حياة بنات 🖤

٢

مر اسبوع وما في اشي تغير غير انو ندى اكتشفت حبها لريان والي على اعتقاد اليانا حيكون حب فاشل

خلينا انشوف صباح الاحد كيف راح يكون على البنات

طبعا الاحد وكلعادة اليانا وديانا واسراء متاخرات

اليانا :صباح الخير كنانة كيفك

كنانة :اهلا شو متاخرات اليوم

ديانا : طبعا مش اشي جديد

اسراء : غريبة كنانة عادتا بتيجي بدري ليش متاخرة

كنانة :راحت علي نومة

(طبعا كل هاد والبنات واقفات بستنو الاذاعة تخلص عشان يروحو على الطابور يعني موقفين مع المتاخرات على الباب )

خلصت الاذاعة وراحو البنات على الطابور وباقي الصفوف بتطلع ولسا ما اجا دور صفهم

اليانا *بملل * :صباحووووو بنات

رشا وندى وريما : يسعد صباحك

اليانا واسراء مع بعض :صباح الخير

البنات :صباح النور

كنانة :صباح الخير بنات كيفكم ؟

ندى : صباح النور اهلا كنانة بخير وانتي

كنانة : تمام

ريما ورشا بصوت عالي :اهلاااااااااااا كنانة

اليانا : ووجع على هالصبح نازلات صراخ صم انشالله

رشا : انتي مالك منفسنة

اليانا : ولشي اليوم الاحد بس

طلع الطابور وبدو الحصة الاولى وكانت انجليزي

اليانا : ديانووووووو

ديانا :نعممممم شبدك

اليانا : مش ملاحظة اشي !!!!!؟؟؟؟

ديانا :لا شو بدي الاحظ ؟؟؟؟

اليانا :شوفي كنانة من اسبوع بتحاول تتقرب منا

ديانا: لاحظت

نطت اسراء من قدامهم :هي عمين بتحشو (بتنمو ) يا كلبات

اليانا :ولشي بس حسيت كنانة بتتقرب منا

اسراء: اه انا كمان حسيت بس شو فيها لو صارت صاحبيتنا

ديانا : لا بنات هاي لزقة شوفي وربي لزقة

ترتيب البنات ***********

كل درج بقعدو تنتين مزدوج يعني واليانا وديانا الدرج التاني جهة الباب ديانا لجو واليانا برى قدامهم درج منفرد لاسراء وجنب اليانا من يسارها درج منفرد لندى اما ريما ورشا بقعدو اخر درج من جهة الوسط وكنانة قدامهم على درج مزدوج بس قاعدة لحالها

**بتمنا فهمتو بس مش عارف اوضح اكثر من هيك **

ندى *نطت يسار اليانا * :بنات شو بتحكو