مابين العهد وإلياس

THE END.

كانت تستهبل عليهم بس هالمره الدور عليها كل البنات مجتمعين حولها حتى العروسات الباقيات جو عندها والي يبكي والي يضحك والي يطقطق لين جاء الوقت الموعود وبعد ما انزفوا كلهم مابقي الا هي وكل ماانزفت وحده منهم تحس بتوتر دخل بهدوء قرب منها وهو يضمها واخوانها معاه بدر بعده عنها وحضنها بقوه :لاتنسيني ترا انا ولدك ها
عهد حضنته وهي ماسكه دمعتها :انسى نفسي ولا انساك بدروه انتبه لنفسك صدقني بكون جنبك وقريبه منك ولاتنسى ان بيتنا ملاصق لبيت جدي غير شروط جدي الي بيقولها بعد شهر ها وبعدين شهالكشخه لخبطت بينك وبين وليد وبعدين انت ليه مارحت معا امل بعد زفتكم
وليد قرب منها وحضنها:لاني ابغى اكون جنبك بهاللحظه وهي معاليها خوف باقي في غرفتها يلا انزفي وبكرا العصر عند الجد بنشوفك العصر وبعدها كل واحد بيسافر لمكانه
وفهد قرب منها وحضنها بقوه وهو يحصنها ويدعي لها وعبد الرحمن زيه وباس راسها بهدوء
قطع عليهم :هيه خلاص خلوني انزف مع حبيبتي اذلفوا يلا تراكم طولتوا لو تختي متزوجه واحد فيكم كان ناشبتكم يلا اذلفوا
عهد دوروها ماتلقوها من الحياء انزفوا بهدوء وما ان وصلوا للكوشه (مقعد العروسه والعريس)ناظر عيونها بهدوء وابتسم وقرب من اذنها بهمس في عيونك ضاعت مفاهيم الغرام ومارضي يخلي احد يسوق فيهم ساق بنفسه وساعدها ونزلها ونزلوا والباقي تعرفوه ........
بعد خمس سنوات :
امل تبكي بنعومه:وليد ولدك مسخن قوم تكفى
وليد قام وكالعاده امل حساسه تبكي على اي شيء يصير لولدها وحيدها جسار ويقوم وليد بهدوء قرب منه وحط له كمادات وهو ماسك يدها معاه ويهديها وجلس سهران معاها ومعه للصباح ونزلوا للجد
(امل ووليد وجسار)
_
نسيم وهي تجري ورا عيالها قرب منها واحد وباسها في خدها :ياحلوك ياماما
نسيم وهي تخز بسام :لا واضح على مين طالع هالولد خالدوه اعقل انت وابوك يازين احمد بس
بسام وهو يضحك:خليه امس يقول لي يحب بنت سلطان
نسيم بضحكه:لا وبعد يفضفضلك ولا وصلحتوا سوا
وراحوا لبيت الجد
(بسام ونسيم واحمد وخالد)
_
سلطان واسيل
اسيل بهدوء قربت منه وهي تمسح على شعر بنتها وحطت بنتها في حضنه وتعدله ازارير بلوزته والكاب سلطان ابتسم وهو يبوس يدها:يلا نروح لبيت جدي
اسيل ابتسمت وهي تشيل بنتها رسيل وتلبس عبايتها وتطلع لبيت الجد كالعاده كل جمعه من الصبح عند جدهم
(سلطان اسيل رسيل)
_
جواد ورهف
قرب منها وهو يوقفها ويحاوط ضهرها ويسندها ناظرها ببتسامه :يوه يارهف شكلنا مقبلين على ولادتك ناظرته ببتسامه وتعب لبسها عبايتها وشال شنطتها وولدهم طلال ودخله السياره ابتسم بحب لها البنت وحضن يدها بهدوء وكان الهدوء يعم السياره لان طلال نايم لين وصلوا بيت الجد
(جواد ورهف وطلال والطفل القادم )
_
مهند وجود:
عند مهند قرب ببتسامه وهو يبوس راسها :يلا بسرعه جدي داق يقول خلال نص ساعه يكون الكل متجمع عندي وبدون نقص قامت تجهزت وطلعت
(مهند وجود وحامل )
_
عند عبد الرحمن قرب منها بهدوء وهي سرحانه:
عيون دحوم شفيها سرحانه ناظرت ببتسامه باردة حضنها بهدوء :ربي بيرزقنا وانا متأكد يلا طيري تجهزي جدي ينتظر هناك الكل وصل
(عبد الرحمن واثير والطفل الي مايدروا عنه بيجي )
_
فهد وهند :
فهد بتعب من بنته :يلا يابابا نلبس الفستان
بنته الهام :لالا لونه وردي وم ابغى فستان حق البنات فهد بطفش من بنته الي طلعت عيونه :هند تعالي شوفي بنتك مارضيت تلبسه
هند ضحكت:تعالي ياماما البسي فستان شوفي ماما لبست فستان ماما شاطره هيم مو شاطره الهام نطت لها ولبسوها وطلعوا وهم يضحكواعلى هالبنت
(فهد هند الهام)
_
الياس وعهد :
قرب منها بهدوء وهي نايمه وحط التوأم فوقها وقرب منها وهو يبتسم وهزها بهدوء وبهمس :عهد يلا بسرعه جهزت التؤام بس نطي البسي عهد فتحت عيونها وهي تضم توأمها لها وقربت منه وحبت راسه وطارت بدلت وطلعوا (الياس عهد ميس وليث)
_
نبيل وخلود:
مابين صراعاتهم وزعلهم من بعض هذي الفتره وانهم يكابروا خذت ولدها أنس جهزته بهدوء وهي حاسه بضيق لهم أكثر من ثلاث ايام مايكلمها ولاتكلمه وماتشوفه الا لما ينام تنهدت بضيق لاإرادياً بدت تنزل دموعها لين حست ب احد يحضنها قرب منها بهدوء وبصوت هادئ:أسف
صدت عنه بهدوء وهي تمسح دموعها واخذت ولدها وهي تعطره وتجهزه ناظرها بضيق:لين متى كم مرا اعتذرت ياخلود والله تعبت وقرب منها بهمس وتعب باين بصوته مرا ثانيه :انا تعبت والله تعبت انا تعبان ياخلود والله ناظرته بألم على حاله الي صدق مبين تعبان رحمته بهدوء قربت منه وهي تجلسه ناظرته بألم :احلف م تعيدها نبيل انا خفت والله خفت
ابتسم بهدوء:والله مااعيدها ولااتأخر واقفل جوالي بس تكفين سامحيني ابتسمت بهدوء:انا سامحتك
حضنها بفرح :شرايك نطلع نتمشى سوا ونسحب
خلود بهدوء ابتسمت:لالا حرام من زمان م تجمعنا
نبيل ابتسم :انتظركم برا
وذي حياة خلود الحساسه (نبيل وخلود وانس)