ضحيه والدي

البارت17

ضليت فترة هاي حالتي تعبت نفسيتي حيل وماكدر اكول لأحد اي شي
عدت الايام وصار وكت الجامعه تفتح والمدارس
داومت بالجامعه بالبدايه ضجت شوي من اسأله الطلاب والطالبات الي يشوفني يسالني عالصار وياي.مرت فترة على دوامي بالجامعه احس نفسيتي شوي صارت احسن حاولت انسى وأتناسى مرات اذكر واحن واشتاك ومرات اثولها مع نفسي بأنو هذا شي مستحيل.اجه الشته والبرد
والدوام سويه
كان يوم الخميس.رحت للدوام وجنت مقررة من اخلص محاضرات اروح للمول اشتري كم شغله.خلصت محاضرات وطلعت من الكليه ورحت امشي بالشارع تاروح للمول والجو جان كلشش بارد ومطر خفيف
اثناء ماكاعد امشي سمعت صوت واحد يكلي:بس بس
مارديت علي رجع نوب:ياحلو شبيك ماترد مارايدين ترى بس شوفتك
ضجت من كالي هيج انداريت علي متعصبه
سهى:امشيييي وليي من هيين ناس ماتستحي.باوعت واحد لابس قمصله جلد سودة وطاكيه سودة ولفاحه عسليه ملفوفه نص وجهو بس يبين باوعلي بنضرات كأنما يريد يعرف شنو ردت فعلي من اتعصب واحجي .تقرب يمي وكالي:شلونج؟
بدست احس اني اعرفو بس هم ماعرفته.رجعت كتله:ليش اني اعرفك حتى تسألني هيج سؤال
رد كالي:ماعرف يجوز تعرفيني ويجوز نسيتيني وخر اللفاحه من وجهو وكالي:اني قصي
معرف شنو صابني بذيج اللحضه من عرفت انو قصي احس كلبي راح يطلع من صدري .وشكد ما الجو بارد حسيته صار حار نار عركت.تبلهثت حيل معد اعرف شسوي حتى مارديت علي
قصي:شبيج يمعودة لاتخافين ماراح اسويلج شي اذا تريدين اروح هس اروح
سهى:هاا لا لا اقصد يعني تفاجئت كلش .شنو شنو تسوي هين
قصي:اجيت هين للصناعه سيارتي عطلت داصلحها ومريت من يم الجامعه وشفتج طلعتي وكلت خلي اروح اتحرش بيها دشوف تعرفني لو نستني
سهى:هاا لا اقصد يعني ماانسى شون انسى
احس معد اعرف حتى اسولف احجي كلمه وارجع ادنك راسي كلش متوترة
قصي:طمنيني عليج شون الدنيا وياج
سهى:الحمدلله زينه.انت شلونك
قصي:والله هس صرت احسن
سهى:هاا ليش
قصي:انسي.اخاف عطلتج اخذي راحتج
سهى:لا عادي ماعندي شي بس ردت اروح للمول
قصي:لعد اخذي راحتج .اني باجر راح اجي هين للصناعه بعد ماكملت سيارتي مابيها شي اذا شفتح مرة ثانيه يعني عادي؟
سهى:هااا .اي اي اقصد لا باجر جمعه ماعندي دوام
قصي: اي والله صحيح لعد بغير يوم اذا ماكملت السيارة الاحد انشالله.
سهى: انشالله انشالله
قصي:ولج شبيج احسج مو على بعضج خما خايفه مني
سهى:لا والله مو هيج
قصي: على كلا ماريد اخذ من وقتج اكثر انشالله الاحد اذا جيت اشوفج مع الف سلامه.كالي هيج وراح
واني رحت امشي.احس معرف شنو صار بيه فرحانه كلششش مومصدكه يعني امشي واسولف لنفسي هذا قصي اي والله هو قصي .رحت للمول معد اعرف حتى شنو اشتري بس اباوع للملابس اخذت جنطه بس كلشي ماخذت غيرها
رحت للبيت  الكل نايمه وسكته  فتت بغرفتي كمت اضحك من كل كلبي واحس كلبي يريد يطير كمت اباوع لنفسي بالمرايا واركص.اوووف شنو هاللحضات الي تخلي الواحد طايير ومايريد يكع ابد.فتت سبحت وطلعت ونمت كعدت العصر اول شي اجه ابالي هو كل مااذكرو ابتسم واضحك. رحت سويت عشه وتعشينه وخلص اليوم.واني بس هو ابالي اريد بس يجي الاحد
اووف ياسهى شكد ماعندج حض يعني اله تصادف عطله سبحان الله
عدة اليوم واجه ثاني يوم واني بس اريد الوكت يعدي
اجت نهى لان اليوم جمعه واحنه متعودين كل جمعه تجي.اجت مثل كل مرة كعدة وسوالف ومن هالحجي
نمنه وكعدنه مثل كل يوم.
نهى:اليوم هم راح ابات هين
سهى:ها شعجب حسين قبل تباتين اليوم هم
نهى:كتله اريد ابقى يومين ماكال شي
سهى:خوش لعد
اجه الليل والساعه صارت11.كمت افكر شنو البس باجر وشنو اخلي مكياج وشنو البس اكسسوارات دوخت نفسي
نهى:اكلج شنو فلمج شو حيل مهتمه شنو تلبسين ومعرف شنو
سهى:هيج يعني اله اكو فلم
نهى:لاحياتي عادي بالعكس البسي وتونسي
حضرت كلشي راح البسه باجر وكمت ادعي بلكي يجي واشوفه.
كعدت الاحد الصبح لبست وتحضرت ورحت للدوام خلصنه محاضرات وطلعت برة اباوع ماكو ضليت واكفه فترة برة ماشفت.ضجت حيل ورجعت للبيت خايب ضني وكلش انقهرت لان ماشفته
كلت بيني وبين نفسي .اني شكد غبيه هيج موته نفسي على واحد مومعبرني مجرد سيارته عطلت واجه يصلحها وشافني اجه يسلم عليه لااكثر ولااقل شبيه اني هيج ثوله.حاولت اقنع نفسي بهالحجي حتى ماضوج بس ماكو فايدة
ضليت كل اليوم مالي خلك اي واحد الي يكلي كلمه اعاركه.كل شوي اعارك يونس على اتفه شي
رحت ثاني يوم للدوام هم انتضرته مااجه
مررر اسبوعين انتضرو ومايجي.اخر شي مليت كلت بعد مانتضر احد .اكول هيج وارجع هم انتضره
اله ان بيوم خلصت محاضرات وطلعت مأيسه مثل كل مرة.سمعت واحد صاحني بأسمي.التفت باوعت شفته
بالكوة اسيطر على نفسي من اشوفه بالكوة اسيطر على سوالفي وحركاتي وتصرفاتي بس جنت بداخلي كلش حاقدة علي. اجه يمشي عليه واني هم رحت امشي علي
قصي:شونج سهى اخبارج
سهى:تمام
قصي:اعذريني مكدرت اجي ذاك اليوم الاحد
سهى:لا عليش تعتذر عادي تعودت اني
قصي:شنو.على شنو تعودتي
سهى:ماكو شي هيج شغله
قصي:مايصير نبقه واكفين بيها مجال نكعد بمكان.يصير نفوت جوة الجامعه نحجي لو ميقبلون افوت
سهى:خلي نروح بلكي يقبلون يفوتونك
رحنه عالمدخل مال الجامعه بالبدايه ماقبلو يفوتو لانو موطالب بعدين انطاهم الهويه مالته وقبلو
كعدنه بالحديقه بدايه الجامعه
قصي:اي احجيلي عنج شاكو ماكو
سهى:والله تمام بخير.انت شاكو ماكو يمك
بعد ماكملت حجي دك الموبايل ماله ورد
قصي:اوك اوك هيان جاي اني.اعذريني لازم اروح هس
من كالي هيج احس دمي فار وبديت احجي
يعني شنو هاا وكت تريد تجي وكت تريد تروح لازم مفتحه محل يمك اني كتلي الاحد تجي وضليت انتضر وماجيت وهس هم راح تكلي باجر اجي وانتضريني ومعرف شنووو.....يتبع
ياجماعه اعرف اني مقصرة وياكم بالنشر بس والله عندي دوام بالمستشفى وماارجع لل3 وماكدر اكتب بالمستشفى لان احنه مسؤلين عن مرضى فأريد تعذروني شوي