في يوم بعد ماخلصوا الغدا وعملت غادة الشاي لاحمد
احمد:انا عندي ليكي مفاجأة هتفرحك
غادة:ايه قول بسرعة
احمد:انا عندي اجازة مدة اسبوع وهنسافر اسكندرية زي ماكنت وعدتك
غادة:بججججد الله انا نفسي اشوف البحر وامشي وسط المية
احمد:ههههه حيلك يابنتي تمشي وسط المية ايه انتي نسيتي اننا فالشتا
غادة:هههههههه مش عارفة بقى مليش دعوة
احمد:حاضر ياستي هعملك كل اللي انتي عاوزاه بس اشوف ضحكتك الحلوة دي
غادة ابتسمت بخجل:ميرسي
احمد:غادة انا...
احمد كان هيقولها بحبك بس رن تلفون البيت وقامت غادة ترد
غادة"الو"
"الو ايوة ياغادة ازيك ياحبيبتي"
"الحمدلله ياماما ازيك انتي وحشتيني اوي"
"وانتي كمان ياحبيبتي كده ياغادة نسيتينا خالص"
"لا ياماما والله ماقدر انساكي ابدا...والله مشغولة ياحبيبتي يادوب بلحق مابين الكلية والبيت"
"ربنا يعينك ياحبيبتي...ازاي احمد معاكي بيعاملك كويس مش بيمد ايده عليكي"
غادة بصت لاحمد لقته بيبصلها ابتسمتله"الحمدلله ياماما كويس وبيسلم عليكي"
"الله يسلمك ويسلمه...انا بتصل عشان اقولك ان شروق ولدت وجابت بنت"
"بجد الحمدلله على سلامتها باركي لمصطفى عني"
"عقبالك يارب...بس مش هباركله لانك انتي لازم تحضري السبوع وباركيله بنفسك"
"طبعا ياماما مش انا عمتها ههههههه...ماشي ياماما...الله يسلمك خدي بالك من نفسك وسلميلي على الكل...محمد رسول الله ...مع السلامة ياحبيبتي"
غادة"ماما بتسلم عليك"
احمد"الله يسلمها...انتي كنتي بتقول عمة مين"
غادة"مرات اخويا ولدت امبارح"
احمد"مبروك"
غادة"الله يبارك فيك...ماما بتقول لازم نروح بكرة عشان الناس بتيجي ومش قادرة لوحدها عشان شروق لسه تعبانة وكريمة مش فاضية تسيب بيتها كل يوم"
احمد"مفيش مشكلة...انا كمان عاوز اشوف البيت عاملين ايه"
غادة"كنت بتقول حاجة قبل مايرن جرس التيلفون"
احمد"لالا ولا حاجة ماتخديش فبالك...نروح البلد بكرة ان شاء الله لما ارجع من الشغل وبلاش تروحي الكلية...تصبحي على خير"
"حاضر وانت من اهله...متنساش تعزم حنان وطنط وعمو اكيد مصطفى هيكون عزمهم"
احمد اكتفى بهز راسه ودخل على اوضته وغادة فضلت تبصله ومش عارفة ماله...
---------------------------------------------------------------------------
احمد وغادة وصلو لبيت عيلة غادة على المغرب
سلمت غادة على باباها ومامتها بكل شوق وحب
وهما كمان ماصدقو شافوها
محمد"ازيك يااحمد وازاي شغلك"
احمد"الحمدلله ياحاج"
محمد"وازاي غادة معاك...اوعي تكوني بتزعليه ومش بتسمعي كلام"
احمد"اطمن ياحاج كل حاجة تمام"
غادة"شروق فين هي والبنوتة"
فاطمة"شروق نايمة لسه تعبانة ياعيني من الولادة بس لو عاوزين تشوفو البنت يلا"
راحت غادة مع مامتها ودخلو اوضة شروق كانت صحيت وحاولت تقوم تسلم على غادة الي سلمت عليها واخدت منها البنوتة فحضنها
غادة"خليكي خليكي ماتقوميش...الف مبروك زي القمر ماشاءالله طالعة لمامتها"
شروق"الله يبارك فيكي عقبالك ياغادة انتي وكريمة يارب"
غادة"ان شاءالله"
فاطمة"ايه ياغادة مفيش حاجة حلوة جاية فالسكة
غادة بتتجاهل تلميحها"حاجة ايه ياماما"
فاطمة"حمل ياحبيبتي انتي بقالك 4 شهور متجوزة"
غادة"لسه بدري اوي على الكلام ده"
فاطمة"بدري ليه بس...انتي مش كل امورك مع احمد كويسة"
غادة باحراج من تلميح مامتها ووشها احمر حاولت تهرب من الموضوع
انا هروح اشوف احمد وبابا وطلعت من الاوضة
شروق بتضحك على احراج غادة"احرجتيها ياماما"
"قال لسه بدري قال...بنات آخر زمن"
يوم السبوع كان الكل مجتمع كريمة وفاطمة وغادة في المطبخ بيكملو آخر اللمسات
الرجالة ومعاهم احمد برة قاعدين وسط اغاني شعبية وحصان
الستات جوة بيغنو ويرقصو وشروق قاعدة معاهم ارتاحت عن اول يوم ولادة
فالوسط في طرابيزة متوسطة فوقها جميلة الصغيرة فالسرير بتاعها
بعد ساعتين خلص الفرح واصر محمد ان غادة واحمد يباتو عنده فالبيت
محمد:والله مانتو رايحين حتة احنا لسه ماشبعناش منكم تبقو بكرة تباتو عند الحاج كامل...اوضة غادة جاهزة...خلاص انا حلفت بقى
كامل:اسمع كلام الحاج يابني وخلاص بكرة تقضو اليوم معانا
احمد وغادة بيبصو لبعض ومش عارفين يعملو ايه...ازاي هيباتو فاوضة واحدة فيها سرير واحد...
