و شحلاتك من تسولف و إنت تضحك
كلشي ماينفهم منّك
تخجل إنت تريد تسكت وأسكر بطيّات خدّك
بهيدة يا رب الدلال الضحك مالك
بهيدة يالچنّك جمالك
🕊❤🌷
رشا استمرت حياتي واحلى شي بيها حيدر الي معيشني بدلال بحجيه وبصوته نسيت امي الزعلانه ونسيت اني مو بيتنه ونسيت اني بيت جدو ومراقبين شلون تغيرت وشلون بس اضحك وطايره وكل شويه وثانيه اصعد فوك
اذكرت اول اتصال من حاجته ازهار وكالتله ترة مينطوها زغيره وخلصت بل حجي كللهة بس اسمع صوتها واني ارجف وخايفه ورجل طك برجل بس كتله
الو سكت ماحجه وبعدين جاوبني اروح فدوة ونذر لهل صوت اني من غير شي ميت عليج
خجلت وردت خدودي خجل وسديت تلفون ورجع اتصل مره ثانيه واستمرت اتصالنه وصارلنه اسبوعين نحجي وكتله حبيبي بعد هاي هيه عوفني ورجع زوجتك
حيدر هاي هيه التردينه ايصير ماتردين تحجين وياي يله باي
انسد الخط واني احس حتى الهوا انسد يومين ماسامعه صوته اتخربطت وكعت ودوني دكتور كالو هبوط الضغط عدها رجعت للبيت واول مدخلت ركضت على الفون وخابرته كتله اني احبك لا تعوفني وابجي
حيدر هدئي حبيبتي شبيج فهميني شصاير كتله اتخربطت واخذوني دكتور واريدك اني اريدك ماتعوفني كال انتي وين هسه كتله بغرفه ازهار كال ها
حيدر حبي كومي اوكفي على شباك
رشا حياتي بانزعاج ليش اوكف على شباك
حيدر دكومي لخاطري
رشا كمت للشباك واشوفه واكف واني شهكت من الفرحه وضل يوميه يجي اشوفه لين بعطله احنه وعمامي يرجعون من شغل متاخرين
وازهار حاركه روحها من القهر شلون ايحبني حيدر واحبه
كل يوم حيدر يغازلني ويحبني مدللني بكلامه وجان صادق بكلامه وياي
حيدر باعي حبيبتي عندي قطعه ارض راح ابنيها بيت الج وحدج انعيش بي اني وياج ومرتي اطلكها لين طالبه طلاك هيه وادز امي اتخطبج شكلتي
رشا باوع حياتي مال تطلك مرتك وعندك طفله مستحيل اقبل لا خليها وعادي اني قابله هيه بيت اهلك واني بيتي حرام عليك هاي ام بتك تسوي هيج بيها وانته متعلق بطفله لا مااقبل خليها على ذمتك واني راضيه
كللها فدوة الج يم عقل جبير كتله امووت بيك يروحي
مرت شهر على علاقتي ب حيدر واني احلى من العسل عايشه وطايره
رشا جنت كاعده واجت ازهار اكلج رشا اني اهلي خابروني وراح يجون عليه نروح لزياره وتلفون راح اخذه باي كتلها الله وياج
راحت ازهار واجه ابويه ورا يومين كال امج رجعت وتريدج وتكول اذا ماتجي اني اجيها ضليت ابجي كتله ماروح كال امشي اكلج لين هاي اول مره احب بيت جدي
لميت اهدومي وسلمت عليهم وطلعت رجعت ل امي اسولف وتضحك
رشا ورا اسبوع العصريه جنه كاعدين واجه عمي رجل ازهار صاحني بيتنه كال رشااااا اجيت اركض ها عمو
كال منو حيدر ضليت مصدومه كتله هاا ااا منو تقصد
جاب بت عمي ثانيه وبدو يحققون ويانه بعدين كتلهم اي اعرفه واحبه وراح يخطبني اجمعت عمامي واجمعت خوالي وجدو
جدو كال على كص ركبتي انطيج لهذا كو****
كال سمعي لج مدرسه تبطلين بس مو هسه من تخلص الامتحانات حتى لحد يشك بشي
ضليت ابجي احب الدراسه ثاني يوم رحنه للمدرسه بس اني جنت معطله مال وزاري وهوة عنده خط مال غير صفوف
نزلو عمامي ٢ وخوالي٢ وجدو هو اول ماشافنه خزرني عباله جايبتهم عليه نزلو عليه وتعاركو وضربو بعينه هو ماسوة شي
حيدر كال ترى اني مامسوي شي ترى احبها واريدها والعصر ادز اهلي نخطب
جدو انخبص وكال اسمعني لك كو*** متتقرب وتاخذ هاي ساقطه واذا اجيتو اخر يوم بعمركم انته وياها المسدس براسك وبراسها
رشا اني امبقيني بسياره اسمع قليل بس الحدث كدامي
طلعنه وانتهى هوانه اهنا بس اني احبه اريده اني جان تلفون امي بيدي ٢٤ ساعه ليش رحت ل ازهار شلون درو مدري
اجت الامتحانات وامتحنت ونجحت وطلعت معدل حلو بس شنوفايده بطلت
وبيوم خابرت على عمو هذا كلش احبه صديقي اسمه مؤمل عمره ٢٦ سنه علاقتي بي اقوى من الاصدقاء هوة يشتغل بغير محافظه سولفتله كلشي
مؤمل رشا ليش مكتيلي من البدايه ليش هيج اضمين عليه بس اوعدج اني الاوكفلج واساعدج واخليج تاخذب انتضريني بعد يومين اجي فرحت وكلت هاي هيه
رشا خلصت اليومين ومؤمل راح يجي فرحانه نايمه بليوم راح يجي بي صبح سمعت ابويه يحاجي امي ولج الحكي مؤمل كتلو وطلع يركض امي سمعت هيج لبست عبايتها وطلعت تركض وراه
اني انصدمت ضليت اباوع شنو كتلو شنو يعني مات لا مستحيل مؤمل يعوفني وعدني هوة
مصدكت لبست ورحت لبيت جدي حتى اتاكد بلكت عايش بلكت طبيت ولكيت بيبي تصارخ وتبجي لين عمي زغير هذا
اني انهاريت ضليت ابجي واصرخ لحد ماصوتي اختفه وتخربطت بلكاع كعدوني واني صافنه هنا شاقينه هنا ضحكنه هنا جنه حتى نلعب وهنا وهنا
اختنكت حيل خابرت خالو زغير صاحب مؤمل حيل ويحبني على حب مؤمل ايكلي تعاي انتي من ريحه مهند كتله خالو تعال بسرعه اخذني البيتكم اني تعبت
اخذني لبيتهم واعتكفت هناك على ذكراه عمي وصديقي بعد ماعندي احد خسرت كلشي علة متخلص الفاتحه تجي امي تاخذني عشت اسوء فتره بحياتي ومنا ونسيت حيدر وانطوت صفحتنه وكلت مستحيل ننجمع بعد لهنا وبس حتى راد عمي يقنعهم واخذه ماات وعافني ...
وي فديتكم❤😘🥀
زوزو🕊😍
