حطاام زهرة

الحلقة العاشرة

#حطام_زهرة
الحلقة_العاشرة
بس تعال……
وخلي اعلمك شنهو معناه الدلال
وبس تعال……
وخلي احضنك حضنة الزوجه لزوجها
الجاي من ساحه قتال……
وبس تعال……
وخلي ابوسك حيل ابوسك……
واسرك بنص الخيال……
وبس تعال……
خلي اشمك……
خلي اضمك……
والله لو. لحظه تجيني……
الا اخلي تنسى اسمك……
تنسى امك……
واني اصيرن الك كلشي……
امك وعمك والخوال… 🕊️🥀

زهره :وفعلا كمنه كل يوم نطلع اني وكاظم نشتري غراض للبيت لحد ما كملنا وصار يخبل فد يوم كعدني كاظم

كاظم :زهوره زهرتي يله كعدي عاد

زهره :امممممم عفيه شبيك كاظم هم اليوم جمعه وهم متنام شعدك كاعد من الصبح

كاظم :با صبح هذا لج الساعه 11:30ص يا وراح يصير الظهر اصلا ملاحظه نفسج صايره تنبل مال نوم

زهره :مادري احس، جسمي مكسره ومداشبع نوم

كاظم :دكومي كومي اليوم اني حضرتلج ريوك كومي خلي نتريك لا يبرد

زهره :رحت غسلت وطبيت للمطبخ ولكيته محضر الميز انواع واشكال وحاير شمسوي رحت عليه وحضنته صباح الخير حبيبي

كاظم :صباح الخير مرتي الكسوله يله تفصلي كعدي

زهره :كعدت عالميز وهوه هم كعد وبدينه نتريك اكلت لكمتين وحسيت معدتي دتكلب وروحي طلعت ركضت للحمام وضليت استفرغ

كاظم :هااي شبيهه خاي اروحلهه هااا زهره شبيج

زهره :طلعت من الحمام لكيته واكف يم الباب مادري دايخه ونفسي تلعب

كاظم :تردين اخذج للطبيب

زهره :للعصر اذا مصرت زينه عود نروح

كاظم :يله لعد تعاي كملي ريوكج

زهره :ماكدر والله بس مشتهه عصير برتقال راح اسوي واشرب

كاظم :براحتج حياتي

زهره :رحت شربت عصير وللعصر حالته نفسهه شاكل او اشرب كبل اذبه

كاظم :دكومي كومي خلي نروح للدكتوره خلي نشوف شنهي علتج

زهره :بدلت ولبست شالي وعباتي وطلعنا للدكتوره وطلبت اسوي تحليل مال حمل ورحت سويت التحليل شويه وصاحو اسمي

كاظم :اكعدي انه اجيبه

زهره :جاب التحليل ورجعنه للدكتوره فتحته وضلت تقره بيه

الدكتوره :صارلكم شكد متزوجين

زهره :٣ اشهر

كاظم :لا ٣ اشهر ونص

الدكتوره :الف مبروك انتي حامل

كاظم :شنهووووو فتحت عيوني مصدوم

زهره :حامللل اني هم انصدمت ياالله والله ممصدكه

كاظم (بفرح) :لج زهرتي انتي حامل يعني انتي راح تصيرين ام واني اب