ابطفي نار انفاسي على خدك وابرمي غصنك الفتان في حضني/منقولة

البارت الثاني

البارت الثانــــــــــــي..

ياللي تبوس الطفل وعيوني تشوف
وش حلل التبوس بخدود الأطفال؟؟
تبوس لك طفل بكى منك مكسوف
واللي بكى لك شوق ماهو على البال!!
تعال بوسني لعب فيني الخوف
خوف الفراق وهم تحطيم الامال

اول ماطلعت لبراء طاحت عيونها على طفل في

عمر الاربع سنوات تقريبا وعيونها مركزه بعيونه

ماتدري ليش قلبها تحرك بعنف بلعت ريقها

بصعوبه وهي تقرب منه وفي بالها مستحيل ..

اكيد مجرد شبه..اول ماصارت قبال الطفل نزلت

لمستواه وعلى فمها ابتسامه مصطنعه..

وبتردد: اش اسمك حبيبي..؟

رفع ايده بشقاوه ..وبصوت عالي:انا باســــل

البطل..

ابتسمت بتوتر وهي تشوف انو الشبه كبير

خاصه والطفل قريب منها..

قربت منه عشان تبوسه واول ماصارت شفايفها

على خده..غمضت عيونها بقوه وهي تشم ريحته

اهـــو هذي ريحته اللي مستحيل تنساها

باسته برجفه ورجعت اطالع في عيونه واصابعها

تمر على حواجبه بنعومه..

نزلت ايدنها ليدينه وحضنتهم بين ايدينها ورجعت

نظراتها على وجهه وبصوت متقطع:باسل منو

بابا..؟

تصلبت مكانها وهي تسمع الصوت اللي وراها

بالضبط..

الصوت اللي ياما حلمت فيه وياما حاولت تنساها

بس ماقدرت.

ياللي تبوس الطفل وعيوني تشوف
وش حلل التبوس بخدود الأطفال؟؟
تبوس لك طفل بكى منك مكسوف
واللي بكى لك شوق ماهو على البال!!
تعال بوسني لعب فيني الخوف
خوف الفراق وهم تحطيم الامال

.وبجمود وصوت ثابت:ولـــد ذيـــاب

الناشي.يـــا...ولا بلاهـــا احســن..!!

اول ماسمع سوالها لولده قرب منهم ماقدر يتحمل

وهو يشوف المنظر اللي قدامه..

تعمد اهو اللي يجاوب سؤالها..

حلا طاح عليهاكلام ذياب مثل السوط اللي ظرب قلبها..

ضغطت على ايد باسل بقوه بدون لاتحس والدموع

متجمعه بعيونها..

ماتبي احد يشوف ضعفها وخاصه بعد هالسنين

كلها..يكفي العذاب اللي عاشته ..