مأساه عمري

٢

ڪــون اشمهم
ڪــون احب اعيونهم
ومسح تعبهم
☹💔

رشا كعدت صبح وجان اليوم جمعه غسلت وبدلت دشاشتي بعد ماذكرت اخر مره عمي جان مامزوج هذا شوي حقنه ونفسيته حامضه مره نزلت بتراك جان ضل يعيط روحي بدلي اهدومج اني جان كلشي مابيهن بس هوة ايريد اي حجه يكرهنه

نزلت وتريكت كمت نضفت ويه امي كالت صعدي اقري عندج امتحان رحت لبت عمي هيه ويايه بس بغير صف او غير شعبه اخذتها وصعدنه نقره اني وياها

• خلص الوكت واحنه نقره والماتفهمه اني اشرحلها لين شاطره واحب المدرسه شوي واجه ابوها ايعيط ويصيح شنو صاعده فوك يمهم كالتله بابا والله اقره كللها صعده بعد ماكو شعدنه انقهرت

قابل ليش شعدنه احنه حتى اخواني اصغار ليش هيج اهلي زينين ابويه الي يحصله نص النه ونص للبيت شايل مصروف البيت ومرات ابجيب لبوه دشاشه شيله لبيبي هليكدر عليه اخوانه كل فتره وضلو يعطون عليه مرات على امي ابوي يسكت يكل ال امي اتحملي لو عندي افلوس اعزل بيج بس شبيدي ابويه ايحب امي ويحبنه بس رجال على كد حاله

• احنه قاتعين وراضين الحمد الله وبعدنه زغار امي عودتنه على القناعه وموكلشي انشوف اريد بس اهل ابويه هواي يدخلون

• مرة اجه عمي بليل اجه لكاني كاعده يم جدو صاحني اسوي جاي وامي تعبانه مالها خلك نزلت

سويلي اكل اكل اني طلعت الزاد من العشا وحميت الكبه الفنكر وطماطه وخضره وكملت كلشي وكتله عمو يله كمل الاكل بس شاف صينيه ركعها بل كاع وضل يصيح نزل بابا وامي والبيت التم والله شنو ليش مامخليه طرشي

• كتله والله عمو خلص ماعدنه هسه اجيبلي طرشي كتله والله خلص جانت الدنيا ليل ابويه كله خويه تعوذ من شيطان دنيا ليل جان اروح ل راس شارع اجيبلك كله لا اله هيه اجيبلي

• امي كالت خويه ماكو منين اجيبلك كام عمي ضرب امي راشدي على وجهة امي نهضمت وضلت تباوع ل ابويه ابويه دنك راسه لين بس يحجي يطلع مو خوش

• صعدت امي لغرفتنه تبجي دك الباب ابويه كلتله بس يصبح الصبح اروح لبيت اهلي اكعد يم امي واخواني مالي ضله

• وصدك ثاني صبح صبح وامي راحت لبيت جدي لمتنه وياها كالت مالي ضله هنا
• ومحد حجه ولا كالو شي عبالك كيفو من زعلت امي ولاجنها هذيج الجانت شايله البيت الهم

رحنه لبيت جدي يم خوالي وبيبي ام امي لين ابوها ميت سولفت امي ل بيبي كلشي بيبي انقهرت بس نرة جبيره مابيدها شي وهنا خوالي مزوجين ونسوانهم وجهالهم يادوب ايركضون على العيشه بس مالت الله خوالي يحبونه ودائما ايدزون مصرف ل امي بسكوت

ايكلولها اخذي خويه هم رجلج رجال فقير وانتي صاحبه بنيات وبنياتج بلمدرسه يحتاجن

امي تاخذهن مدبره تشتري النحتاجه وتضم الباقي هذا مريض هذا محتاج شي الحمد الله هل قاسمه الله شنو

ضلت امي زعلانه فتره بيت اهلها بس متقبل ترجع تكله ل ابويه شوفلي حل مايردونه عبالك منبوذين ليش انته طالع من فطر الحايط انته هم ابنهم وهذا رزقك محدود شبيدنا

• اني مناك من بيت جدي اطلع بلخط للمدرسه اكعد يم صديقاتي مالي شغل بااحد حايرين شلون ابويه ايحل مشاكله شلون امي ترجع شلون ادير بالي على اخوتي شلون اباوع للدروس وافهم تعبت ياربي تعبت شايله حمل ومسؤليه

• كل ماباوع الكه ابو الخط عينه عليه بله اني ناقصته هذا اني وين وانته وين يربي

نزلت للمدرسه وامتحنت وكملنه ادروسنه صارت فرصه البنات ايسولفن شفتي شلون شاب شلون حلو شلون وشلون سالت صديقتي شنو عن منو يحجن ولج يحجن على هذا ابو الخط مالتنه شلون حلو ومرتب وثكيل مجن عمره ٢٣ سنه متهزه اي وحده

ذاك اليوم بان زلغت روحها عليه ماباوع عليها هنيالهة لباوعلها بعينه بل اخير كالت بان اذا ماباوع عليه اشمر نفسي كدام سيارته وابلي

• كتلها يمه عزة ليش تريد تسوي ايجوز الولد ثكيل مؤدب ايحب مو كل واحد موزين ترى اني لهسه مشايفته شلون شكله انتن شبسرعه حفظتنه حفظ

• ضلينه انسولف خلصت الفرصه وخلصت الدروس طلعنه للبيت بس اني كله مدنكه كلت خاف ايسولف ل عمامي شي هاي اني مالي دخل بكل احد ماريد احد ولااحد ايريدني

• نزلت لبيت جدي اهلي ابويه مقبل ابويه نبقة كال كتبكم وغراضكم ليش مهجولين حتى امي ترجع
• مر اسبوعين اني على حالي وامي زعلانه وابوي بشغله نفس وضعنه بس الجديد

• عمي اجه ل ابويه كله اطلع اريد ازوج وماكو مكان اليه وين اخليها ابوي ضل يباوع وين اروح وين

انطي وجهي كله صار خويه بس انطيني مهله
• دور بيت ولكه بس البيت تعبان حيل بي غرفتين

ومطبخ والهول مالته اذا نام بي كبل للسما انباوع مابي سكف وايجاره مناسب لين شوي احسن من الخرابه هوة ابويه راح على امي كللهة امي حيل فرحت كلتله شمايكون نكعد انعدل ونرتب ونطلع من المشاكل خوالي ساعدوها بشكم فلس وهيه باعت حلقتها مال زواج وبيبي من راحت للعمره جابت الها قلاده حلوة وشي على شي على ضامتهن طلع ايجار اول شهر مال حجز البيت صار النه البيت ابويه كال

• اني ماعندي فلوس خلي نسكف الهول بلايلون قوي حتى لا مطر لاشي يدخل للبيت

امي رجعت لبيت جدي بس رجعت اتلم اهدومنه وغراضنه وجانت فرحانه نسوان عمي ٢ يباوعن عليها بحقد والله شنو نضال تعزل ويصير عدها بيت غيره نسوان ومحد ايشيل الحمل الاكبر من تنظيف وترتيب متل امي بيبي طردت امي كالتلها يله طلعي بره ماريدج بيتي

• انقهرنه من بيبي تطرد امي ليش هاي جزاتها هاي تعب وسنين ومرتاحت انقهرت امي وضلت تبجي
• وتلم بل اهدوم والغراض ماعدنه اهواي نهظمت امي منهم وطلعنه من البيت وحتى الله وياكم ماكالولنا ......

^حزنها اكبر من يعالج بل تودد☹💔🕊🕊

وي فديتكم 😍❤🥀
زوزو😘🕊