وصحيت مريم علي رنة تليفونها.....
اترددت جدا مريم وعنيها دمعت ورفضت ترد.. بس المكالمات كانت كتير.. فاضطرت انها ترد عشان تريح نفسها...
مريم:الو
عمر:كل دا مبترديش عليا يا حبيبتي
مريم:حبيبتك؟والله
عمر :اه طبعا حبيبتي امال ايه يعني
مريم :انت تخرس خالص
عمر:ايه دا انتي بتتكلمي كدا ليه
مريم:انت ازبل انسان عرفته
عمر:احترمي نفسك هو فيه واحده تكلم جوزها كدا بردو!
مريم:جوزي!!!!
عمر:اها جوزك ايه بتنكري ولا إيه!!
مريم:اها طبعا بنكر تعرف تثبت اني مراتك! ؟
عمر:انا مماضيكي علي جواز ياقطه!.
مريم:هههه صحابي ربنا يخليهوملي خادوهم وانت زي الاهبل كنت ناسيهم
عمر:يابنتلللل
مريم:بقولك ايه متغلطتش والاحسن انك مترنش عليا تاني ابدا وانساني لاني مبقتش فكراك اصلا ومبكرهش قدك
عمر:الي يخليني افتكرك بقا ياحلوه اني معايا صور ليكي ومسجل كل مكالماتنا فيديو وشعرك الحلو دا وكمان الشات الي بنا واظن ان امك واخوكي هيفرحو ببنتهم اوي
مريم :انت ازبل حد عرفته يازباله ياحيوان بكرهك بكرهك..
وقفلت مريم السكه فوشه وفضلت تفكر ياتري هتعمل ايه معاه.. فكرت انها ترن علي حد من اصحابها بس هما فلمدرسه... فقررت تستني لحد مايخلصو ......
عند المدرسه.....
انهوا الطلبات اليوم الدراسي وكانت ايه مقلقه من الموعد دا بس اسماء شجعتها وقالها متخفش ومتنساش الي قالت عليه الاول تساله قبل مايتعصب ومتعرفش تكلمه... فوافقت ايه وذهبت لمقابلة احمد بينما ذهبت علياء وأسماء وليلي الي البيت....
ايه راحت تقابل احمد ولقته مستنيها فلمعاد بلظبط وركبت العربيه احمد كان لسه هيتحرك فطلبت منه انهم يتكلمو فلعربيه...
احمد:خير فيه ايه بقا
ايه:الاول عاوزه اسالك سؤال هو عمر عايش لوحده كدا عادي اصل انا ملاحظه انه عايش لوحده ومقضيها وعادي.
احمد:لا طبعا مش لوحده معاه ابوه وامه
ايه:بس
احمد:اه
ايه:يعني معندوش اخوات
احمد:لا ليه فيه ايه
ايه:مفيش مجرد سؤال
احمد:ماشي
ايه:انت بتحبني
احمد:اها اكيد يا حبيبتي
ايه:انا عاوزه اقولك انك هتبقي اب
احمد:ينهار اسود انتي بتقولي ايه
ايه:اسود عشان حامل يا احمد
احمد:انتي مفكره نفسك متجوزه بحق وحقيقي واهلك عارفين وهيفرحو وعايشالي دور الام.
ايه:امال انت مش هتيجي تتجوزني.
أحمد :وماله جوازنا دا
ايه:اولا دا مش جواز الجواز اساسه الاشهار والشهدود ودول مكنوش موجودين ثانيا ابننا الي فبطني دا هنعمل فيه ايه ..
احمد:احنا فنيتنا جواز يبقي خلاص وبعدين حماية ابننا دي بسيطه.
ايه:يعني ايه بسيطه
احمد:يعني هننزله
ايه:ننزله!!!!
احمد:اها ننزله فيها ايه
ايه:ليه انت مش ناوي تتجوزني
احمد:معلش انا ايه يضمني انه ابني!
ايه:نعم يا اخويا انت هتستهبل
شدها احمد من شعرها وقال:متطوليش لسانك لادفنك هنا
ايه:سيبني سيبني
وفضلت تعافر معاه لحد ماسابها...وفضلت تعيط
احمد:انتي لازم تنزليه ومتلبسنيش مصيبه مش بتاعتي
ايه:والله ابنك والله ابنك انت لازم تتجوزني والا هتفضح
احمد: اتجوز واحده جت معايا البيت ليه شايفاني مش راجل ولا ايه
ايه:والرجوله انك تخلي بيا
احمد:كله بمزاجك ياقطه
ايه:قد ايه انت زباله
احمد شدها ونزلها من العربيه ورماها فلشارع ومشي بعربيته..... وايه روحت البيت منهاره من العياط....
وبعد ما روحت ايه بيتها فضلت تعيط كتير جداا...وفجاءه سمعت صوت رنة تليفونها وفتحت التليفون وردت
ايه:الو
اسماء:مال صوتك
ايه:مفيش
اسماء:مفيش ايه انتي كنتي بتعيطي
ايه بداء تعيط اكتر
اسماء:اهدي طيب وفهميني ايه حصل
حكتلها ايه كل الي حصل معاها ومع احمد وانه كمان ضربها...
اسماء:الحيوان بيضربك كمان... ياما حذرتك يا ايه...
ايه:انا كدا اتفضحت
اسماء:طب مش امتي معاكي ورقه تقدري علي الاقل تثبتي بيها
ايه: انا ورقتي ضاعت
اسماء:ضاعت ازااااي!!!!
ايه:اصل اصل...
اسماء:اصل ايه متنطقي
ايه:احنا كنا مسافرين اسبوع الاسبوع الي غبت فيه من المدرسه ولما رجعت ملقتهاش وقولتله قالي مش مهم
اسماء:اكيد هو الي خدها انتي ازاي مفكرتيش فلاحتمال دا
ايه:مش عارفه
أسماء :هو ملوش كبير يعني ؟؟
ايه:ليه اخ محامي اكبر منه وابوه وامه مسافرين
أسماء :يعني اخوه دا زيه ولا ايه
ايه:كان مره مكلمني عليه وقالي انه خنيق وعلي طول قافش عليه فاكيد مش زيه
اسماء:بس احنا اكيد مش هينفع نروحله البيت انتي معكيش عنوان مكتبه..
ايه: لا للاسف هحاول ادور علي الفيس هو اكيد عند احمد فلاصدقاء هشوف واقولك
اسماء: طب وعمر عملتي ايه فلي قولتلك عليه
ايه:طلع عايش مع ابوه وامه بس ومعندوش اي اخوات
اسماء:الحيوااان
ايه:ايه حصل
أسماء :مفهم مريم انه عنده اخ واخت وابوه وامه مسافرين ..علي ماتشوفي العنوان هقفل اشوف مريم عشان بترن.... سلام
ايه:سلام
...............
مريم:الو
أسماء :مال صوتك اناي كمان
مريم:الحيوان دا كلمني وبيهددني بصوري ومسجل مكلماتنا وبيقول انه هيواريها لاخويا وماما وكمان الشات بتاعنا
وبداءت مريم تعيط اكتر :انا مش عارفه انا هعمل ايه
اسماء:اهدي بس يا مريم اكيد فيه حل..صحيح البيه دا معندوش لا اخ ولا اخت وعايش مع ابوه وامه بس
مريم:طب والعمل
اسماء:انتي معكيش رقم البنت الي رنت عليكي
مريم :لا مش معايا
اسماء:طب سيبيني افكر ومترديش عليه علي مانشوف ايه هي كمان...
مريم :ليه مالها
اسماء حكت لمريم كل حاجه فلمكالمه مع ايه.
مريم:ربنا معاها ويصبرها هي الي وقعتنا فلورطه دي كلها انا لاكنت اعرف فيس ولا نيله وازاي انا مكنش عندي دماغ ازاي واحد مشوفتوش قبل كدا اتكلم معاه لا واحبه وابعت صوري ونتكلم فيديو والمصيبه الاكبر اامنله واروح معاه البيت لو انتو مكنتوش جيتو كان حصلي ايه؟؟؟؟؟
اسماء:مش مهم دلوقتي المهم دلوقتي انك تنامي وترتاحي عشان المدرسه الصبح والجرح الي فايدك وتحاولي تاكلي واهي غلطه وعلمتنا
مريم:حاضر
أسماء :سلام
مريم:سلام
......................................................................
رنت ايه علي اسماء :
ايه:الو
أسماء :عملتي ايه
ايه:انا لقيت عنوان مكتبه
أسماء :تمام الحمد لله نروحله بكرا بعد المدرسه
ايه :خلاص تمام.
اسماء:نامي بقا كدا وارتاحي ومتشغليش بالك بحاجه...
ايه :حاضر
..........................
ونامت كلن منهن استعدادا لليوم التالي ....
وظل احمد بمفرده فلمنزل وظل عمر مع هايدي كعادتهما.....
وفي اليوم التالي......
هنكمل باذن لله الفصل الجاي وهنعرف ايه هيحصل
توقعتكم للفصل الجاي ومتنسوش التصويت ورائيكم يهمني 💜💜😄
أنت تقرأ
نعم احببته
Romanceقالوا في الماضي: "إن الحب يأتي من أول نظرة"، وفي زمننا الحالي، ومع التطور والتقدم في قرن التكنولوجيا والشبكة العنكبوتية أصبح يقال: "إن الحب يأتي من أول مراسلة"، إذ تطور الحب لينتقل نقلة جديدة ويصبح حباً إلكترونياً بعد أن كان على أرض الواقع وجهاً لوج...
