ضحيه والدي

البارت3

بعض الاشخاص الذين يدخلون حياتنا رغما عنا

نتعلق بهم اكثر من اللذين دخلوها باختيارنا ورغبتنا

الاشخاص اللذين نلعنهم هم اكثر صدقا ووفاء معنا

خليت القوري عالنار وسويت الريوك كعدو اخوتي وابوي 
ورى شويه كعدت نهى
عبد الرحمن:اني طالع عندي شغل عبدالله دير بالك عالبيت لاتطلع انت اليوم عندي جماعه كالو احتمال يجون اليوم على مود اسجل اسمائهم بالدائرة اخاف اتأخر اني انت قوم بالواجب
عبدالله:تمام يابا
كعدنه نتريك ونسولف ونضحك
نهى:اكول عبدالله شوكت نفرح ونزوجك وتجي جنه تعاون امي بالبيت انت تعرف سهى تدرس يعني بس بالعطله تعاون امي
عبدالله:الله كريم.... كلشي اله وقته
نهى:ادري شوكت يجي هذا الوكت موكافي
عبدالله: اذا حيل خابصات نفسجن على مود الهوسه مال العرس حتى تروحن للصولون وتركصن زوجو محمد شنو بس اني بالبيت
محمد: اني مازوج اله اخلص دراسه بعدلي مرحله اخيرة لاتنسى
رقيه: كافي كافي ضلو هيج نتوسل بيكم حتى تزوجون ولاواحد بيكم يفكر يكول امي وحدها بالبيت تريد تشوفنا عرسان وتشوف اطفالنا من عابت بهيج خلفه
سهى: اي صدك محمد باجر النتيجه مالتي انت شوكت نتيجتك؟
محمد:اي هم باجر مثلكم
سهى:اي خوش حتى نروح سوى
رقيه: خير انشالله بلكت تنجحون
سهى:والله اني متأكدة اني ناجحه لان جاوبت فول اما حمودي مدري عادد
محمد:شقصدج !واني هم جاوبت
نهى:باجر تبين
خلصنه ريوك وكملت شغل البيت فتحت موبايلي لكيت صديقتي باعثه راسله مكتوب(حبيبتي سهى باجر النتايج تعالي اني والبنات ننتضرج)
رديتلها:اي طبعا اجي ومحمد هم نتيجته باجر اثنينه راح نجي
عده هذا اليوم مثل ايوم عادي واجه زوج اختي(حسين) العصر اخذ اختي وراحو  اختي تجي كل جمعه تبات يوم وترجع هذا نضامها من وكت تزوجت لي هس
الساعه 11ونص باليل  كمت احضر الملابس الي راح البسهم باجر من اروح للجامعه ورحت انام بعد شوي دخل محمد للغرفه :اكلج بالساعه9 نروح مايحتاج نطلع من وكت لان هي نتيجه وناخذها
سهى:بعد احسن حتى هم اشبع نوم شوي.نمت وكعدت بالساعه8وربع غسلت وبدلت وكعدت محمد وتريكنا عالسريع وطلعنه
وصلنه الجامعه محمد راح للقسم ماله واني رحت لقسمي شفت صديقاتي جنت مشتاكلهم حيل سلمت عليهم ورحنه للمدير اخذت النتيجه والحمدلله نجحت ودرجاتي حيل زينه كلها امتياز وجيد جيدا مثل ماتوقعت اني فرحت كلشش.وتصلت بمحمد رد عليه وبشرني انه هو ناجح همين كلش فرحت بنجاحنه وجنت متونسه حيل بهذيج الاوقات تغدينه اني وصديقاتي وتفرفرنه بالجامعه لان كان اخر يوم النه بيها فحبينه نطول اكثر صارت تقريبا الساعه12 اتصل عليه محمد وكال تعالي للباب اني انتضرج بالسيارة .رحت للباب مثل ماكال باوعت السيارة موجودة بس محمد موبيها فارغه استغربت كلت هس خابرني وكالي تعاي انتضرج شبساع نزل لغير مكان اتصلت علي مرتين مارد عليه .كلت يبوووو هس خما اضل انتضر بالحر يجوز بشغله راح هس يجي رحت صعدت بالسيارة انتضرته ربع ساعه مااجه طبعا الشارع كان فارغ لان الدنيا ضهر والجو كلش حار والطلاب كلها راحت مابقه احد بالجامعه ضليت انتضر بعد شوي اجه واحد دك باب الشباك مال السيارة رجال يطلع عمره بالثلاثين كالي تنتضرين اخوج! كتله اي كاعد انتضره وانت من وين تعرف؟رد كالي:اخوج راح بشغله هس يجي ..رجعت كتله: انت شمعرفك شنو هو كالك مثلا
رد كالي:اي اعرف اخوج  انطاني السويج مال السيارة وكالي اني عندي شغله كلش ضروريه بس اخلصها واجي ووصاني اوصلج للباب الخلفي مال الجامعه لان هين ماتكدر السيارة تضل واكفه والشمس عليها ..
سهى:من كالي هيج مارتاحيت وضل بالي يم محمد لان فترة دقايق حجه وياي شبسرعه هيج اختفى ومايرد على موبايله
بعدين كلت بيني وبين نفسي يجوز حجيه صحيح راح بشغله وهس يجي
فتح الولد السيارة وصعد بيها وشغلها وضل يمشي بأتجاه الباب الخلفي للجامعه .طبعا بهاي الاثناء بس اريد محمد يجي حتى ارتاح ماحب ابد اكون بسيارة بيها رجال غريب حتى من قبل ماحب اصعد بتكسي وحدي ماحب هذا الشعور.رجع سألني الرجال وهو يسوق انتي ياقسم؟
سهى: كيميه.بقه يمشي ووصل الباب الخلفه ووكف السيارة.نزل هو باوعت علي شفته راح يمشي باتجاه واحد رجال وكف وحجه معاه ومن يحجون جانو يبوعون كليه .كلش مارتاحيت
رجع الرجال الي جابني لهنا للسيارة فتح البا وكال انزلي بس بدون مااسمعلج صوت.متت من الخوف من هيج كالي وعرفت انو اكو لعبه بالموضوع
سهى:وين انزل؟ كلتلج انزلي وماريد اسمعلج نفس
سهى:انت منو وشتريد مني ومحمد وينه اذا ماتعوفني بحالي راح اصيح والم الناس عليك
من كلتله هيج كبل اندار عليه وضربني ضريه قويه على راسي حسيت نفسي خدرت بعد كلشي ماشوف بعد شويه احس شالني ونزلني وصعدني بغير سيارة وضلت السيارة تمشي وقت طووويل واني افقد وارجع اصحى احس نفسي مابين الفاقدة والواعيه  وكفت السيارة وصحيت شويه الي عرفته انو اثنين كانو بالسيارة واحد يسوق والثاني من كدام صاعد نزل الي جان يسوق وبقه الثاني  كمت احجي :شتريدون مني ياكلاب بعد ماكملت ضربني راشدي