مين شاف هكاك بلا ماحب يفهم تلاح على حسام بقاو يضاربو زاكي كي خلص من حسام دور بزق على ندى و قالها (....) المهم رخسها و دخل هز اسر و قالها محال نخلي ولدي تربيه عاهرة كيفك و انا رخيس لتقلقت عليك و جاي نشوفك و انتي اكي تتمعشقي وتتباسي.... ماكش قاعدة و خرج . هند: خسارة عليك ياندى طحتي من عيني ندى تحت صدمة مستوعبتش واش صرا مجات تفيق من صدمة حسام لي تلاح عليها حتى لحقتها صدمة زاكي لي جا فليل وزاد ضارب.. زاكي و أسر وينو أسر ؟؟ زادت عليها هند و كلامها خرجو كامل و خلاوها فصدمتها . دخل حسام لدار قابلتو خالتي عيشة و عطاتو كف :كنت في لبالكو وسمعت كلامك و سمعت ردها انا قلت رايح تطمن عليها مي ضهرت رخيس متخافش يصرا في خوتاتك هكذا؟؟ قول شوف ياحسام كون متبعدش على ندى ماك ولدي منعرفك و خير كيما تحب . وانتي ياهند حسابك وحدو . بعد مرور اسبوعين ندى راح تهبل قلبها خرج على ولدها تعيط لزاكي تبكي و تحاول باه يردهولها و هو يسب و يطيحلها فهدرة . حسام مشافتوش هدو اسبوعين مسكينة صحتها في نازل و زيد بلكرش قريب ماتت . كانت قاعدة تصلي و تدعي في ربي يفرج عليها طبطب لباب لقاتو خو زاكي جبلها اسر ولات تحضن في ولدها و تبكي. خو زاكي: ندى سامحينا والله راكي ختي موقفتش معاك و طلاقكم كان صدمة لينا كامل زاكي يحبك ويموت عليك معرف وش صرالو؟ ندى: هههه يحبني ؟؟ نو زاكي عمرو محبني كان يفوت في وقت و كي لقا ماخير مني راح خو زاكي: محاااااال صح يبقى سبب طلاقكم مجهول مي صدقيني زاكي خويا و نعرفو جامي حب كيفك انتي حبك يمشيلو في دم اتهلاي في لولاد و صحتك سلام ..عاشت ندى ايام صعاب بزاف بعدت على الناس كامل في وحد نهار راحت لخدمتها كلعادة عيطلها زاكي و قالها ديري حسابك بلي ندي اسر يقعد معيا يومين ( ندى قلبها مقبوض حاسة راح تصرا حاجة مش مليحة)
أنت تقرأ
#فرقنا السحور و #لمنا العشق
Humorطييييط 🚕🚓طييييط🚖🚖 جبتلكم قصة جديدة 😇وجيتكم 😂اول مرة نحط كرونيك 😍😂 قصة ليوم تحكي على 😢💔💏⬇⬇
