#فرقنا السحور و #لمنا العشق

الحلقة 15

ندى بعد ماقلها زاكي هكذاك حطلها موس في رقبة باقي حسام يقنع فيها حتى في يوم عيطلها خو زاكي و قالها بلي بنت ختو (ريمة أخت زاكي ) ماتت . لبست و راحة دير واجب تمشي في لجنازةو الناس تهدر و تقطع فيها (حتى في لجنايز شعب تاعنا ميترباش ) و صلت عند ريمة لقاتها منهارة على لخر خاطر كانت عندها طفلة وحدة و ماتت ندى: ريمة حبيبتي اصبري و ربي يلقيك بيها فالجنة ريمة : ندى راكي هنا؟؟؟ ندى إبتسمت:و كيفاه نخلي خوتي وحدها في محنتها ريمة نهارت بلبكى تبكي بشهقة و تقولها: ياندى سامحني .سامحني رني خلصت فدنيا قبل لاخرة سامحني لغيرة عماتني ندى:؟؟؟؟ ريمة: ربي عقبني عقاب شديد بزاااف و خسرت بنتي علااااه ياربي ندى : ريم حبيبتي ريحي روحك و ربي يصبرك. ريمة: يا ندى انا لعونتها باه تفرقكم والله انا وشوفي كيفاه خلصت ندى: شكون هدي ؟؟؟ ريمة: جيهان سحرتكم ياندى درتلكم سحر تفرقة و انا لعونتها ندى : قريب دخلت في عقلها علااااه ياريمة واش درتلك انا؟ كشما نهار قستك؟ قوليلي ؟ علابلك بلي حرقتلي قلبي ؟ علابلك شحال تعذبت؟ ريمة غير تبكي: راني نخلص ياندى راني نخلص غرت كي شفت خويا يحبك نو يعشقك و انا راجلي كلمة حلوة منسمعهاش منو هبلت كي شفتك بكرش و انا 5 سنين ربي مرزقنيش و شيطان غرني و زادت عليا جيهان ندى : هزت روحها و جات خارجت معرفت تفرح خاطر زاكي مخلهاش برضاه و لا تحزن على واش دارو فيها. بعد بضع أشهر ندى حاجة متبدلت في حياتها رغم وش عرفت مي مهدرت لحتى واحد محبتش تفضح ريمة و سناتها تفطن من صدمتها بموت بنتها و تخبرهم واش صرا