حطاام زهرة

الحلقة الثالثة

مساء الخير احبتي المتابعين
قرائة ممتعة
#حطام_زهرة
الحلقة_الثالثة
وعلي مشتاگ اشوفن ذاك #ويهل
جفآني... گوه اكض الدمع #ويهل
اليغيب يغيبله اجم يوم #ويهل
متى يهلال روحي تهل عليه!!!🥀🕊️

كاظم :الحمدلله وكفني صوت سالم رفيج دربي جان تسببت بفضيحه البنيه باليديره يمكن لو واصل يمهه ماعرف شجنت سويت احاجيهه، احضنهه ماعرف شفتهه عقلي وكف عن التفكير وكلبي صار هوه اليأمر شكد شايف نسوان بحياتي بس مثل هاي ما شفت ليش من اول نظره ملكت هالسيطره على كلبي

سالم :مو جنك ناسي نفسك وراكض وره بنات الناس شجرالك يخوي

كاظم :مارديت عفته يحجي وبالي راح ويه الطبت جوه

زهره :لج هديوه تعاي

هديه :هاا زهره شرايده امي تصيحني

زهره :دتعاي اكعدي اكعدي

هديه :كعدنه خير يا طير

زهره :هذا الشاب الجان واكف الكصيرون شعره اسود منين

هديه :كصدج الي سهه ونفسه روحي وكرب يمنه

زهره :اي هوه

هديه :هذا كاظم ابن جوارينه

زهره :متزوج؟؟

هديه :لا مو جنك عشكتي ديرتنا يزهره

زهره :لا عشكيش هاذ بس داسأل

:هديه تسألييييين خوش لعد انه رايحه امي تصيح عليه

زهره :راحت هديه واني ضليت افكر

كاظم :بعدما سألت وبحثت ودورت عرفت هاي حفيده بيت ابو كريم بت بتهم الساكنه ببغداد اوووف يا عشك بغداد شك كلبي شك عشكت يا كويظم ومنيه بت بغداد اوووف عشكتهه من اول نظره شكل بت بغداد راح تشل حالي

زهره :صار اسبوع النه بالعماره وقررنه باجر نروح اني وخالي للشط يصيد زوري واني اكعدله عالشط يوم ثاني

خال زهره :هاا زهيره جاهزه

زهره :اي خالي جاهزه

خال زهره :جا بويه وين شيلتج

زهره :اسفه خالي نسيت رايحه البس واجي رحت ركض لبست حجاب ورجعت يله خلو امشينه ورحنه اني وخالي ووصلنه للشط

خال زهره :كعدي هناا يبعد خالج

زهره :كعدت وراح خالي واني اباوعله صاعد بالبلم ويشمر الشبجه بالشط ويصيد مديت ايدي بالجنطه وطلعت مكص وجريت ضفيرتي الي جانت واصله لوركي وكصيتهه وسويت شعري كصير اييي واخيرا خلصت منك نوب حاره وامي مراضيه اكصه تقربت للشط و لزمت وشمرته بالشط لهناك وجان اشوف واحد جيت بالشط مهتميت رجعت لمكاني كعدت وضميت المكص

كاظم :جنت واكف من طلعو هيه وخالهه ولحكتهم شويه وراح خالهه وضلت كاعده تباوعله شويه وكامت طلعت مكص هاي شجاي تسوي بس لا تكتل نفسهه خفت بوكتهه بس مكدرت اتكرب شفتهه كصت شعرهه وشمرته لو روحي شاغت يمااااي يخبل شعرهه وتكصه والله كون لكص ركبت بهالمكص مادري شجنت افكر من جيتت ورااا يمكن مخبل وهمزين الله لكيته مغاط جوه بالشط طلعته وطلعت وهيه ولا منتبهه عليه ورجعت