله بابا بس انودي اخوتي واحنه بس عبرنه شارع بعد ماكو شي احنه مشكلتنه شارع كال لا تخافون بابا اني وياكم

عبرنه شارع و٣ ايام نفس حاله ايودي ويجيب خطيه ضلو يحجون عليه عمامي شنو انته جاي تقصر بشغلك
يارايح ياجاي

كللهم شسوي اخاف على بناتي من شارع العام واني اخذهم محد يوكفلهم لو يعبرهم شلون لعد

عمي عمر كله سعد ليش ماتسجلهن بخط ضل انته رايح راد خلي بناتك بخط والجهال انته صبح بطلعتك شمرهم وهذا علاوي يفتهم خامس ابتدائي يرجع اخوانه بس الاكبار خط
واذا تريد اني اساعدك

كله هاي هيه خلي يشوفن خط قريب لو هذا ابن جيرانه بل فرع الورانه حيدر ياخذ بنات من المنطقه يلمهم وي بنات..

وي فديتكم🥀😍❤
زوزو🙋‍♀️😘