ضحيه والدي

البارت14

باوعت علي مصدومه من كالي هيج كام يحجي وياي ومبين تعباان كلش ومتاذي ونفسيتو  تعبانه وبالكوة يحجي.
قصي:اني تعبت ماكدر بعد اتحمل خطاج اني خايف كلش خايف موخايف لايمسكوني شرطه لاابد خايف من شغله وحدة بس .هي دعائج خايف من دعائج علينه خايف من انتقام الله .كلشي صار وياج موذنبج  بكل نضرة اباوع عليج كلبي يوجعني واتعب.حتى الليل ماكاعد اكدر انامه ومن انام تعرفين ششوف.اشوفج تجيني بالحلم تبجين تكلوليلي رجعني لأهلي .ضرب على صدرو وكال تجين عليه اني اني .هو يحجي واني ابجي.
تدرين وكت انهزمتي شكد جنت خايف عليج خايف لاتروحين بغير طريق وتيهين والدنيا ليل او يشوفوج ناس مو زينه ويستغلون الفرصه من هاي جنت خايف لانج امانه امانه بركبتنه.ماصدكت من خابرتهم وكالولي لكيناها.ونوب نزلتي تركضين عليه وتقبيتي وراي.تعرفين شنو سويتي خليتيني احس اني مسؤؤل عنج اكثر واكثر ومسؤل عن حمايتج .صحيح اني يتيم ربيت بس الله يشهد عمي رباني احسن من هيج اخخخخخ. اني صوجي مشيت ورى ولد عمي وماحسبت حساب . ابوج نصب علينه بس موالمفترض بهاي الطريقه نعاقبو هذا موحل ابد
كاعد اشوفج كل يوم تتأذين اكثر خلاص بعد ماكدر اشوفج هيج تتأذين.انتي امانه ولازم ارجعج لأهلج .شوفي راح اخليج ترجعين وماريد عدنان او احد يعرف بهذا الحجي بس اني وانتي.واريد منج شكلج تسوين وماتصرفين اي تصرف بدون متكوليلي اوك
سهى:تمام
قصي:باجر راح يروح عدنان من يروح الكي طريقه اهزمج اذا هو موجود الشغله تصير اصعب.كاعد نحجي وفاتت الحجيه
الحجيه:ها شسوي هين ابو الفواين
باوعلي وكالي بصوت واطيء باجر نكمل حجي اوك
الحجيه:اي من جيت اني كام ينصي بصوته
قصي: يعني انتي الى متى وراي وراي. ومراقبتيني  واني اكول ليش عمي هيج حاله ومريض.اذا انتي ماخذه كل عافيته
الحجي: والله انك ماتستحي ولسانك صاير طويل شو امشي اطلع من الغرفه تانام يله امشي
قصي:اي موعساس قصر الملكه هي جنها كوخ مال قدماء
خلصو شقه وحجي راد يطلع باوعلي ابتسم وطفه الضو وسد الباب.كلشش ارتاحيت من كالي انو راح يهزمني احس نفسيتي رجعت انتعشت من جديد.حتى ماكدرت انام من الفرحه بالكوة نمت.
كعدت الصبح واني بعدني بفراشي باوعت الساعه6 وهس الشمس طلعت والحجيه موبفراشها رجعت كملت نومتي
جان اكعد على صياح الحجيه .كمت فزيت من مكاني
رحت طلعت للهول باوعت الحجيه تبجي وعدنان متكي عالحايط مخلي ايدو على وجهو ويبجي وقصي حاضن عمو ويتنهد ويكول:لك ليش رحت عمي ماضلي احد غيرك ليش رحت وعفتني وحدي.شوف عدنان راح عمي ماضلي احد
اجه عدنان علي وتحاضنو وكامو يبجون.باوعت للحجيه تبجي نكسر كلبي عليها رحت حضنتهاوكمت ابجي وياها
اباوع لقصي كلش مكسور وكلبو محروك.بعد ساعتين هيج كامن نسوان  يجن.طبعا البيت جان حوالي بس كم بيت موهواي لان المنطقه مثل البريه مابيها حيل بيوت.اجت كم مرة وكم رجال من اجو قصي كالي:شوفي اكيد الناس هاي راح تسأل منو هاي البنت ومعرف شنو اذا سألوج كوليلهم كرايبهم اجيت ويه قصي وعدنان.بس يفض العزة ارجعج لأهلج وعد مني فلاتحاولين تنهزمين لان موأمان المكان اني بنفسي اهزمج والله
سهى: تمام
عدة يوم ويومين وناس تروح وناس تجي واني ماشالله صرت اقدم جاي. للرايح والجاي فوك البلوة بلاوي
بس جنت مصبرة نفسي انو من يخلص العزة قصي يهزمني جان بيدي فرصه انو انهزم  لان البيت بي ناس وهوسه بس خليت كلام قصي براسي وكلت خلي اسوي مثل مايكول لان بصراحه صار عندي ثقه بي بعد ماحجه معاي.
بالنهار الناس تجي تسلم وباليل تروح مايضل احد .عاد يكعدون بالطارمه قصي وعدنان يدخنون ويسولفون وفوكاها يصخروني اسويلهم جاي وأكل واني تعودت عالوضعيه واروح اسويلهم وكأنو شي عادي
مر اسبوع وخلص العزة الناس معد تجي.
جنت بالمطبخ واجه قصي كالي:باجر راح يروح عدنان وراح اهزمج
سهى:صدك
قصي:اي صدك.بعد شوي افهمج كلشي
ماصدكت من كالي هيج كلش فرحت .كمت اعد الثواني وكل شوي اباوع عالساعه شوكت يجي باجر
رحت للغرفه فرشت فراش الي وللحجيه انتضرتو يجي حتى يفهمني اجت الحجيه للغرفه تمددت ورى شوي فتح الباب قصي وأشرلي بمعنى تعاي.كلت للحجيه شوي  واجي طلعت لكيته بالهول.كالي بصوت واطيء :خلي نروح بغير مكان لان عدنان نايم بالغرفه الي بصف الهول
باوع منا منا كال امشي الحكيني.صعد فوك السطح وصعدت وياه
مااوصف الجو شكد موحلو عالسطح هوى والكمر طالع وهدووء فضيع.كعدنه بالكاع مال السطح
قصي:اسمعيني زين.باجر الصبح راح يروح عدنان وراها راح اخذج لمكان قريب عالسيطرة مال الشرطه ارميج هناك انتي راح تمشين مسافه موكلش بعيدة وراح تشوفين هناك سيطرة روحي عليها.اتمنى منج تسامحيني
دنكت راسي من كالي هيج.فجاة سمعنه صوت الحجيه تصيحني
الحجيه:سهى بنتي وييينج كلتي شوووي واااجي وين رحتييي
كمنه عالسريع من سمعنه صوتها وصار واحد يطعس بالثاني
قصي:نزلي نزلي انتي
سهى:هاااا. اني
قصي:وجعااا  .لعد اني موداتصيحج انتي روحي نزلي
نزلت دامشي عالدرج شافتني
الحجيه:ولج شعندج عالسطح بنص الليل
سهى:رحت للمطبخ تااشرب مي وسمعت صوت الباب مفتوح وكلت خلي اصعد اسدة
الحجيه:شو بعدو الهوى دايفوت ليش موسادت
سهى:هااا موانتي صحتيني وحتى نسيت اسدة
الحجيه:روحي صعدي سدي
اووف شنو هالورطه .رحت صعدت تااسدة باوعت عالسطح قصي ماكو.سحبت الباب تااسدة جان اشوف قصي ورى الباب يعني بالبيتونه.جفلت وصرخت علوووو صوتي.
قصي:ولج وجع فوك وجع شبيج هذا اني قابل منو يعني هو اني بس جنت فوك.يحجي بصوت ناصي
الحجيه:ولج شبيج شنو شفتي
سهى:لالا ماشفت شي هاي فارة
الحجيه:طاح حضج يله سدي ونزلي
سديت الباب ونزلت وقصي بقه بالبيتونه ينتضر نروح بعدين هو ينزل
رحت لفراشي ونمت كعدت الصبح على صوت قصي
قصي:يله اكعدي عدنان راح........يتبببع