#فرقنا السحور و #لمنا العشق

الحلقة 8

على جال ولد حرام منعرفوش اصلو تهدرو معيا هكذا ؟؟ ندى كي سمعت ولد حرام مقدرتش تزيد تصبر دخلت خطفت أسر من يد حسام : وقاتلها دزولي ولد لحرام لراكي تهدري عليه ميزيدش يدخل داركم . جات خارجت حكمها حسام : ندى ندى دقيقة وشبيك؟ أمال مقصدهاش امسحيها فيا . أمال: ههههه هذي لجايبتك على وجهك ههه احمار راهي حابت تكبر ولادها على ضهرك لقاتك حمار ههه نسيت بلي راك خاطب مطيش خطيبتك و تبع في ..... هذي ملقاتش شكون يلمها. ندى من شوك داخت عادت متقدرش تحمل صدمات و كلام جارح كثر . حسام قدم امال و ضربها بكف قلها زيدي تحلي فمك تحرم عليك هذي دار يا أنا ؟ يا انتي ؟ حلت ندى عينيها لقاتهم كامل دايرين بيها تفكرة واش صرا هزت أسر في سكات وخرجت . فاتو يمات ندى جبدت روحها عليهم كان يوم بارد و شتاء تصب عيط زاكي باه يدي أسر سع قاتلو بلي راهو مريض ميقدرش يخرجو سع قالها مالا نجي نفوت نهاري معاه تماك . طبطب لباب راحت ندى حلت لقات زاكي قلبها حن ليه توحشتو بزاف وحست روحها ضايعة بلا بيه ذخل زاكي بعد متجاهلتو ندى جات راح تفقل لباب لقات يد سبقتها كانت صدمة لندى لقات جيهان بنت خالة زاكي معاه مفهمت ندى والو واش جابها لدارها واش دورها مع زاكي ؟؟؟ جيهان تكره ندى كره عمى خاطر كانت تحب زاكي بكري و زاكي يحب ندى . دخلت جيهان لابسة غوب قصيرة مشبوحة و هي طويلة (كتر على نهار لجمعة هههه) و مصفارة دخلت طول تقول دار باباها زاكي كان يبوس في ولدو و يلعب معاه جيهان: زيكو حبيبي هو طفل مبيه والو تقلق في روحك باطل علابلك مخاف عليك ندى حست طعنة تاع موس في قلبها يعني خلاها على جال هذي ؟ زربت راحت كوزينا باه متفضحش دمعتها في دقيقة هذيك جات هند و حسام لدار ندى باه يشفلها غاز وشبيه (حسام ميدخلش لدار ندى وحدو لازم وحد من خوتاتو معاه)