في بيت ريناد
ريناد رجعت و قعدت كرمه علي الكرسي
ريناد: ثانية يا حبيبتي اروح اجبلك مرهم و سبرتو
كرمه بخوف: لاء مش عاوزة سبرتو هو بيحرق
ريناد: مش بيحرق ولو حرقك قوليلي و هجبلك شكولت
كرمه: هييه ماشي
ريناد قامت و جابت السبرتو و المرهم
ريناد: ها حرقتك ؟؟
كرمه: بصراحه لاء بس انا عاوزة شكولات
ريناد: هجبلك شكولاته عشان مش كذبتي يا كرمه برافو عليكي
_______________________________
في العربيه
سنا قاعدة جمب زهير و ساكته و زهير بيسوق ولاحظ مضيقتها
زهير: مالك؟
سنا: مضيقة من الست دي
زهير: خلاص اهدي و انسي كل حاجه هتبقي تمام
سنا: اتمني
زهير و سنا وصلو للبيت و طلعو
زهير: انا هروح الشركة بقا و انتي خليكي
سنا: طيب و الولاد ياسمين و رعد
زهير: هجبهم مش تقلقي
سنا: تمام
بعد ما مشي زهير.....
ادم: هو بابا ممكن يعاقبني ؟
سنا بحنان: حبيبي هو حتي لو هيعقبك انا همنعه بس مش تعمل كده تاني ولا تلعب مع الولاد الوحشين
ادم هو رأسه و حضنها: انتي احلا ماما بالدنيا بس ياتري لو ماما الحقيقة عايشة كانت هتحبني قدك
سنا ابتسمت: اكيد و اكتر مني.....
_______________________________
في شركة فاشون
نسرين كانت قاعدة بتصمم فستان جديد قاطع تركيزها حد قعد قدمها
نسرين: نعم جيت هنا تاني ليه
حسن: وحشتيني
نسرين: حسن لو حد شافك بس هيكبر الموضوع
حسن: طب اعمل ايه
نسرين: هبقي اعدي عليك لو عرفت
حسن: لا دلوقتي
نسرين: يووه حسن قولت ايه
حسن: خلاص هفضحك قدام عيلتك و جوزك
نسرين غمضت عيونها بانزعاج: خلاص هاجي بس شوية اصبر
حسن ضحك و بانت سنته الذهبية: ايوا كده
_______________________________
في المقبرة الي فيها مقبرة زيد و مقبرة ريناد الذي اعتقدو انها ماتت و مقبرة نادية
كان فارس قاعد قدام الثالث مقابر
فارس حط ايده علي مقبرة ريناد: وحشتيني وحشتيني اوي انا نفسي المسك لآخر مرة وحشتيني ضحكتك و زعلك و فرحك وحشتيني كلك الناس بتقول انو انا السبب في موتك مش عارف ازاي خلاني اعمل كده اسف اسف اني خنتك و لمست واحده و اتجوزتها اسف ( و حط ورد الاحمر ومشي)..........
هو اتعود يجي المقبرة كل شهر او لو عاوز يفضفض يفضفض لنادية و لو وحشته ريناد يجي يتكلم معاها أما زيد جه مرتين يعتزر له أنه خانه و حب الي كانت هتبقي مراته.....
_______________________________
في أحد الشركات بي لبنان
مريام: الو...حاضر جاية
مريام راحت و معاها شوية ورق و خبطت الباب
المجهول: تعالي.... مريام احنا معانا صفقة في شركة ***** ***** و بكرة هنروح عشان نشوف العاملين الي هناك
مريام: تمام
المجهول: يلا خلينا نروح الوقت أتأخر اصلا و عاوز اناام
مريام: طب هروح اجيب شنطتي......
_______________________________
في أحد البيوت الي في مصر
حسن: اخيرا جيتي
نسرين: اه ياخويا اخيرا
حسن مسك لديها و بعدها علي رجله و بداء يملس علي خدها: عارفه لو مش جيتي كنت عملت ايه...كنت هقول لجوزك حبيبك الي عملتيه من 6 سنين و هتموتي قبل الاعدام كمان
نسرين: خلاص بقا عاوز ايه باقي ساعه لاروح
حسن: طيب اهدي علينا ده لسه اليوم طوويل......
_______________________________
في فيلا الجبار
نورهان رجعت من شركة فاشون كول و قاعدت علي سريرها بتعب
نورهان و هي بتمسك رقبتها : اااه يا جسمي اوفف ايه اليوم المتعب ده ( ومسكت تلفونها و كلمت حد) الو ايوا يا مي خلاص فستانك كمل ... هو انتو هتعملو فرح و لا علي الضيق.... ماشي تمام
_______________________________
في فيلا عائلة النصراوي أحد العائلات المشهورة برقتها و غنها و هدوئها في أحد الاوض الفيلا
قفلت مي الفون بعد ما نورهان قالت لها الفستان جهز و هي حزينه
مي بسرها: خلاص ... خلاص يا مي هتتجوزي امير و هتتسجني معاه بس مش مهم المهم بنت اختي هي محتاجاني و مش ينفع اروح و اجي من بيت امير و احنا مش متجوزين( و مسحت دموعها) خلاص انا حياتي و مستقبلي بقت كده بس صدقني يا امير هخليك تندم علي الي عملته اختي قبل ما تموت
مي قامت و نزلت تحت و هي بتتوعد لامير بعذاااااب
_______________________________
جه الصبح و اشرقت الشمس في لبنان....
ريناد وصلت للشغل و اول ما راحت
المدير: انهاردة هتيجي الناس الي مشتركة معانا في شركتنا وعيزين كل حاجه تكون جاهزة و تمام
ريناد كانت عمله تلفونها صامت و ماريام عماله ترن عليها
ماريام: اوفف مش بترد دي ليه انا هبعت لها رساله
ماريام وصلت هي. و جوزها
المدير رحب بيهم و بعدها عرفهم علي بقية الموظفين و اخيرا جه عند ريناد
المدير:مدام ريناد دا المدير الشركة المشتركة معانا و مراته
المجهول اول ما سمع اسم ريناد كان بيحاول يشفها
ريناد اول ما جت تشوفهم الشنطه و قعد و راحت اجيبها بعدها شافتهم
المجهول بصدمة:ر ري ريناد !!!
ريناد شهقت:هاااااه ز زي زيد ا انت عا عا يش!!
_______________________________
اهو بارتين في اليوم تعويض علي التاخر
قراءة ممتعه
بحبكم ❤
#اميرة_الشربيني
#ميرا_نوفيل
أنت تقرأ
لن اتخلي عنك ابدا/بقلم اميرة الشربيني(ميرا نوفيل)
Romanceرواية:لن اتخلي عنك ابدا الكاتبة:اميرة الشربيني السلسله: غموض العشاق الجزء الثاني من رواية صاعقة حب
