احببت قاتل...نورا عوض

معرفة مها حقيقة مازن والخوف م مازن

البارت٢٤
بليل ف قصر البنهاوي
مها قاعده ع الارض بتعيط ع اخرها ف الاوضه بتاعتها م العذاب اللي شافته
الداده مروه بحزن انا اسفه ي بنتي مش قدرت اعملك حاجه غصب عني ي بنتي والله انا مش عارفه مازن جاب القسوه دي منين غصب عني ي بنتي بس ي قلبي بلاش عياط خليكي قويه لو فضلتي ضعيفه مازن هيدوسك اجمدي ي بنتي كدا
مها بتشهق وتعيط ع اخرها
الداده مروه بس ي بنتي ونبي بلاش تقطعي قلبي قومي اغسلي وشك واتوضي صلي ي اما تاخدي شاور دافي انا هروح اجهز الحمام عشان جسمك يرتاح وهجيب المرهم ادهن جسمك عشان الكدمات دي
مها بعياط مش قادره ي داده انا عاوزه امشي م هنا مش عاوزه اعيش معاه
الداده مروه طب اهدي بس ي حبتتي مازن طيب والله بس اللي شافه مش قليل بردو
مها بعياط طب انا ذنبي اي ي داده عملت اي
الداده مروه مش ليكي ذنب ي حببتي بس انتي حظك وقعك ف ايد مازن البنهاوي
مها دا قاتل ومهرب اثار بلدي
الداده مروه عارفه ي بنتي مازن بدا حياته بالقتل اتكفله واحد م زعماء المافيا ورباه لحد ما كبر قتل كتير وهرب اثار كتير لما بقا معاه فلوس اسس الشركة دي وانا كنت معاه م وهو عنده ١٥ سنه وفضلت معاه واستقال م شغل المافيا واشتغل ف تهريب الاثار ودخل الوسط بتاع رجال الأعمال انا حاسه ان مازن هيتغير ع ايدك ي مها ارجوكي ي بنتي حاولي تصلحيه قبل ما يفوت الاوان مازن طيب والله بس محتاج حضن حنين يدفيه يحب م قلبه غيريه ي مها
مها انا بكره ي داده
الداده مروه ي بنتي اجمدي انتي خلاص اتجوزتيه ومازن مستحيل يسيبك الا بطلوع الروح فا لازم تباني قويه قدامه
مها بضعف حاضر ي داده
الداده مروه انا هجهزلك الحمام
مها تمام ي داده
بعد شويه
الداده مروه الحمام جاهز ي مها
مها بتاوه قايمه اهو وأول اما قامت وقعت
الداده مروه بسم الله الرحمن الرحيم ع مهلك ي بنتي
مها بدموع جسمي تعبني اوي
الداده مروه تعالي ي بنتي انا هسندك
وسندت مها لحد ما دخلتها الحمام وساعدتها ف قلع هدومها وقعدتها ف المايه السخنه نسبيا عشان جسمها يرتاح بعد نص ساعه
الداده مروه يلا ي مها عشان تلبسي هدومك
مها سبيني ف المايه شويه ي داده جسمي تعبني اوي
الداده مروه طيب هسيبك كمان خمس دقايق انا بعت جبتلك حقنه مسكنه للألم عشان ترتاحي لما أغمى عليكي الدكتور جه وشافك وكتبلك ع حقنه ومرهم وانا هديكي الحقنه وهترتاحي بعد شويه
مها تمام ي داده
تاني يوم
ف فيلا الاسيوطي
اسد صباح الخير ي احلى ماما
مياده صباح النور ي اسد
اسد اخبارك اي
مياده الحمدلله
اسد هنعزم مها ومازن النهارده ع الغدا تمام
مياده تمام اتصل بيهم ي اسد
اسد رنيت ع مها الفون بتاعها مقفول
مياده رن ع مازن
اسد مش معايا رقمه
جوري انا معايا رقمه
اسد طب تمام هاتيه
جوري امسك
اسد تمام واتصل بمازن
اسد الوو سلام عليكم
مازن وعليكم السلام مين
اسد ازيك ي مازن
مازن الحمدلله مين
اسد انا اسد الاسيوطي ي مازن اخو مراتك
مازن جذ ع سنانه وقال اه اهلا وسهلا اذيك ي اسد
اسد الحمدلله ي حبيبي بقولك ي مازن
مازن خير ي اسد ف حاجه
اسد احنا بنتمنى يعني انك تقبل بعزومتنا ع الغدا النهارده
مازن دا يسعدني والله ي اسد بس
اسد ف اي
مازن ابدا والله بس انا عندي شغل جامد الاسبوعين دول ومش هبقا فاضي انت عارف اني سبت الشركة اسبوع وانا لازم أعوض الإهمال اللي عملته انت عارف بقا لانك رجل اعمال زي
اسد تمام تقدر تبعت مها
مازن هاه لا مها مش هينفع خالص خليها لما أكون معاها عشان تبقا عيبه ف حقي ان مراتي تزور اهلها لوحدها م غيري وهيا لسه عروسه لازم أكون معاها ع العموم يوم الجمعه اللي بعد الجايه انا وهيا هنقضي اليوم معاكم م الصبح لبليل
اسد بفرح تمام
مازن اسيبك دلوقتي بقا عشان ورايا شغل مهم جدا
اسد تمام مع السلامه
مازن الله يسلمك
مياده ها يابني قالك اي
اسد قالي انو مش فاضي ومش هينفع يبعت مها لوحدها بيقول تبقا عيبه ف حقه ان بعتها لوحدها وهيا لسه عروسه وقالي ان هو يوم الجمعه اللي بعد الجايه هيقضي اليوم معانا
مياده انا قلبي مش مطمن
اسد ولا انا
احمد ف اي ي جماعه
اسد حكالو المكالمه
احمد ربنا يستر
مياده يارب
جوري انتو قلقانين ليه دا مازن سكره دا بيعامل اختي احسن معامله
احمد رفع حاجبه وقال انتي كدا قلقتيني اكتر انا خايف لا يكون دا الهدوء اللي قبل العاصفه
مياده ربنا يستر
ف قصر البنهاوي
مازن بص لمها وهيا م غير هدوم وهيا قاعده تعيط م ظلم مازن ليها وشدها م شعرها بقا اهلك قال اي عاوزين يعزموني ع الغدا بقولك اي عارفه لو جبتي سيره لحد اني مديت ايدي عليكي الفتره دي انا هعمل فيكي اسوا م اللي عملتو امبارح وأظنك مش محتاج افكر باللي عملتو سامعه ولا ما انتي مش سامعه وضربها بالقلم جامد
مها بعياط وصوت متقطع س-سام-عه
مازن ايوا كدا قومي بقا ارقصيلي جتك القرف انتي وعيلتك بوظتو مزاجي قومي ظبطي مزاجي
مها بدموع انا تعبانه جسمي وجعني
مازن ضربها وشدها م شعرها بتقولي اي سمعيني كدا الا انا مش بسمع قومي اخلصي
مها بدموع حاضر
مازن بغضب يلا
مها قامت وهيا تعبانه وبتدعي ان ربنا ينجيها م ظلم مازن ورقصت وحست بدوخه ووقفت
مازن بغب وقفتي ليه ما تكملي
مها حاسه اني دايخه
مازن شدها م شعرها بصي بقا ي روح امك موضوع دايخه وتعبانه دا مش عاوزه انتي سامعه
مها بوجع حاضر
مازن حضرلك الخير جهزي نفسك بليل ولف دراعها ورا ظهرها وضغط جامد عليها وقالها عارفه لو مزاجي مش اتظبط و قولتي تعبانه هعمل فيكي اي هوريكي العذاب الوان هخليكي تندمي انك اتخلقتي انتي سامعه
مها ح-حاضر
مازن سابها ودخل اخد شاور ولبس وخرج
ف مكان هادي مازن متعود يروح ليه كل اما يبقا مضايق
مازن قاعد سرحان وافتكر الماضي
فلاش باك
ف المحكمة
القاضي حكمة المحكمة حضوريا ع المتهم امجد البنهاوي بالسجن خمس عشر عام مع الشغل
امجد انا مظلوم والله مظلوم حسبنا الله ونعم الوكيل
مازن بدموع بابا ي بابا مش تسبني لوحدي ي بابا
امجد خدي بالك م اسد ي هناء ادعيلي ي هناء
هناء بدموع حسبنا الله ونعم الوكيل ف خالد الاسيوطي وأخوه احمد
مازن بابا هما وخدينك ع فين ي بابا
الشاويش يلا ي متهم قدامي انت هتقعد تلكلك دي محكمة مش كافيه ابوك
امجد بحزن حاضر
مازن بدموع بيجري وراه ي بابا مش تسبني انا محتاجك اوي ي بابا ي بابا مش تسبني
هناء تعالى ي مازن تعالى يابني
مازن ماسك ف امجد بابا مش تسبني ي بابا
امجد باي ي ابني اشوف وشك بخير
مازن بدموع ي بابا
قطع تفكير مازن مكالمة م محمد
مسح مازن دموعه
مازن بصرامه الو
محمد ايوا ي مازن
مازن خير ي محمد
محمد مستر جاك وصل القاهره
مازن تمام قولو اني هشوفو كمان ساعه
محمد تمام بس انت هتسيب عروستك وتيجي
مازن بغضب ما تولع ولا تتحرق بجاز وسخ هيا كمان
محمد اهدى كدا ي صحبي بلاش العصبيه وبلاش تتنرفز ع البنت مش ليها ذنب
مازن ذنبها انها بنت احمد الاسيوطي
محمد طب ابوها غلط هيا مالها صفي حسابك معاه
مازن بغضب لازم ادوقه المر اللي شفته لازم أخليه يتمنى الموت ومش يطولو
محمد تنهد طب واخرتها ي مازن واخرتها
مازن هشفي غليلي
محمد تفتكر انك لما تعذب واحده ضعيفه تستاهل ان يتقال عليك راجل
مازن بصوت متحشرج وغاضب انا راجل غصب عنك وعنها ي محمد
محمد الراجل مش بيستقوى ع ست ضعيفه ي ميزو عاوز تاخد حقك خده م ابوها واخوها بلاش هيا مها طيبه وغليانه ي مازن
مازن بغضب سلام ي محمد بلغ مستر جاك اني هقابله كمان ساعه
محمد انت شاطر ف انك تتوه ف الموضوع
مازن سلام
محمد سلام
بعد مرور ساعه ف الفندق
مازن هالو مستر جاك هالو انسه جيسكا
جاك هالو مستر مازن
جيسكا هالو مستر مازن
مازن اتفضلو اقعدو
جاك اوك مستر مازن
مازن نخش ف الموضوع بقا
جاك اوك مستر مازن
مازن اول الشهر هيتم نقل التمثال انا هحط التمثال المزيف هو اللي هيتنقل والتمثال الحقيقي هتخدوه وهتخرجوه بمعرفتكم وانا هدبر سرقة التمثال المزيف عشان الحكومة مش تشك فينا
جاك اوك مستر مازن اوك
مازن التسليم هيبقى ف فيلا المنيل
جاك اوك مستر مازن
مازن التمثال هيخرج م مصر قبل ما جريمة السرقة تحصل
جاك ازاي مستر مازن
مازن انا هخلي حد يبدل التمثال قبل نقله بيومين
انتو ناخده التمثال تخرجوه م البلد وتخرجو قبل السرقه بيوم
جاك اوك مستر مازن اوك
مازن اوك سلام دلوقتي
ومشى مازن وهو بيفكر
مازن.....
ي ترى بيفكر ف اي
بتمنى يعجبكم
نورا عوض💜